Shawlumon A Mahkawn Ga 2:3 - Jinghpaw Common Language Bible 2009

³ Maling htinggram hpun ni a lapran tu ai ja magaw hpun langai zawn, ngai tsaw ra dik htum ai wa mung kaga lasha ni hte shadawn dingdaw lu nga ai. de a asi gaw nye a namchyim hta dwi nga ai rai nna, de a shingnip hta dung nga na ngai tsaw nngai.

Jinghpaw Hanson Version Bible

³ Ngai tsawra ai wa mahtang, maling e tu ai lwi dwi hpun zawn, Brang sek ni a ka-ang e, dan nga ai. Ngai gaw shi a shingnip kata e ngwipyaw let dung nga nna, De a asi gaw nye a n-gup hta dwi nga ai.

Shawlumon A Mahkawn Ga 2:3 Iomraidhean Croise

SHAKAWN KUNGDAWN 45:2

Nang gaw lasha ni hta ahpraw tsawm htum ai wa rai nga ndai; nang gaw ga shaga ningtam rawng ai wa rai nga ndai. Dai majaw Karai Kasang nang hpe tut nawng shaman ya nit dai.

SHAKAWN KUNGDAWN 45:3

N-gun chyalai rawng ai hkawhkam wa e, na a nhtu hpye u; nang gaw hpung shingkang hte daru magam hpring nga ai wa rai nga ndai.

SHAKAWN KUNGDAWN 57:1

Ngai gaw nang hta shim nga lu na matu du sa nngai majaw; Karai Kasang e, ngai hpe matsan dum la e, matsan dum la e law. Laru kaba ni lai mat wa ai aten du hkra, na a singkaw ni a shingnip hta ngai shingwung nga na nngai.

SHAKAWN KUNGDAWN 89:6

Madu e, sumsing lamu hta e, nang hte bung ai wa kadai mung n nga nga ai; sumsing sha ni kadai mung nang hte shabung lu nga ai n rai.

SHAKAWN KUNGDAWN 91:1

Shim nga lu na matu, Madu hpang de du sa wa ai wa kadai rai ti mung; Chyahtum Chyalai n-gun rawng ai Wa a makawp maga ai npu hta shanu nga ai wa kadai rai ti mung,

Shawlumon A Mahkawn Ga 1:16

Ngai tsaw ra dik htum ai wa e, nang gaw kade sha tsawm htap nga n hka! Nang gaw ngai hpe kade sha ra sharawng nga n hka! Tsit lali ai tsingdu pa gaw an a yup ra tai na ra ai;

Shawlumon A Mahkawn Ga 2:5

Nye a n-gun hpe sabyi si jahkraw ni hte n-gun ban ya nna; ja magaw si ni hte ngai hpe n-gun awai ya nga a hka! Ngai gaw tsaw ra machyi hte gawng kya nga nngai.

Shawlumon A Mahkawn Ga 4:13

dai yang hkan e hkai bawng ni tu kaba wa nga ai. Dai ni gaw hkainu si hpun tu ai namsi sun zawn kaba wa nna kaja htum ai asi ni si nga ai. Nardu hte kayau ai hena hpun,

Shawlumon A Mahkawn Ga 4:16

Dingdung nbung e rawt u. Dingda nbung e nye a sun de manam pyaw bat hte hpring ai nbung bung wa u ga. Nye a tsaw ra ai wa shi a sun de sa wa nna, dai sun na kaja htum ai asi sha lu u ga.

Shawlumon A Mahkawn Ga 5:16

Shi a n-gup gaw pup yang dwi nga ai, shi hte seng ai lam magup gaw ngai hpe shalen la nga ai. Yerusalem numsha ni e, dai lam ni gaw nye a tsaw ra hte bung nga ai.

Shawlumon A Mahkawn Ga 7:13

Nang gaw dudim si hpun a sama hpe manam lu nga ndai; anhte a chyinghka makau e dwi sau ai namsi ni nga nga ai. Tsaw ra ai wa e, manam pyaw ai baw dingsa hte nnan mahkra na a matu mahkawng da ya nngai.

