Shawlumon A Mahkawn Ga 4:12 - Jinghpaw Common Language Bible 2009

¹² Nye a nja jan, nye a num nnan e, nang gaw makoi magap da ai sun, shakum kum ai sun hte madu da sai hka hpawk rai nga ndai;

Jinghpaw Hanson Version Bible

¹² Ngai jan, nye a num ningnan gaw, Shakum kum ai sun, pat da ai hka hpawk hte, Dazik kap da ai hka htung rai nga ai.

Shawlumon A Mahkawn Ga 4:12 Iomraidhean Croise

NINGPAWT NINGHPANG 29:3

Dai yang e, sagu hpung ni yawng hpe rau jahpawng da ngut jang, sagu rem ni gaw hka htung magap ai nlung hpe kanawng sit da nhtawm sagu ni hpe hka ja jaw jaw rai ma ai; dai hpang nlung dai hpe mi na shara hta bai magap da da di mu ai.

Shawlumon A Mahkawn Ga 4:9

Nye a nja jan, nye a num nnan e, na a myi ni hte yu ai nsam hte nang gali da ai kachyi gaw nye a myit masin hpe lagu madu la kau ya nga sai.

Shawlumon A Mahkawn Ga 6:11

Kadit e tu ai hkai bawng ni tu n tu, sabyi ru ni lap prut n prut, hkainu si hpun ni pu n pu, sa yu na matu namsi sun de ngai yu wa nngai.

Shawlumon A Mahkawn Ga 6:2

Nye a tsaw ra wa gaw balsam hpun tu ai shi a sun de sa mat wa nu ai. Shi gaw yam nga hpung hpe sun hta e ushat jaw nna hka law pan ni hpe di shinggyin la nga ai.

ESAIA 58:11

Ngai gaw nang hpe tut nawng woi lakawn nna mai kaja ai arai ni hte nang hpe myit shadik ya na nngai. Ngai gaw nang hpe n-gun shaja ya nna hkam kaja shangun na nngai. Nang gaw hka n taw n tsang rawng ai sun hte galoi mung n hkyet mat ai hka hpawk langai zawn tai na ndai.

YEREMIA 31:12

Shanhte gaw Ziun bum ntsa de du wa nna, kabu gara mahkawn mangoi na mara ai, shanhte gaw nye a kumhpa ngu ai nai mam nsi naisi, sabyi ntsin hte tsanlun sau, sagu kasha hte dumsu kasha ni hpe ra sharawng na mara ai. Shanhte gaw hka atsawm sha jaw ai sun zawn tai nna; shanhte hta ra kadawn nga ai lam shagu hkam la lu na mara ai.

HOSEA 6:3

Anhte dai Madu hpe chye hkra shakut ga. Shi gaw jahpawt manap na nhtoi e teng teng pru wa ai zawn mung, lanam shang marang teng teng jahtu ya ai zawn mung anhte hpang de du sa wa na ra ai.”

1 KORINHTU 6:13

“Lusha gaw kan a matu, kan gaw lusha a matu rai nga ai,” nga nna nanhte tsun na myit dai. Dai gaw teng nga ai, rai ti mung Karai Kasang gaw dai yan hpe rau sha jahten kau na ru ai. Dai hkum hkrang chyawm gaw hpye ai amu a matu n re ai sha, dai Madu hpe daw jau na matu rai nga ai. Karai Kasang mung hkum hkrang a ra kadawn nga ai lam ni hpe jaw ya nga ai.

1 KORINHTU 7:34

Dai re ai majaw shi gaw myit lahkawng gabra nga lu ai. Num n wa ai numsha shing n rai hkawn jet re ai wa gaw Karai Kasang hpe shi a hkum hkrang hte wenyi chyoi pra nga u ga, sak nawng mayu ai rai nna, Madu a amu lam hpe grai myit lawm myit tsang nga ai: rai ti mung num wa sai num gaw, tinang a madu wa a myit ra sharawng ai lam byin shangun mayu ai majaw, mungkan hte seng ai lam hpe myit tsang mat nga ai.

2 KORINHTU 1:22

Karai Kasang shi nan anhte hpe kaga san di lata la nna, shi a amyu masha ni re ai lam masat dazik dawk shakap da mani ai hte, du na ra ai ten hta anhte hkam la na chyeju nlang a matu hkam dahka galaw ai hku nna anhte a myit masin ni hta dai chyoi pra ai Wenyi ru jaw bang ya mi ai.

EHPESU 1:13

Nanhte hpe hkye hkrang la ai lam jaw ya ai dai teng man ai mungga ngu ai Kabu Gara Shiga hpe nanhte maigan masha ni na la lu ai shaloi e, nanhte mung Karai Kasang a amyu masha ni tai wa manit dai. Hkristu hpe nanhte kam sham myit dai rai nna shi ndat da ai Chyoi Pra ai Wenyi hpe jaw ya ai a marang e shi gaw nanhte a Madu rai nga ai lam dazik dawk da nu ai.

EHPESU 4:30

Dai hta n ga Chyoi Pra ai Wenyi hpe hkum shayawn kau nga myit; hpa majaw nga yang dai Chyoi Pra ai Wenyi gaw nanhte hpe Karai Kasang madu nga ai lam sakse masat dazik rai nna hpang jahtum nhtoi e nanhte hpe Karai Kasang shalawt dat hkrum na ra ai hpe pahkam hkam ya ai lam langai mi mung rai nga ai.

SHINGRAN 21:27

Rai ti mung, awu asin re ai hpa mung dai mare de shang lu na n rai. Matsat shabat awu asin amu galaw ai wa, masu magaw lam hkan ai wa mung dai mare hta galoi mung shang lu na n rai. Sagu Kasha a asak laika hta amying ka lawm ai ni chyu sha dai mare hta shang lu na mara ai.

SHINGRAN 7:3

“Anhte a Karai Kasang a shangun ma ni a lahtan ni hta e dazik masat garai n shakap kap gaw, aga hpe mung, panglai hpe mung, hpun ni hpe mung, garai hkum zingri myit,” nga nna nsen kaba hte jahtau tsun wu ai.