Shawlumon A Mahkawn Ga 2:14 - Jinghpaw Common Language Bible 2009

¹⁴ Nang gaw lungkrawp hkan makoi nga ai hkrudu zawn rai nga ndai. Tsaw ra mai ai na a myi man ngai mu lu n-ga; na a ngwi ngawn ai nsen hpe na lu n-ga law.

Jinghpaw Hanson Version Bible

¹⁴ Bum na lungbra ni hte, nhkap hkan e shanu nga ai, Nye a hkrudu e: Na a myi man ngai mu lu n ga, Na a nsen ngai na lu n ga; na a nsen ngwipyaw nga ai; Na a myi man mung, hpraw tsawm nga ai.

Shawlumon A Mahkawn Ga 2:14 Iomraidhean Croise

YOBA 9:16

Dai rai nna shi ngai hpe ga tsun shangun yang pyi, nye a ga madat ya na, ngai n kam lu nngai.

SHAKAWN KUNGDAWN 110:3

Na gumlau hpyen ni hpe nang htim gasat ai shani e, na a amyu masha ni gaw madu myit hte shang karum wa na mara ai. Jahpawt manap jau jau e, hkrat ai mari zawn, na a brang ram ni nang shanu nga ai chyoi pra ai bum ni de du sa wa na mara ai.

SHAKAWN KUNGDAWN 22:3

Rai ti mung, nang gaw Chyoi Pra ai Wa zawn tingnyang hta dung nga ndai; Israela amyu masha ni e shakawn kungdawn hkrum ai wa mung rai nga ndai.

SHAKAWN KUNGDAWN 45:11

Na a tsawm htap ai ahpraw shingyan gaw hkawhkam wa hpe myit gang ra sharawng shangun na ra ai; shi gaw na a madu rai nga ai rai nna nang shi a ga hpe madat mara nga ra nga ndai.

SHAKAWN KUNGDAWN 45:12

Turu amyu masha ni nang hpe kumhpaw kumhpa sa jaw na mara ai; sut su ai ni mung na a myi man tam wa na mara ai.

SHAKAWN KUNGDAWN 50:23

Chyeju dum ai shagu hkungga gaw ngai hpe shagrau sha-a ai lam rai nga ai; nye a ga madat mara ai ni yawng hte hpe ngai teng teng hkye hkrang la na nngai.”

SHAKAWN KUNGDAWN 68:13

Nta e nga ai num ni gaw gumhpraw hte gayawp nna singkaw ni hta htoi kabrim ai ja hte gala nga ai hkrudu sumla lanep ni hpe garan la nga ma ai. (Nanhte hta na nkau mi gaw hpa majaw majan gasat nga ai shani hta, sagu lawng ni hkan nga nga myit ni?)

SHAKAWN KUNGDAWN 74:19

Karum la na jinghku n lu ai na a amyu masha ni hpe mazut ai gumlau hpyen ni a lata de hkum kau da nga et; zingri zingrat hkrum sha nga ai na a amyu masha ni hpe hkum malap kau nga et!

PRU MAT 3:6

Ngai gaw na a nji nwa ni rai nga ai Abraham, Isak hte Yaku ni a Karai Kasang rai nga nngai,” ngu nna tsun wu ai. Dai rai nna Mawshe gaw Karai Kasang hpe yu na hkrit wu ai majaw shi a myi man hpe magap da wu ai.

GA SHAGAWP 15:8

Dai Madu gaw mai kaja ai masha ni a akyu hpyi ga hta awng sharawng nga ai; tara n lang ai masha ni la sa ai shagu hkungga ni hpe shi n dawng nga ai.

Shawlumon A Mahkawn Ga 1:15

Nye a nja jan e, nang gaw kade sha tsawm htap nga n hka! Na a myi ni mung kade sha yu tsaw ra na zawn htoi tu nga a hka!

Shawlumon A Mahkawn Ga 1:5

Yerusalem numsha ni e, ngai gaw chyang nngai rai ti mung tsawm nngai, Kedara nam mali na sum ni zawn chyang ti mung, Shawlumon a hkaw htingnu na nba grang ni zawn tsawm htap nga nngai.

