SHINGRAN 1:1 - Jinghpaw Common Language Bible 2009

¹ Ndai laika gaw Yesu Hkristu hpe Karai Kasang jaw ai shingran a lam ka matsing tawn ai laika re. Yesu hpe ndai shingran jaw ai lam gaw, gade n na yang byin wa na ra ai lam ni hpe Karai Kasang a shangun ma ni chye lu hkra madun dan na matu rai nga ai. Hkristu gaw shi a shangun ma Yawhan hpang de lamu kasa hpe shangun dat nna, ndai shingran ga shana dan wu ai.

Jinghpaw Hanson Version Bible

¹ Da ndai gaw, ahkying ladaw gade n na yang, byin wa na ra ai lam ni hpe, Hkristu a shangun ma ni e madun dan na matu, Karai Kasang gaw dai Madu hpe jaw dat ai, Yesu Hkristu a shingran ga rai nga ai; dai Madu gaw shagun dat nna shi a lamu Kasa a lata hte shi a shangun ma Yawhan hpe dai shingran ga shadan dan wu ai:

SHINGRAN 1:1 Iomraidhean Croise

SHAKAWN KUNGDAWN 25:14

Dai Madu gaw shi a ga madat mara nga ai ni a jinghku rai nga nna shi a ga shaka shanhte hte shagrin da nga ai.

Daniela 8:16

Ngai gaw Ulai hka nu ntsa kaw nna ning ngu jahtau ai nsen hpe na nngai: “Gabriela e, shi mu nu ai shingran a lachyum shi hpe sanglang dan u.”

Daniela 9:21

Ngai akyu hpyi nga yang, shawng na shingran hta ngai mu yu sai Gabriela gaw ngai nga ai shara de pyen yu wa nga ai. Dai gaw shana de na shagu hkungga nawng ya ai aten hta rai nga ai.

Daniela 9:23

Nang Karai Kasang kaw hpyi nem hpang wa ai shaloi, shi nang hpe htan ya nga ai. Shi nang hpe tsaw ra nga ai, dai rai nna ngai gaw dai mahtai nang hpe sa tsun dan nngai. Ya chyawm gaw ngai shingran tsun shaleng nga yang, myit maju jung nga u.

AMO LAIKA (AMOS) 3:7

Tsaw Htum ai dai Madu gaw shi myit mang ai lam, shi a shangun ma myihtoi ni hpe garai n shadan yang, hpa lam hpe mung shi galoi mung n galaw yu nga ai.

YAWHAN 12:49

Ndai lam teng man nga ai; hpa majaw nga yang, ngai gaw ngai nan nye a ahkang aya hte tsun nngai n rai; ngai hpa baw tsun na kaning ngu sharin shaga na gaw, ngai hpe shangun dat ai nye Wa e hkang dat ni ai.

YAWHAN 15:15

Ya kaw nna ngai nanhte hpe mayam n ngu na ni ai; hpa majaw nga yang, mayam gaw madu galaw nga ai amu hpe n chye wu ai; nanhte hpe jinghku she ngai ngu na made ai, hpa majaw nga yang, nye Wa kaw na ngai na la ai hte yawng, ngai nanhte hpe tsun dan ma sade ai.

YAWHAN 17:8

Nang ngai e jaw dat ai mungga hpe, ngai shanhte hpe jaw mawe ai rai nna shanhte mung dai hpe hkap la masai. Nang kaw na ngai du sa ai gaw teng nga ai hpe shanhte chye ma ai hte nang ngai hpe shangun dat ndai hpe mung, kam sham ma ai.

YAWHAN 3:32

Shi gaw, shi mu la, na la sai lam ni hpe sakse hkam nga ai; rai ti mung shi hkaw tsun sakse hkam ai ga hpe kadai mung n hkap la ma ai.

YAWHAN 8:26

Nanhte a lam hte seng nna ngai tsun na lam law lu nngai. Nanhte hpe jeyang na lam mung law law lu nngai. Rai ti mung ngai hpe shangun dat ai wa gaw teng man nga ai rai nna, shi kaw na ngai na la, mu la ai hpe sha mungkan ga hpe ngai tsun dan nngai,” ngu mu ai.

ROMA 16:25

Karai Kasang hpe anhte shakawn shagrau nga ga! Ngai nanhte hpe hkaw tsun dan sai Yesu Hkristu a lam Kabu gara shiga hte moi chyaloi nhkoi prat kaw nna makoi magap da ai dai teng man ai lam e shadan shadawng dat ai hte maren shi gaw nanhte hpe nanhte a makam masham hta ngang ngang kang kang tsap shangun lu nga ai.

GALATI 1:12

Hpa majaw nga yang, masha kadai kaw na mung ngai dai Kabu Gara Shiga hpe hkam la nngai n rai; Yesu Hkristu shi nan shingran ga hku nna ngai hpe shadan dan ni ai.

EHPESU 3:3

Karai Kasang gaw shi a sung htum ai yaw shada ai lam ngai hpe shadan dan ai. (Ndai lam hte seng nna kadun ai hku ka dat yu ni ai.)

TITU 1:1

Karai Kasang a shangun ma hte Yesu Hkristu a kasa wa rai nga ai ngai Pawlu gaw laika ka dat nngai. Karai Kasang gaw shi lata la ai masha ni a makam masham hpe bau maka sharawt ya na matu mung, anhte a nawku htung a sharin ya ai tengman ai lam hpe mu lu chye lu hkra lam madun na matu mung, ngai hpe lata la nna shangun dat ni ai.

