Shawlumon A Mahkawn Ga 1:8 - Jinghpaw Common Language Bible 2009

⁸ Num ni yawng hta tsawm htum ai jan e, dai shara hpe nang n chye n ni? Sagu hpung a hpang hkan sa nna sagu rem ni a sum makau hkan e na a bainam ni a matu udat shara tam la u.

Jinghpaw Hanson Version Bible

⁸ Numsha ni hta grau tsawm ai na e, nang n chye yang, Sagu hpung ni a lagaw hkang hkan sa nna, Sagu rem ai ni a sum ni makau e, na bainam kasha ni hpe rem nga u.

Shawlumon A Mahkawn Ga 1:8 Iomraidhean Croise

SHAKAWN KUNGDAWN 16:3

Madu a kangka ai amyu masha ni gaw kade wa mai kaja nga ma hka! Shanhte hte rau rai nga na gaw nye a pyaw htum ai lam rai nga ai.

SHAKAWN KUNGDAWN 45:11

Na a tsawm htap ai ahpraw shingyan gaw hkawhkam wa hpe myit gang ra sharawng shangun na ra ai; shi gaw na a madu rai nga ai rai nna nang shi a ga hpe madat mara nga ra nga ndai.

SHAKAWN KUNGDAWN 45:13

Hkawhkam shayi sha gaw hkawhkam htingnu kata hta nga nga ai-shi gaw kade wa tsawm htap nga a hka! Shi a palawng galu ni hpe ja ri hte da da nga ai.

GA SHAGAWP 8:34

Nye a ga madat mara ai hte nye a chyinghka e shani shagu nga nga nna; nye a nta nhku de shang wa ai chyinghka lam hta ala nga ai wa gaw a nga ai.

Shawlumon A Mahkawn Ga 1:15

Nye a nja jan e, nang gaw kade sha tsawm htap nga n hka! Na a myi ni mung kade sha yu tsaw ra na zawn htoi tu nga a hka!

Shawlumon A Mahkawn Ga 2:10

Nye a tsaw ra nja wa ngai hpe ga shaga nga ai. Nye a nja jan e, sa rit; nye a tsaw jan e, ngai hte rau sa wa ga.

Shawlumon A Mahkawn Ga 4:1

Nye a nja jan e, nang gaw kade sha tsawm htap nga n hka! Na a myi man magap shingdu e tu ai na a myi ni gaw kade sha yu tsaw ra na zawn htoi tu nga lit hka! Na a kara gaw Gilead kawng kaw na yu hkrat wa ai bainam hpung mi zawn ka manawt nga ai.

Shawlumon A Mahkawn Ga 4:10

Nye a nja jan, nye a num nnan e, na a tsaw ra ai gaw ngai hpe ra sharawng shangun nga ai. Na a tsaw ra ai gaw sabyi ntsin hta grau kaja nga ai; na a manam pyaw ai bat gaw kaga namji namya mahkra hta grau manam pyaw nga ai.

Shawlumon A Mahkawn Ga 4:7

Nye a nja jan e, nang gaw kade sha tsawm htap nga n hka! Nang gaw kade sha hkum tsup nga n hka!

Shawlumon A Mahkawn Ga 5:9

Numsha ni hta grau tsawm htum ai jan e, na a tsaw ra wa gaw kaga ni hte gara hku shai nga a ta? Nang hpe anhte ga sadi jaw ra hkra re ai shi hte seng ai lam gaw kaning rai grai wa mauhpa shara rai nga a ta?

Shawlumon A Mahkawn Ga 6:1

Numsha ni hta grau tsawm htum ai jan e, na a tsaw ra wa kade sa mat wa sata? Nang hpe anhte tam karum ya lu u ga, na a tsaw ra wa gara lam hku pru mat wa ai gaw, anhte hpe tsun dan mi.

YEREMIA 6:16

Dai Madu gaw shi a amyu masha ni hpe, “Lam numshe hkan e tsap nga nna yu yu mu. Lam dingsa ni hte kaja htum ai lam hpe san mu; shing rai dai lam hta hkawm sa mu, shaloi nang gaw myit masin sim sa ai hte nga lu na rai ndai,” ngu nna tsun ni ai. Rai ti mung, shanhte gaw, “N rai law, anhte n hkan na ga ai!,” ngu nna tsun ma ai.

YAWHAN 21:15

Ya sape ni sha ngut jang, Yesu gaw Simun Petru hpe, “Yawhan a kasha Simun e, ndai kaga ni ngai hpe tsaw ra ai hta nang ngai hpe tsaw ra n ni?,” ngu nna san wu ai. Shi gaw, “Rai sa, Madu e ngai nang hpe tsaw ra nga nngai gaw, nang chye nga ndai,” ngu nna htan wu ai. Shaloi Yesu gaw, “Nye a sagu kasha ni hpe bau rem nga u,” ngu nna shi hpe tsun wu ai.

1 KORINHTU 11:1

Dai rai nna ngai gaw Hkristu a kasi hpe la ai zawn, nanhte mung nye a kasi hpe la mu.

EHPESU 5:27

dai hpung gaw shi hkum nan a matu ap nawng kau ai shaloi e shi a nga manga hta agang chyalang hte kapum kapam re ai hpa mung n lawm ai sha, chyoi pra ai mara n rawng nna hpung shingkang rawng ai hte tsawm htap na matu rai nga ai.

HEBRE 13:7

Nanhte hpe Karai Kasang a mungga tsun dan lai wa sai shawng de na nanhte a lam woi ningshawng ni hpe myit dum nga mu. Shanhte kaning rai asak hkrung nna gara hku si wa masai hpe amyit dum nga nna, shanhte a makam masham hpe len ningli la nga mu.

HEBRE 6:12

Anhte gaw nanhte hpe lagawn ai ni n tai shangun mayu ga ai. Rai ti mung, kam sham ai hte myit galu kaba ai ni tai let Karai Kasang jaw ya sai sali wunli hkam la ai ni zawn nanhte hpe tai wa shangun mayu ga ai.

YAKU 2:21

Anhte a ji wa Abraham gaw Karai Kasang a man e ding hpring sharawng awng ai lam hpe gara hku lu la wu ta? Shi gaw shi a kasha Isak hpe tawn hkungri ntsa e sak nawng ai ngu ai magam bungli hta lu la wu ai.

YAKU 2:25

Shawa num Rahab a lam mung dai hte maren rai nga ai. Shi gaw Israela kin-yu ni hpe hkap hkalum la nna kaga lam hku lawt pru mat wa na matu karum la ai magam bungli a majaw Karai Kasang a man e ding hpring sharawng awng ai hpe hkam la lu nu ai.

YAKU 5:10

Nye a hpu nau ni e, Madu a mying ningsang hte htawn tsun ai myihtoi ni a lam hpe myit dum sum ru yu mu; nni nkri hkrum ai shaloi myit galu ai hte hkam sharang ai hpe kasi ningli la mu.

1 PETRU 3:6

Sara mung dai hte maren galaw wu ai; shi gaw Abraham hpe madat mara nga let Abraham hpe shi a madu ngu nna gang shaga wu ai. Nanhte gaw hpa hpe mung n hkrit n kang ai sha mai kaja ai amu galaw nga myit yang gaw nanhte gaw ya Sara a shayi sha ni rai nga manit dai.