Shawlumon A Mahkawn Ga 1:8

Num ni yawng hta tsawm htum ai jan e, dai shara hpe nang n chye n ni? Sagu hpung a hpang hkan sa nna sagu rem ni a sum makau hkan e na a bainam ni a matu udat shara tam la u.

Shawlumon A Mahkawn Ga 5:2

Ngai yup pyaw nga yang, nye a myit masin hprang nga li ai. Chyinghka akawk nga ai nye a tsaw ra wa hpe ngai yup mang mu nngai. Nye a tsaw, nye a nja jan hte nye a hkrudu e, ngai shang wa n-ga. Nye a baw gaw numri hte madi nga ai; nye a kara mung saiwan hte bam nga ai.

Shawlumon A Mahkawn Ga 8:13

Nye a nja jan e, sun kata kaw na na a nsen ngai na lu n-ga; nang tsun ai ga hpe nye a manang ni na mayu nga ma ai.

ESAIA 2:21

Dai Madu gaw ginding aga hpe ashun awam dat na nga du sa ai shaloi, amyu masha ni gaw shi a masin kahtet ai kaw na lawt lu na matu mung, shi a daru magam n-gun hte hpung shingkang kaw nna mung myi man makoi lu hkra nga, ga nhkun ni hte lungrawk lunghkrung kawng ni hkan nga ai lungpu ni hkan makoi gyem na mara ai.

ESAIA 51:3

“Ngai gaw Yerusalem hte de a hten run mat sai shara ni hkan shanu nga ai ni yawng hpe matsan dum myit madun dan na nngai. Shi a lamu ga gaw zaibru jang rai nga ti mung Eden hta ngai hkai da ai sun zawn, dai hpe sun langai shatai na nngai. Dai yang e kabu gara ai hte pyaw ngawn ai lam nga na ra ai, ngai hpe shakawn kungdawn ai mahkawn mangoi ga ni hte chyeju dum na mara ai.

ESAIA 6:5

Ngai gaw, “Nye a matu myit mada shara n nga sahka! Nye a nten kaw nna pru ai ga hkum shagu gaw yubak ga ni rai nna, ga hkum shagu yubak ga tsun shaga ai amyu masha ni a lapran e ngai nga nga nngai majaw, ngai gaw dingnye hkrum nga nngai. Ti mung, nye myi hte chyaw, Chyahtum Chyalai N-gun rawng ai dai Madu Hkawhkam wa hpe ngai mu se ai.

ESAIA 60:8

Sumwi ni zawn mawng nna, tsip de nhtang wa nga ai hkrudu ni zawn Ndai sanghpaw li ni kaning re ai ni rai nga a ta?

YEREMIA 48:28

“Moba mung hta shanu nga ai masha ni e, nanhte a nga shara mare ni hpe kau da nhtawm n-gam hkan e sa nga masu. Krung sinwa n-gam mahka hkan e tsip tsip ai hkrudu ni zawn tai nga mu.

YEREMIA 49:16

Na a gumrawng gumtawng ai myit gaw nang hpe hkalem kau nit dai. Nang myit nawn ai daram, kadai mung nang hpe n hkrit nga masai. Nang gaw lunghkrung ninggam ni hte tsaw ai bum pungding hkan e shanu machyu nga nna, galang zawn tsaw ai shara hta machyu nga ti mung, dai Madu gaw nang hpe shayu kau na ra ai. Dai Madu ngai nan tsun ni ai,” nga nna tsun wu ai.

EZEKELA 7:16

Masha nkau mi gaw pa kadit ni kaw na pyen htaw lung wa ai hkrudu ni zawn, bum de hprawng lawt lu na mara ai. Shanhte yawng mung shanhte a shut hpyit ai yubak ni a jaw e kraw madai na mara ai.

