Shawlumon A Mahkawn Ga 8:10 - Jinghpaw Common Language Bible 2009

¹⁰ Ngai gaw bunghku rai nga nngai, nye a madoi chyu hpang ni gaw de a langchyi ni rai nga ai. Nye a tsaw ra wa gaw shi hta ngai myit dik ai hte ngwi pyaw sim sa ai lam lu la nga ai hpe chye nga ai.

Jinghpaw Hanson Version Bible

¹⁰ Ngai gaw bunghku rai nga nngai; nye a madoi chyu hpang langchyi hte bung nga ai; Dai rai nna ngai shi a man e myi man pa ni ai.

Shawlumon A Mahkawn Ga 8:10 Iomraidhean Croise

NINGPAWT NINGHPANG 6:8

Rai ti mung dai Madu chyawm gaw Noa hpe awng sharawng nga wu ai.

GA SHAGAWP 3:4

Ndai lam hpe nang hkan galaw ai rai yang, Karai Kasang mung, shinggyim masha mung, nang hpe ra sharawng na mara ai.

Shawlumon A Mahkawn Ga 4:4

Na a du gaw din din rai nna pri tsawm ai Dawi a langchyi zawn rai nna, ninggang hkying mi noi da ai zawn re ai kachyi hte shinggrup da nga ai.

Shawlumon A Mahkawn Ga 4:5

Na a sinda gaw shannga ni hte hka law pan prang yang hkan e ushat sha nga ai chyahkyi marun yan zawn rai nga ai.

Shawlumon A Mahkawn Ga 8:11

Shawlumon gaw Bala Hamon mying ai shara hta sabyi sun langai lu ai. Shi kaw na sun shap galaw ai ni nga nga ma ai; dai ni langai hte langai gaw gumhpraw ahkying hkying jaw ma ai.

ESAIA 60:10

Dai Madu gaw Yerusalem hpe, “Maigan masha ni gaw na a bunghku ni hpe bai gaw gap wa na mara ai, Shanhte a hkawhkam ni nang hpe daw jau na mara ai. Nye a masin kahtet ai majaw, ngai nang hpe ari jaw ni ai. Rai ti mung, ya chyawm gaw ngai nang hpe myi man shapa ya ai hte matsan dum ai myit madun dan na nngai.

EZEKELA 16:7

Ngai nang hpe kung dam wa ai hpun zawn tu kaba shangun nngai. Nang galu kaba wa nna num mahkawn tai wa nit dai. Na a madoi chyu hpang grai gawng tsawm nna, na a kara ni tu nga lit dai, rai ti mung, nang gaw singgu krin naw rai nga ndai.

LUKA 1:30

Shaloi dai lamu kasa gaw, “Mari e, hkum hkrit et, nang Karai Kasang a man e myi man pa nit dai.

EHPESU 1:6

Shi a tsaw ra ai kasha a marang e manu jahpu n hpyi ai sha anhte hpe jaw ai hpung shingkang rawng ai shi a chyeju a majaw Karai Kasang hpe shakawn kungdawn ga law!

EHPESU 1:8

Anhte hpe nde wa n daw n hta jaw ya ai Karai Kasang a chyeju gaw kade wa kaba la nga a hka!

1 TIMOHTI 1:16

Rai ti mung Karai Kasang ngai hpe matsan dum la ai lam gaw, htawm hpang de Madu hpe kam sham nna htani htana asak lu la na rai nga ai ni yawng a matu mara kasi ningli langai mi tai nga u ga, Hkristu Yesu gaw ngai zawn re ai yubak lu ai ni hta sawng dik ai wa a ntsa e shi a myit galu hkam sharang ai hpe madun dan ai lam rai nga ai.