Shawlumon A Mahkawn Ga 5:4 - Jinghpaw Common Language Bible 2009

⁴ Nye a tsaw ra wa gaw shi a lata hte chyinghka jum da nga ai; shi ani sha nga ai majaw nye a masin htuk htak mat nngai.

Jinghpaw Hanson Version Bible

⁴ Nye tsawra ai wa gaw, chyinghka lakran hku shi a lata manaw bang da nga ai rai nna, Nye a myit masin gaw shi a lam kadau nga ai majaw,

Shawlumon A Mahkawn Ga 5:4 Iomraidhean Croise

NINGPAWT NINGHPANG 43:30

Dai hpang Yosep gaw shi a myit masin hta n-gaw n wai ai myit hpring nga lu ai majaw akajawng sha pru mat wa wu ai. Shi gaw sharai n lu gawng run wu ai rai nna, shi a gawk kata de shang hkrap nga ai.

NINGPAWT NINGHPANG 7:11

Noa a asak kru tsa ning du ai shaning a shata lahkawng a shi sanit ya shani e nan, aga a kata de nga ai hka hpungtun ni yawng kapaw pru wa nna sumsing lamu na sha-u chyinghka ni hpaw malang mat wa ai hte,

1 HKAWHKAM 3:26

Kanu majing mahtang gaw shi a kasha a majaw shi a myit masin hta tsaw ra myit hpring nga wu ai rai nna hkawhkam wa hpe, “Madu hkawhkam e, chyeju hte ma hpe hkum sat kau et! Shi hpe mahtang ma dai hpe jaw kau nu!,” ngu nna tsun wu ai. Rai ti mung kaga numsha mahtang, “An hta na kadai hpe mung hkum jaw sa. Ma dai hpe lahkawng brang di kahtam di kau sanu,” ngu nna tsun wu ai.

SHAKAWN KUNGDAWN 110:3

Na gumlau hpyen ni hpe nang htim gasat ai shani e, na a amyu masha ni gaw madu myit hte shang karum wa na mara ai. Jahpawt manap jau jau e, hkrat ai mari zawn, na a brang ram ni nang shanu nga ai chyoi pra ai bum ni de du sa wa na mara ai.

Shawlumon A Mahkawn Ga 1:4

Ngai hpe dun la e, an rau sha tsan tsan de hprawng ga; nye a hkawhkam tai nga u, na a gawk de ngai hpe woi shang wa rit. An rau sha kabu let pyaw nga ga; n dum mat hkra lu nang nna dut dang ai lam n nga ai sha tsaw ra nga ga. Numsha ni yawng nang hpe tsaw ra ai gaw mauhpa n rai nga a hka!

YEREMIA 31:20

“Israela e, nang gaw nye a tsaw ra dik htum ai kasha rai nga ndai ngai tsaw ra dik htum ai ma mung rai nga ndai. Na a amying hpe ngai tsun shaga ai aten shagu, nang hpe tsaw ra myit hte sha ngai sumru nngai. Nye a myit masin nang hta myit kap nga ai rai nna, nang hpe matsan dum na nngai.

KASA 16:14

Shanhte hta na anhte a ga na la ai numsha gaw Htuatira mare na sumpan hkyeng sawm dut ai Ludi ngu ai jan rai nga ai. Shi gaw Karai Kasang hpe nawku kam sham ai numsha rai nna, Pawlu tsun dan nga ai ga hpe na lasha let madat la u ga, Madu e shi a myit hpaw ya wu ai.

2 KORINHTU 8:16

Nanhte hpe karum madi shadaw na matu anhte hta myit rawt sharawng awng ai lam rawng ai zawn, Titu hta mung rawng shangun ai Karai Kasang a chyeju hpe gade shakawn shagrau shara rai nga a hka!

HPILIPI 2:13

Hpa majaw nga yang Karai Kasang gaw shi a myit ra yaw shada ai lam hta madat mara hkan sa mayu ai myit hte hkan sa shangun lu ai atsam nanhte lu la mu ga Karai Kasang gaw nanhte hta e shachyen shaja nga ai.