SHINGRAN 1:19

Dai re ai majaw, nang mu lu sai lam ni hpe mung, ya nga nga ai lam ni hpe mung, htawm hpang e byin wa na ra ai lam ni hpe mung, ka da u.

SHINGRAN 1:9

Ngai gaw nanhte a hpu nau wa Yawhan rai nga nngai. Yesu a hpang hkan nang ai wa langai mi hku nna, shi a Mungdan hte seng ai masha ni hkrum sha nga ai nni nkri hpe myit galu let nanhte hte rau hkam sharang nga ai wa rai nga nngai. Ngai gaw Karai Kasang a mungga hte Yesu Hkristu sakse hkam shadan dan ai dai teng man ai lam hpe hkaw tsun shana dan ai majaw Patmu ngu ai zunlawng de sa kau ai hkrum nngai.

SHINGRAN 17:1

Dai shaloi gawm sanit lang ai lamu kasa sanit hta langai mi gaw, ngai hpang de sa nna, “Sa rit, hka nu ni law law a makau e de da ai mare kaba ngu ai shawa num kaba hpe ari gara hku jaw na ra ai lam ngai nang hpe madun dan de ga:

SHINGRAN 19:10

Shaloi, ngai gaw shi hpe nawku na ngu, shi a lagaw nhpang e dingnyawm dagup dat nngai. Rai ti mung, dai lamu kasa gaw, “Shing hkum rai et! Ngai gaw nang hte na nhpu nnau ni hte hpawn, Madu Yesu shadan dan ai dai teng man ai mungga hta jung noi nga ai ni a shingdep shingtau shangun ma manang she rai nngai. Karai Kasang hpe nawku u!” Hpa majaw nga yang, Madu Yesu sakse hkam shadan shaleng dan ai dai teng man ai mungga nan myihtoi ni hpe shung ya nga ai.

SHINGRAN 19:9

Dai hpang lamu kasa gaw, “Dai Sagu Kasha a hkungran poi de shaga da hkrum ai ni gaw a lu ma ai, ngu nna ka da u,” nga nna mung, “Ndai ga gaw Karai Kasang a teng man ai mungga ni rai nga ai,” nga nna mung ngai hpe tsun ai.

SHINGRAN 21:2

Shaloi Chyoi Pra ai Mare ngu ai Yerusalem mare ningnan gaw, la ningnan a matu mawn sumli da ai num ningnan zawn, lajang shachyip ngut nna, Karai Kasang shanu nga ai sumsing lamu de nna yu hkrat wa ai hpe, ngai mu nngai.

SHINGRAN 21:9

Shaloi, hpang jahtum na ari zinli ni hte hpring chyat re ai gawm lang ai lamu kasa sanit hta na langai mi ngai kaw sa du nna, “Sa rit, dai Sagu Kasha a madu jan ngu ai num ningnan, ngai nang hpe madun dan de ga,” nga nna ngai hpe tsun ai.

SHINGRAN 22:1

Bai, lamu kasa gaw Karai Kasang hte Sagu Kasha a tingnyang kaw na pru nna, dai mare a nmaw lam ka-ang hku lwi hkrat wa ai pat zawn htoi san ai asak hkrung ai hka a hka nu hpe ngai e madun nngai.

SHINGRAN 22:16

“Ngai Yesu gaw, Hpung kata hta nga nga ai nanhte hpe ndai lam ni tsun shana sakse hkam ya u ga, ngu nna nye a lamu kasa hpe ngai shangun dat nngai. Ngai gaw Dawi a lakung kaw na yu hkrat wa ai wa re. Htoi tu ai jahpawt manap na nhtoi gintawng rai nngai.

SHINGRAN 22:6

Dai hpang lamu kasa gaw, “Ndai ga ni gaw teng man nna kam ging nga ai. Myihtoi ni hpe wenyi jaw ya ai Madu Karai Kasang gaw, ahkying ladaw gade n na yang byin lu na ra ai lam ni hpe, shi a shangun ma ni kaw madun dan na matu, shi a lamu kasa hpe shangun dat nu ai.”

SHINGRAN 22:8

Ngai Yawhan gaw, ndai lam ni yawng hpe na lu ai hte mu lu ai wa rai nga nngai. Ndai hte hpe mu lu ai hte na lu ngut jang, ndai lam ni ngai hpe madun dan ai lamu kasa a lagaw nhpang e, shi hpe nawku na matu ngai dingnyawm dagup nngai.

SHINGRAN 22:9

Rai ti mung shi gaw, “Shing hkum rai et! Ngai gaw, na a mung, na a kahpu kanau myihtoi ni hte, ndai laika a mungga hpe madat mara hkan nang ai ni a mung, shangun ma manang shada she rai nngai. Karai Kasang hpe chyu sha nawku u!,” nga nna ngai hpe tsun ai.

SHINGRAN 4:1

Dai hpang, kaga shingran langai mi hta sumsing lamu e hpaw malang nga ai chyinghka langai mi ngai mu nngai. Ngai na hkrup ai ngai hpe tsun nga ai shawng na nsen gaw, pahtau zawn ngoi nga ai hte, “Nang de lung wa rit, htawm hpang e byin na ra ai lam hte hpe ngai nang hpe madun dan de ga,” nga nna tsun ai.

SHINGRAN 5:7

Dai Sagu Kasha sa nna, tingnyang hta dung nga ai wa a hkra lata na laika shabawn hpe la wu ai.