Daniela 9:7

Madu e, nang gaw jaw ai amu hpe tut nawng galaw nga ndai; rai ti mung, anhte chyawm gaw anhte a hkum ni hpe nan tut nawng myi man jasum kau nga saga ai. Shanhte gaw nang hta sadi n dung nga ma ai majaw, ni, tsan ai mungdan ni de shabra kau hkrum nga ai Yuda mung hte Yerusalem mare hkan shanu nga ai anhte yawng hte Israela masha ni yawng hta ndai lam teng sha byin nga ai.

OBEDIA 1:3

Na gumrawng gumtawng ai myit gaw nang hpe hkalem kau nga sai. Na a mare daju gaw ngang ai lunghkrung hta gap da ai hpyen dap rai nga ai; na a dum nta gaw bum ni hta tsaw nga ai, dai rai nna nang gaw na a kraw kata e, ‘Kadai wa ngai hpe gang kadang lu na i?,’ nga nna tsun nga ndai.

MAHTE 10:16

“Madat mu! chyahkyawn ni a ka-ang de sagu hpe zawn, ngai nanhte hpe shangun dat made ai. Dai rai nna nanhte gaw lapu zawn hpaji rawng nna hkrudu zawn myit sumnung shingdi nga mu.

MAHTE 3:16

Ya, Yesu hkalup hkam la ngut ai hte rau, dai hka hta na byawn hprang rai lung wa ai. Dai shaloi lamu hpaw malang wa nhtawm, Karai Kasang a Wenyi gaw hkrudu langai mi zawn yu hkrat wa nna shi a ntsa e dung nga ai hpe shi mu wu ai.

EHPESU 5:27

dai hpung gaw shi hkum nan a matu ap nawng kau ai shaloi e shi a nga manga hta agang chyalang hte kapum kapam re ai hpa mung n lawm ai sha, chyoi pra ai mara n rawng nna hpung shingkang rawng ai hte tsawm htap na matu rai nga ai.

KOLOSE 1:22

Rai ti mung, ya Karai Kasang gaw, shinggyim hkum shan dagraw tawn ai shi a Kasha hpe si hkam shangun ai hku nna nanhte hpe shi a jinghku ni shatai manit dai. Shing rai galaw ai lam gaw, nanhte gaw chyoi pra nna agang chyalang n kap ai hte mara n rawng ai sha shi a man de nanhte hpe shashawn la lu na matu rai nga ai.

HEBRE 10:22

Dai re ai majaw anhte gaw mara lu dum ai kraw lawang ni hpe shachyoi shapra kau nna, anhte a hkum hkrang hpe mung san seng ai ntsin hte kashin kamun kau ngut jang, n shut n shai hkrak re ai makam masham hte Karai Kasang hpang de sit shani shang wa ga.

HEBRE 4:16

Dai rai nna anhte nden ja ai myit hte Karai Kasang a chyeju tingnyang man de sit shang wa ga. Shing rai yang anhte gaw matsan dum ai lam hkam la lu na hte, ra kadawn ai aten hta nan anhte hpe karum ai chyeju lu la na ga ai.

1 PETRU 3:4

Shing rai na malai, nanhte a tsawm htap ai ngu ai hta dai teng man ai myi hte n mu lu ai kata asak hkrung lam si mani nna galoi mung amu asim sha re ai myit ngu ai asak kaji kaba hte n seng ai tsawm htap ai lam rawng ra nga ai. Dai tsawm htap ai lam gaw Karai Kasang a man e hpu ging dik ai lam rai nga ai.

YUDA 1:24

Ya chyawm gaw, nanhte kataw katan n rai hkra bau sin lu ai hte shi a hpung shingkang a man e shut hpyit mara n kap nna kabu gara ai lam jaw lu ai,

SHINGRAN 5:8

Dai laika hpe lu la ai shaloi jang, dai dusat amyu mali hte salang hkun mali gaw, dai Sagu Kasha a man e dingnyawm ma ai. Shanhte langai hte langai gaw tingse hte Karai Kasang a masha ni a akyu hpyi ai ga ngu ai manam pyaw ai baw hte hpring chyat nga ai ja gawm ni hpe mung lang nga ma ai.