Shawlumon A Mahkawn Ga 8:9 - Jinghpaw Common Language Bible 2009

⁹ Shi lama bunghku rai yang, anhte gaw shi a ntsa e gumhpraw langchyi langai gap da na ga ai. Rai ti mung, shi lama chyinghka rai yang, anhte shi hpe arit hpunpyen ni hte makawp maga na ga ai.

Jinghpaw Hanson Version Bible

⁹ Shi bunghku tai yang, shi a ntsa e gumhpraw langchyi gaw da na ra ai; Shi chyinghka tai yang, arit hpunpyen hte kum na ra ai.

Shawlumon A Mahkawn Ga 8:9 Iomraidhean Croise

1 HKAWHKAM 6:15

Shakum kata maga de dun kaw nna magaw madin du hkra arit hpunpyen ni hte magap da nga ai; dun hpe chyawm gaw marau hpunpyen hte galaw da nga ai.

Shawlumon A Mahkawn Ga 1:11

Rai ti mung, anhte gaw gumhpraw hte sumli da ai ja saidawng langai na a matu galaw ya na ga ai.

Shawlumon A Mahkawn Ga 2:9

Nye a tsaw ra wa gaw chyahkyi langai zawn rai nna shan-nga kasha hte mung bung nga ai. Yu u, shi gaw bunghku makau e tsap nga ai. Shi gaw hkuwawt hku mada yu nhtawm hkinchyi hku hku praw rai mada yu nga ai.

ESAIA 58:12

Na a amyu masha ni gaw moi na hten run mat sai ni hpe bai de da na mara ai, moi moi na npawt nhpang ni a ntsa e bai gaw kahtap na ra ai. Nang gaw bunghku ni hpe bai gaw gap nna hten run mat sai dum nta ni hpe bai gram lajang da ai amyu masha ni zawn kajai gumhkawng na ra ai.

ESAIA 60:17

“Ngai gaw nang hpang de magri mang a malai aja, Hpri hte hpun a malai gumhpraw hte magri mang, Nlung a malai hpri la sa na nngai. Na a mung up du ni galoi mung nang hpe dip gamyet na ra ai n rai; Ngai gaw shanhte hpe teng man rap ra ai tara hte ngwi pyaw sim sa lam hte up shangun na nngai.

ESAIA 61:4

Shanhte gaw moi chyaloi nhkoi kaw nna hten run nga sai mare ni hpe bai gaw gap da na mara ai.

MAHTE 16:18

Bai, nang hpe ngai tsun de ga, lunghkrung ngu ai lachyum pru ai Petru rai nga ndai hte dai lunghkrung ngu ai npawt nhpang ntsa e nye a hpung hpe ngai de da na we ai rai nna, si hkrung si htan pyi gaw dai hpe dang kau lu na n rai.

KASA 14:27

Ya shan Antioki de du wa ma yang hpung masha ni hpe jahpawng tawn nhtawm Karai Kasang shan hta galaw ai lam yawng mayawng mung, maigan amyu ni kam sham wa na matu shi chyinghka gara hku hpaw ya sai lam hkai dan mu ai.

KASA 15:16

‘Dai aten ladaw a hpang e ngai bai wa nna, Dawi a mungdan hpe ngai bai sharawt na we ai. Hten run mat ai Dawi a nawku nta hpe ngai bai gaw gap na we ai, ngu nna Madu tsun ai, dai hpe n-gun bai shaja na we ai.

TARA JAHPRANG 22:8

Nta ningnan gap ai shaloi numgaw grup grup hta makawp shinggang teng teng bang lu na rai ndai. Shing rai jang, marai langai ngai di hkrat si mat ti mung dai gaw na a lit rai na ra ai n rai.