Shawlumon A Mahkawn Ga 7:12 - Jinghpaw Common Language Bible 2009

¹² An gaw jahpawt jau rawt nna sabyi ru tu wa, n tu wa ai hpe mung, pu majawm, n majawm ai hpe mung, hkainu si hpun ni pu ai, n pu ai hpe mung sa mada yu ga. Dai yang e, nye a tsaw ra myit nang hpe ap ya na de ai.

Jinghpaw Hanson Version Bible

¹² Tsabyi ru ni majawm n majawm mung, de a nampan ni pu n pu mung, Hkainu si ni pu an n an mung, mada yu ga: Dai yang e nye a tsawra myit nang hpe ap na de ai.

Shawlumon A Mahkawn Ga 7:12 Iomraidhean Croise

SHAKAWN KUNGDAWN 122:5

Ndai mare gaw Israela Hkawhkam ni hkaw dung nna, shanhte a amyu masha ni hpe tara jeyang na shara rai nga ai.

SHAKAWN KUNGDAWN 43:4

Shaloi, Karai Kasang e, na a tawn hkungri de ngai sa wa lu na ring ngai; nang gaw nye a kabu gara ai chyeju hka hpawk rai nga ndai. O Karai Kasang e, nye a Karai Kasang e, nye a tingse hpe dum ai hte nang hpe ngai mahkawn shakawn nga na nngai.

SHAKAWN KUNGDAWN 73:25

Sumsing lamu hta, nang hta kaga ngai kadai hpe Madu shatai na rai nga a ta? Nang nye a Madu rai nga yang, mungkan ga ntsa e, ngai hpa naw ra na rai nga a ta?

PRU MAT 25:22

Dai kaw e ngai gaw nang hte jahkrum nna, magap ntsa na singkaw tu ai hkrung kanu lahkawng a lapran hta, Israela amyu masha ni a matu nye a tara ni yawng, ngai nang hpe jaw ya na nngai.

GA SHAGAWP 8:17

Ngai hpe tsaw ra ai ni hpe ngai tsaw ra nga nngai; ngai hpe tam ai ni kadai rai ti mung, ngai hpe mu tam lu nga ai.

HPAJI NINGLI 9:10

Nang yu wa na katsan ga hta e, amu bungli, myit mang ai, machye machyang hpaji hte hpaji byeng-ya hpa mung n nga ai majaw nang galaw ai amu hpa hpe mung ja ja galaw u.

Shawlumon A Mahkawn Ga 2:13

Lakum si ni mying hpang wa sai; sabyi ru ni mung pu pu nga ai; de a manam pyaw bat gaw nbung hta mawng nga ai. Nye a nja jan e, sa rit; nye a tsaw ra nja jan e, ngai hte rau sa wa ga.

Shawlumon A Mahkawn Ga 2:15

Chyahkyawn ni, chyahkyawn kasha ni, sabyi sun na pu pu nga ai sabyi ru ni hpe garai n jahten sharun kau lu yang, dai ni hpe rim kau u.

Shawlumon A Mahkawn Ga 4:13

dai yang hkan e hkai bawng ni tu kaba wa nga ai. Dai ni gaw hkainu si hpun tu ai namsi sun zawn kaba wa nna kaja htum ai asi ni si nga ai. Nardu hte kayau ai hena hpun,

Shawlumon A Mahkawn Ga 4:16

Dingdung nbung e rawt u. Dingda nbung e nye a sun de manam pyaw bat hte hpring ai nbung bung wa u ga. Nye a tsaw ra ai wa shi a sun de sa wa nna, dai sun na kaja htum ai asi sha lu u ga.

Shawlumon A Mahkawn Ga 6:11

Kadit e tu ai hkai bawng ni tu n tu, sabyi ru ni lap prut n prut, hkainu si hpun ni pu n pu, sa yu na matu namsi sun de ngai yu wa nngai.

Shawlumon A Mahkawn Ga 7:11

Ngai tsaw ra ai wa e, sa rit, pa ga de pru hkawm nna, shana hpe kahtawng ni hkan nga shalai hkawm ga.

Shawlumon A Mahkawn Ga 7:6

Nang gaw kade sha sumnung shingdi nna kade sha tsawm htap nga n hka; na a tsaw ra kabu pyaw lam gaw kade sha hkum tsup nga a hka!

ESAIA 18:5

Pu ni yawng run hkrat mat nna sabyi si ni myin wa nga ai aten, sabyi si ni hpe garai n di mahkawng yang, sabyi ru ni kaw na kungdam ai lakung lakying ni hpe nhkyi hte aloi loi sha kran kau ai zawn, gumlau hpyen ni gaw Ehtiopi masha ni hpe jahten shaza kau na ra ai.

KASA 15:36

Dai hpang nhtoi ram ram na wa jang Pawlu gaw Barnaba hpe, “Madu a mungga hkaw dan da sai mare shagu hkan na kahpu kanau ni kaning rai nga ma ai hpe bai sa kawan yu saga,” nga nna tsun wu ai.

ROMA 5:11

Dai hta n ga ya anhte hpe Karai Kasang hte htinglu htinglai nna jinghku tai shangun ai Madu Yesu Hkristu a marang e Karai Kasang anhte hta galaw dan sai amu a majaw anhte kabu gumrawng nga ga ai.

2 KORINHTU 13:5

Nanhte gaw dai makam masham hta asak hkrung nga ai ni rai n rai mu chye lu na matu tinang hkum hpe san jep nna jeyang yu nga mu. Nanhte tsep kawp sum hkrum ai ni n rai myit yang gaw, Hkristu Yesu nanhte hta nga nga ai lam hpe nanhte teng sha chye lu na myit dai.

EHPESU 6:24

Galoi mung n hpoi n hten mat lu ai tsaw ra myit hte anhte a Madu Yesu hpe tsaw ra nga ai ni nlang hte hta Karai Kasang a chyeju gaw anga nga u ga law.

HEBRE 12:15

Karai Kasang a chyeju kaw na htak mat wa ai lam n byin u ga, makawp maga nga mu. Hka ai hpun ru gaw tu kaba wa nna shi a gung hte jam jau law law jaw lu ai zawn, nanhte kadai hta mung dai zawn n byin u ga, sadi nga mu.

HEBRE 2:13

Bai Yesu gaw, “Ngai gaw Karai Kasang hta kam hpa manoi manat nga na nngai,” nga nna mung, “Karai Kasang ngai hpe jaw da sai kashu kasha ni hte rau ndai shara e nga nga nngai,” nga nna mung tsun ai.

HEBRE 2:15

Ndai lam hku nna si hkrung si htan hpe hkrit ai majaw prat tup mayam tai nga ai ni hpe shalawt dat wu ai.

HEBRE 4:16

Dai rai nna anhte nden ja ai myit hte Karai Kasang a chyeju tingnyang man de sit shang wa ga. Shing rai yang anhte gaw matsan dum ai lam hkam la lu na hte, ra kadawn ai aten hta nan anhte hpe karum ai chyeju lu la na ga ai.