Shawlumon A Mahkawn Ga 2:16 - Jinghpaw Common Language Bible 2009

¹⁶ Ngai tsaw ra ai wa gaw nye a matu rai nga ai, ngai mung shi a matu rai nga nngai. Shi gaw hkalaw prang yang e shi a sagu hpung hpe

Jinghpaw Hanson Version Bible

¹⁶ Ngai tsawra ai wa gaw, nye a rai nga ai, Ngai mung shi a rai nga nngai. Shi gaw hkalaw pan prang e sagu ni hpe shayaw nga ai.

Shawlumon A Mahkawn Ga 2:16 Iomraidhean Croise

SHAKAWN KUNGDAWN 48:14

nanhte gaw, “Dai Karai Kasang gaw htani htana prat dingsa na anhte a Karai Kasang rai nga ai; shi gaw anhte hpe prat ting lam woi wa na ra ai,” nga nna hpang ban prat masha ni hpe hkai dan lu na myit dai.

SHAKAWN KUNGDAWN 63:1

O Karai Kasang e, nang gaw nye a Karai Kasang rai nga ndai, ngai nang hpe marit nga nngai. Nye a hkum ting nang hpe ra marit nga nngai; hkun hkraw mat nna, akyu n jaw mai sai hte hka n rawng mat sai lamu ga zawn, nye a myit masin mung nang hpe shagroi gara nga li ai.

Shawlumon A Mahkawn Ga 1:7

Nye a tsaw nja wa e, na a yam nga hpung ni hpe rem na matu gara shara de woi sa na mung, shani chyingtung kaw nna gara shara hta ban sa na mung, ngai hpe tsun e. Kaga sagu rem ai ni a sagu hpung ni a lapran hta hpa majaw ngai nang hpe hkan tam la ra nga a ni?

Shawlumon A Mahkawn Ga 2:1

Ngai gaw Sharon pa na nam nampan, bum kadit hkan e tu ai hka law pan sha rai nga nngai.

Shawlumon A Mahkawn Ga 4:5

Na a sinda gaw shannga ni hte hka law pan prang yang hkan e ushat sha nga ai chyahkyi marun yan zawn rai nga ai.

Shawlumon A Mahkawn Ga 6:2

Nye a tsaw ra wa gaw balsam hpun tu ai shi a sun de sa mat wa nu ai. Shi gaw yam nga hpung hpe sun hta e ushat jaw nna hka law pan ni hpe di shinggyin la nga ai.

Shawlumon A Mahkawn Ga 6:3

Nye a tsaw ra wa gaw nye a matu rai nna ngai gaw shi a matu rai nga nngai; shi gaw shi a yam nga hpung hpe hka law pan prang yang hkan e shayaw nga ai.

Shawlumon A Mahkawn Ga 7:10

Nye a tsaw ra ai wa hpe ngai madu ai rai nna shi ngai hpe ra sharawng nga ai.

Shawlumon A Mahkawn Ga 7:11

Ngai tsaw ra ai wa e, sa rit, pa ga de pru hkawm nna, shana hpe kahtawng ni hkan nga shalai hkawm ga.

Shawlumon A Mahkawn Ga 7:13

Nang gaw dudim si hpun a sama hpe manam lu nga ndai; anhte a chyinghka makau e dwi sau ai namsi ni nga nga ai. Tsaw ra ai wa e, manam pyaw ai baw dingsa hte nnan mahkra na a matu mahkawng da ya nngai.

YEREMIA 31:33

Israela amyu masha ni hte tawn da na ga shaka ningnan gaw ndai rai nga ai: Ngai gaw shanhte kata hta nan nye a tara hpe tawn da ai hte dai hpe shanhte a kraw lawang ni hta e ka da na nngai. Ngai gaw shanhte a Karai Kasang tai nna shanhte gaw nye a amyu masha ni tai na mara ai.

ZEHKARIA 13:9

Ngai gaw dai naw hkrung nga ai htam mi hpe wan hte jasan jaseng la ai gumhpraw zawn shanhte hpe jasan jaseng nna chyam yu na nngai; ngai gaw aja hpe chyam yu ai zawn shanhte hpe chyam yu na nngai. Dai shaloi shanhte ngai kaw hpyi wa nna, ngai mung shanhte hpe htan ya na nngai. Shanhte gaw nye a amyu masha ni rai nga ma ai lam ngai shanhte hpe tsun dan na nngai, ngai gaw shanhte a Karai Kasang rai nga nngai hpe shanhte yin la na mara ai,” ngu nna tsun ai.

GALATI 2:20

Dai rai nna ngai hkum nan naw hkrung nga nngai n rai; Hkristu she ngai hta e asak hkrung nga ai. Ndai ya e ngai hkrung nga ai asak gaw, ngai hpe tsaw ra nna nye a matu mara shi a asak nawng kau ai Karai Kasang a Kasha hpe kam sham ai a marang e hkrung nga ai asak rai nga ai.