Shawlumon A Mahkawn Ga 3:4 - Jinghpaw Common Language Bible 2009

⁴ Ngai shanhte kaw na pru mat wa ai shaloi jang, ngai shi hpe mu nngai. Ngai shi hpe jum shingdang nna nye nu a nta hte ngai hpe shangai ai gawk de shi hpe woi shang wa ai aten du hkra n dat hkraw nngai.

Jinghpaw Hanson Version Bible

⁴ Shanhte hte loi mi lai yang, Nye myit masin tsawra ai wa hpe ngai mu hkrup nngai: Ngai shi hpe jum shadang nna, nye nu a nta hte, Ngai hpe shangai chyinghkai ai gawk de, Garai n jashawn yang, n dat hkraw nngai.

Shawlumon A Mahkawn Ga 3:4 Iomraidhean Croise

NINGPAWT NINGHPANG 32:26

Dai masha wa gaw, “Ngai wa na ni ai; nhtoi mung htoi wa ra ai,” ngu nna tsun wu ai. Yaku mahtang, “Nang ngai hpe n shaman ya ai rai yang, ngai wa shangun na n rai,” ngu nna htan wu ai.

GA SHAGAWP 4:13

Nang sharin hkam la lu sai lam hpe tut nawng e adum nga u; na a hpaji gaw na a asak rai nga ai majaw, dai hpe atsawm sha sin da u.

GA SHAGAWP 8:17

Ngai hpe tsaw ra ai ni hpe ngai tsaw ra nga nngai; ngai hpe tam ai ni kadai rai ti mung, ngai hpe mu tam lu nga ai.

Shawlumon A Mahkawn Ga 1:7

Nye a tsaw nja wa e, na a yam nga hpung ni hpe rem na matu gara shara de woi sa na mung, shani chyingtung kaw nna gara shara hta ban sa na mung, ngai hpe tsun e. Kaga sagu rem ai ni a sagu hpung ni a lapran hta hpa majaw ngai nang hpe hkan tam la ra nga a ni?

Shawlumon A Mahkawn Ga 6:12

Hpyen majan a matu hpyen leng gawt ai wa zawn tsaw ra myit a matu nang ngai hpe myit katu shangun nga ndai majaw ngai hkrit gari nga nngai.

Shawlumon A Mahkawn Ga 7:5

Na a baw gaw tsaw ai Hkarmela bum zawn rai nga ai. Hkri da ai na a kara gaw mani tsawm dik ai lai sumpan zawn tu ala nga ai; de a tsawm htap ai gaw hkawhkam wa hpe pyi ahkang la lu nga ai.

Shawlumon A Mahkawn Ga 8:2

Nang ngai hpe tsaw ra myit sharin ya lu ai shara ngu ai nye nu a nta de ngai nang hpe woi wa na nngai. Ngai gaw manam pyaw ai sabyi ntsin hte nye a hkainu si ntsin nang hpe jaw lu na nngai.

ESAIA 45:19

Ngai gaw machyi shim ai hku n tsun yu nngai, nye a yaw shada ai lam hpe makoi magap n galaw yu nngai. Katsi katsang re ai shara hta ngai hpe tam na matu, Israela amyu masha ni hpe ngai n lajin yu nngai. Ngai gaw dai Madu rai nga nngai, ngai gaw teng man ai ga hpe tsun nngai; Teng man ai amu hpe ngai chye shangun nngai.”

YEREMIA 29:13

Nanhte gaw ngai hpe myit masin mahkra hte hkan tam myit dai majaw, ngai hpe mu tam na marin dai.

SHARUNG SHAYAWT 3:25

Dai Madu gaw shi hpe kam hpa nga ai masha shagu hte hpe mai kaja lam madun dan nga ai.

MAHTE 28:9

Akajawng sha Yesu shanhte hte hkrum nna tsun wu ai gaw, “Ngwi pyaw nga myit ga,” ngu mu ai. Shan gaw Yesu hpang de sit sa nna, shi a lagaw hpe ginshum let shi hpe nawku mu ai.

MAHTE 7:7

“Hpyi mu, shaloi nanhte lu na myit dai; tam mu, shaloi nanhte mu lu na myit dai; akawk mu, shaloi nanhte a matu chyinghka hpaw ya na ra ai.

ROMA 8:35

Dai rai nna Hkristu a tsaw ra ai hta na anhte hpe kadai wa mi jahka kau lu na mi ta? Tsin-yam tsindam atsu atsam hte yak hkak jam jau lam shing n rai zingri zingrat hte hku hku hpang gara lam, shing n rai singgu krin matsan chyaren lam hte hkrit hpa ri nhtu si hkrung si htan lam hkrum yang she jahka kau lu na myit ni?

ROMA 8:39

lahta tang na arai lawu tsang na arai, hte hpan da mada hpa rai ti mung anhte Madu Yesu Hkristu hta e Karai Kasang a tsaw ra ai hta na anhte hpe n jahka kau lu na ni ai, ngu nna ngai myit hkut nga nngai law.

GALATI 4:26

Rai ti mung, kaga num wa gaw sumsing lamu na Yerusalem a shadawn sumla rai nga ai. Shi chyawm gaw shanglawt lu ai jan rai nna anhte a kanu mung rai nga mali ai.