Shawlumon A Mahkawn Ga 3:7 - Jinghpaw Common Language Bible 2009

⁷ Shawlumon du sa wa nga ai, shi a tingnyang ntsa e dung nga ai; Israela na kaja htum ai hpyenla kru shi gaw sin langa tai ya nga ma ai.

Jinghpaw Hanson Version Bible

⁷ Yu mu, dai gaw Shawlumon a krau rai nga ai; Israela share ninghkrin ni hta na, Share kru shi, de a grup yin e, sin nga ma ai.

Shawlumon A Mahkawn Ga 3:7 Iomraidhean Croise

1 HKAWHKAM 14:27

Dai ni a malai Hkawhkam Rehoboam gaw magri mang ninggang ni hpe galaw nhtawm hkawhkam htingnu chyinghka ni hpe sin na lit lu ai du salang ni a lata de ap ya wu ai.

1 HKAWHKAM 9:22

Israela masha ni hpe chyawm gaw mayam n shatai da wu ai; shanhte gaw shi a hpyenla ni, du salang ni, up hkang du ni, gumra leng hkang ai ni hte gumra jawn ai ni a du agyi amu ni hpe galaw nga ma ai.

2 HKAWHKAM 6:17

Dai hpang shi gaw, “O Madu e, shi mu lu u ga, shi a myi hpaw ya u!,” ngu nna hpyi wu ai. Dai Madu mung shi akyu hpyi ai ga hpe htan ya wu ai rai nna Elisha a shangun ma wa yu dat wu yang Elisha a grup yin na bum nhkrem hkan e, wan gumra ni hte wan hpyen leng ni hte hpring nga ai hpe shi mu wu ai.

NEHEMIA 4:13

Dai rai nna, ngai gaw amyu masha ni hpe nhtu, nri hte ndan ni lang shangun nna, garai n lu ngut ai bunghku shingdu e amyu lakung hku hkan nna san da shangun we ai.

Shawlumon A Mahkawn Ga 1:16

Ngai tsaw ra dik htum ai wa e, nang gaw kade sha tsawm htap nga n hka! Nang gaw ngai hpe kade sha ra sharawng nga n hka! Tsit lali ai tsingdu pa gaw an a yup ra tai na ra ai;

Shawlumon A Mahkawn Ga 3:6

Mura, lawban hte hpaga ga ai ni dut ya ai manam pyaw ai baw amyu myu gaw, wan hkut shadaw zawn zaibru jang na pru wa ai gaw hpa rai nga a ta?

Shawlumon A Mahkawn Ga 3:8

Shanhte yawng gaw nhtu hta kungkyang ma ai; shanhte gaw majan htat ai shara de shawng majen je ai salang ni rai ma ai. Shanhte langai hte langai gaw tinang nhtu hpye let, shana e htim gasat na hpe hkap nga ma ai.

Shawlumon A Mahkawn Ga 3:9

Hkawhkam Shawlumon hpe kaja htum ai hpun hte galaw ai tingnyang hta hpai ma ai.

HEBRE 1:14

Dai rai yang gaw, lamu kasa ni gaw kadai ni rai nga ma ta? Shanhte gaw hkye hkrang la ai sali wunli hkam la na ni hpe karum na matu Karai Kasang e shangun dat hkrum ai hte Karai Kasang hpe daw jau nga ai wenyi ni rai ma ai.

1 SAMUELA 14:52

Shawlu hkrung nga dingsa, shi gaw Hpilisti masha ni hpe majan aja awa gasat ra wu ai rai nna, n-gun ja nna magrau grang ai masha mu shagu, shi a hpyen luksuk jahpan hta mying bang la la rai wu ai.

1 SAMUELA 28:2

Dawi gaw, “Mai sa, teng teng rai na nngai. Ngai gaw na a shangun ma wa rai nga nngai hte maren, nang hkum a matu ngai hpa galaw ya lu na lam, nang mu lu na rai ndai,” ngu nna htan wu ai. Ahkisha mung, “Mai sa! Ngai mung nang hpe tut nawng na nye a asak sin ya ai du shatai na de ai,” ngu nna tsun wu ai.

1 SAMUELA 8:16

Shi gaw nanhte a shangun ma ni hte kaja htum ai nanhte a yam nga dumsu ni hte lawze ni la nhtawm shi a matu amu galaw shangun na ra ai.