Shawlumon A Mahkawn Ga 8:8 - Jinghpaw Common Language Bible 2009

⁸ Anhte kajan kaji langai lu ga ai; shi a chyu ni grai naw kaji nga ai. Shabrang langai shi hpe sa gaswi ai rai yang, anhte shi a matu kaning di na rai ta?

Jinghpaw Hanson Version Bible

⁸ Anhte kaw kajan kaji langai mi nga ai: shi gaw chyu hka garai n bawng ai. Dai kajan hpe hpyi ai shani hta, Anhte shi a matu, kaning di na rai ta?

Shawlumon A Mahkawn Ga 8:8 Iomraidhean Croise

SHAKAWN KUNGDAWN 2:8

Hpyi u, ngai nang hpe masha amyu baw ni hte shanhte a mungdan ni yawng hte hpe ap ya na de ai; lamu ga ting na a rai na ra ai.

Shawlumon A Mahkawn Ga 4:5

Na a sinda gaw shannga ni hte hka law pan prang yang hkan e ushat sha nga ai chyahkyi marun yan zawn rai nga ai.

Shawlumon A Mahkawn Ga 7:3

Na a madoi chyu hpang yan gaw chyahkyi marun yan hte mung, shannga lahkawng hte mung bung nga ai.

Shawlumon A Mahkawn Ga 8:10

Ngai gaw bunghku rai nga nngai, nye a madoi chyu hpang ni gaw de a langchyi ni rai nga ai. Nye a tsaw ra wa gaw shi hta ngai myit dik ai hte ngwi pyaw sim sa ai lam lu la nga ai hpe chye nga ai.

Shawlumon A Mahkawn Ga 8:9

Shi lama bunghku rai yang, anhte gaw shi a ntsa e gumhpraw langchyi langai gap da na ga ai. Rai ti mung, shi lama chyinghka rai yang, anhte shi hpe arit hpunpyen ni hte makawp maga na ga ai.

ESAIA 49:6

Dai Madu gaw ngai hpe, “Nye a shangun ma wa e, ngai gaw na a matu bungli grau kaba ai langai lu nngai. Naw ngam nga ai Israela amyu masha ni hpe galu kaba lam jaw ya na matu sha n rai nga ai; rai ti mung ngai gaw nang hpe masha amyu ni a matu nhtoi shatai na we ai, shaloi mungkan yawng gaw hkye hkrang la hkrum na ma ai,” ngu nna tsun ai.

EZEKELA 16:46

“Na a kana hte shi a mare gaw dingdung maga de nga ai Samari rai nga ai. Na a kanau hte shi a mare gaw dingda maga de nga ai Sodom rai nga ai.

EZEKELA 16:61

Nang gaw na a kanau kana ni hpe hkap la yang, nang galaw kau sai arawn alai kade n shawp nga ai hpe myit dum wa nna, dai hta kaya nga na rai ndai. Dai gaw nang hte tawn da ai nye a ga shaka daw chyen mi n rai nga tim pyi, ngai gaw shanhte hpe na a shayi sha ni zawn shatai na nngai.

EZEKELA 16:7

Ngai nang hpe kung dam wa ai hpun zawn tu kaba shangun nngai. Nang galu kaba wa nna num mahkawn tai wa nit dai. Na a madoi chyu hpang grai gawng tsawm nna, na a kara ni tu nga lit dai, rai ti mung, nang gaw singgu krin naw rai nga ndai.

EZEKELA 23:33

Na a kana Samari a gawm gaw hkrit ai hte hten run ai a gawm rai nna, dai gaw nang hpe nchyi nmu hte lu nang shangun na ra ai.

LUKA 19:44

Shanhte gaw nang hpe mung, na a bunghku ni a kata e rawng nga ai masha ni hpe atsai awai jahten kau ai nhtoi gaw nang kaw pru na ra ai rai nna, nang hta nlung langai mi a ntsa e langai mi pyi n mara ngam nga lu hkra rai na ra ai. Hpa majaw nga yang, nang gaw Karai Kasang nang hpe hkye la na matu du sa ai aten hpe n dum n chye ndai,” ngu wu ai.

YAWHAN 10:16

Ndai wulawng hte n seng ai kaga sagu ni mung ngai naw lu nngai, dai sagu ni hpe mung ngai naw woi jashawn la lu na rai nna dai ni mung nye a nsen madat na mara ai. Shaloi sagu hpung langai sha, sagu rem wa langai sha, rai na ra ai.

KASA 10:1

Kesare mare e, Korneli ngu ai wa langai mi nga ai. Shi gaw Itali dap ngu ai Roma lagaw dap hta hpyen latsa rawng ai dap kung langai mi a du wa rai nga ai.

KASA 16:9

Dai shana e Pawlu gaw shingran hta, Makedoni masha langai mi sa tsap nga nna, “Makedoni mung de rap sa nna anhte hpe karum la mi,” nga nna shi hpe hpyi ai mu wu ai.

KASA 22:21

Karai Kasang chyawm gaw, ‘Pru sa wa su, ngai nang hpe tsun ai tara maigan masha ni hpang de ngai nang hpe shangun dat na de ai,’” nga nna tsun ai ngu mu ai.

KASA 7:38

Nam mali e hpawng nga ai Israela amyu masha ni hte mung, anhte a ji wa ni hte mung, Sina bum e shingran jaw ai lamu kasa hte mung rau rai nga ai wa gaw shi nan rai nga ai. Anhte hpe bai htawn tsun na ap ya ai Karai Kasang kaw na asak hkrung ai mungga hkap la ai wa mung shi rai nga ai.

1 PETRU 2:12

Tara maigan de na ni nanhte hpe n hkru n kaja ai lam galaw ai ni re ngu nna shadu myit yang, nanhte a kaja ai amu mu lu nna dai Madu bai du sa ai Nhtoi hta Karai Kasang hpe shakawn shagrau mu ga, nanhte gaw shanhte a man e nanhte a arawn alai lam hta tsawm htap kup tsup nga myit ga law.