Shawlumon A Mahkawn Ga 4:1 - Jinghpaw Common Language Bible 2009

¹ Nye a nja jan e, nang gaw kade sha tsawm htap nga n hka! Na a myi man magap shingdu e tu ai na a myi ni gaw kade sha yu tsaw ra na zawn htoi tu nga lit hka! Na a kara gaw Gilead kawng kaw na yu hkrat wa ai bainam hpung mi zawn ka manawt nga ai.

Jinghpaw Hanson Version Bible

¹ Yu u, nye a nja jan e, nang hpraw tsawm ndai; Gaja wa, tsawm htap nga ndai. Na a myi gaw myi man magap shinggan e, Hkrudu myi hte bung nga ai: Na a kara gaw, Gilead bum lanem e, Hpum nga ai bainam hpung hte bung nga ai.

Shawlumon A Mahkawn Ga 4:1 Iomraidhean Croise

SHAKAWN KUNGDAWN 45:11

Na a tsawm htap ai ahpraw shingyan gaw hkawhkam wa hpe myit gang ra sharawng shangun na ra ai; shi gaw na a madu rai nga ai rai nna nang shi a ga hpe madat mara nga ra nga ndai.

Shawlumon A Mahkawn Ga 1:15

Nye a nja jan e, nang gaw kade sha tsawm htap nga n hka! Na a myi ni mung kade sha yu tsaw ra na zawn htoi tu nga a hka!

Shawlumon A Mahkawn Ga 2:10

Nye a tsaw ra nja wa ngai hpe ga shaga nga ai. Nye a nja jan e, sa rit; nye a tsaw jan e, ngai hte rau sa wa ga.

Shawlumon A Mahkawn Ga 2:14

Nang gaw lungkrawp hkan makoi nga ai hkrudu zawn rai nga ndai. Tsaw ra mai ai na a myi man ngai mu lu n-ga; na a ngwi ngawn ai nsen hpe na lu n-ga law.

Shawlumon A Mahkawn Ga 6:5

Na a myi ni hpe ngai kaw nna kayin mat wa u, dai ni gaw ngai hpe myit shajup da nga ai. Na a kara gaw Gilead kawng lanem hkan e nga ai bainam uhpung mi zawn ka manawt nga ai.

Shawlumon A Mahkawn Ga 6:7

Na a shabyi ni myi man magap a shingdu e htoi tu nga ai.

Shawlumon A Mahkawn Ga 7:5

Na a baw gaw tsaw ai Hkarmela bum zawn rai nga ai. Hkri da ai na a kara gaw mani tsawm dik ai lai sumpan zawn tu ala nga ai; de a tsawm htap ai gaw hkawhkam wa hpe pyi ahkang la lu nga ai.

YEREMIA 22:6

“Nye a matu Yuda hkawhkam htingnu gaw Gilead mung hte Lebanon bum ni zawn tsawm htap nga ti mung, ngai gaw dai hpe kadai mung n shanu ai katsi katsang shara shatai kau na nngai.

EZEKELA 16:14

Ngai gaw nang hpe grai yu tsaw ra na zawn re ai tsawm htap ai ahpraw nsam hte ningja shapraw da ai wa rai nga nngai majaw, nang gaw na a hkum tsup ai ahpraw nsam hte maigan masha amyu baw shagu a man hta kajai gumhkawng ai jan tai wa nit dai.” Ndai mungga hpe Tsaw Htum ai dai Madu tsun ai.

MIHKA 7:14

Madu e, nang lata san da sai na a amyu masha ni a matu sagu rem wa tai nga u. Shanhte gaw nam mali kata hkan dumbri dumbra rai nga nga ma ti mung, dai shara hta ga sau kaja ai lamu ga gaw shanhte hpe gawan da nga ai. Bashan hte Gilead mung na udat shara hta lai sai aten shanhte nga ningngai lu ma ai zawn shanhte sa nna sha lu mu ga.

BU HKAWM 32:1

Rubin hte Gad yan a amyu bawsang ni yam nga hpung law law lu ma ai. Dai rai nna Yazera mung hte Gilead mung hta yam nga a matu udat shara kade wa kaja nga ai hpe shanhte mu ma yang,

BU HKAWM 32:40

Mawshe mung Mahkira a lakung lama ni hpe Gilead mung jaw wu ai rai nna dai yang e, shanhte nga nga ma ai.

MAHTE 11:29

Ngai gaw myit sumnung ai hte myit gyip nga nngai rai nna, nye a kandang hpe hpai mu, nye a lam sharin la mu: dai rai yang, nanhte a myit masin ban sa ai hkrum na malit dai.

2 KORINHTU 3:18

Dai rai nna anhte yawng gaw man magap hpaw kau sai myi man ni hte dai Madu a hpung shingkang a shingna hpe bai nhtang htawng madun nga ga ai. Dai hpung shingkang nan wenyi ngu ai Madu kaw na du sa nna Madu hte grau grau bung jat wa ai hpung shingkang maga de anhte hpe galai shai wa shangun mi ai.