Shawlumon A Mahkawn Ga 8:11

Shawlumon gaw Bala Hamon mying ai shara hta sabyi sun langai lu ai. Shi kaw na sun shap galaw ai ni nga nga ma ai; dai ni langai hte langai gaw gumhpraw ahkying hkying jaw ma ai.

Shawlumon A Mahkawn Ga 8:12

Shawlumon gaw gumhpraw hkying hkying hkap la nna, hkauna galaw sha ai ni mahtang lahkawng tsa tsa shanhte a gambum hku lu la ma ai. Ngai gaw nye a sabyi sun majing lu nga a hka!

Shawlumon A Mahkawn Ga 8:5

Shi tsaw ra ai wa hte lahpum hte lahpum jum let nam mali de na pru wa ai num gaw kadai rai ta? Nang shangai wa ai shara ngu ai ja magaw si hpun nhpang e ngai nang hpe jasu ni ai.

ESAIA 25:4

Matsan mayan masha ni hte karum la masha n lu ai ni gaw nang kaw hprawng shang wa nna ru tsang hkrum ai aten ni hta shim lum nga ma ai. Nang gaw shanhte hpe nbung laru kaw na makoi shingbyi shara jaw ai hte hkru kahtet kang nga ai kaw na shingnip ka-up da ya nga ndai. Mazut ai gumlau hpyen ni gaw nshung ta na nbung laru langai zawn,

ESAIA 32:2

Shanhte langai hte langai gaw nbung shingbyi shara hte nbung laru kaw na makoi shingbyi lu ai shara langai zawn tai na mara ai. Shanhte gaw zaibru jang e lwi nga ai hka shi ni zawn, akrin akraw re ai lamu ga hta nga ai kaba ai lunghkrung langai a shingnip zawn tai na mara ai.

ESAIA 4:2

Dai Madu gaw hpun lawn hte hpun shagu hte hpe lamu ga hta tu kaba wa shangun ai hte tsawm htap shangun na ra ai. Asak naw hkrung nga ai Israela amyu masha ni gaw dai lamu ga na shapraw ya ai nsi naisi a majaw kabu awng sharawng ai hte gumrawng wa na mara ai.

ESAIA 4:6

Shi a hpung shingkang gaw shani na jan a kahtet kang ai kata kaw nna shim nga ai shara hte nbung laru hte marang htu ai kaw na shingbyi shinggang na matu dai mare a ntsa e shingnip ya na ra ai aten du wa nga ai.

EZEKELA 47:12

Dai hka hkin-gau maga mi hte maga mi de sha mai ai hpun amyu myu tu na ra ai; de a alap ni gaw galoi mung n nyip ai sha asi mung n wai na ra ai. Nawku Htingnu na lwi pru ai hka a majaw, mu ai namsi shata shagu si na ra ai. Hpun ni mung sha na namsi si jaw nna de a alap ni gaw amyu masha ni hpe shamai shatsai ai lam hta lang lu na ra ai,” ngu nna tsun ai.

YOELA 1:12

sabyi ru ni hte lagum hpun ni nyui nyip mat sai; namsi namsaw hpun ni yawng nyui mat nna si mat sai. Amyu masha ni a kabu gara lam gaw htum mat sai.

HEBRE 12:2

Anhte a makam masham hpe npawt ndung hkren jahkum shatsup ya ai wa Yesu hpe azi yu nga ga, Madu gaw shi hkam la na rai nga ai shi hpe ala nga ai dai kabu gara ai lam a majaw, dai wudang hta si hkam ai kaya kahpa hpe hpa zawn n nawn ai sha wudang lam hpe lata la nna ya Karai Kasang a tingnyang hkra maga de wa dung nga sai.

TARA AGYI 9:15

Ju hpun gaw, ‘Nanhte teng teng ngai hpe hkawhkam shatai mayu myit yang gaw ngai kaw sa nna nye a shingnip hta shingbyi nga mu. Nanhte n sa myit yang gaw dai ju hpun lakung lakying hta na wan hkru wa nhtawm Lebanon arit hpun ni hpe pyi hkru kau na ra ai,’ ngu nna htan wu ai.