Shawlumon A Mahkawn Ga 1:7 - Jinghpaw Common Language Bible 2009

⁷ Nye a tsaw nja wa e, na a yam nga hpung ni hpe rem na matu gara shara de woi sa na mung, shani chyingtung kaw nna gara shara hta ban sa na mung, ngai hpe tsun e. Kaga sagu rem ai ni a sagu hpung ni a lapran hta hpa majaw ngai nang hpe hkan tam la ra nga a ni?

Jinghpaw Hanson Version Bible

⁷ Nye myit masin tsawra ai, nja wa e, Na sagu ni hpe nang kanang rem ai hpe mung, ani chyingtung e, kanang hpum shangun ai hpe mung, tsun dan e. Ngai hpa majaw, na manang ni a sagu hpung ni makau e, Myi man magap ai num zawn, tam pru na rai ta?

Shawlumon A Mahkawn Ga 1:7 Iomraidhean Croise

NINGPAWT NINGHPANG 37:16

Shi gaw, “Sagu bainam ni hpe rem hkawm nga ai nye hpu ni hpe tam hkawm nngai; shanhte kanang hkan nga hkawm nga ai lam ngai hpe nang tsun dan lu na n ni?,” ngu nna htan wu ai.

SHAKAWN KUNGDAWN 116:1

Dai Madu gaw nye a nsen hpe na ya ai majaw, ngai shi hpe tsaw ra nga nngai; shi nye a akyu hpyi ai ga ni hpe madat ya nga ai.

SHAKAWN KUNGDAWN 18:1

Madu e, nang hpe ngai kade wa tsaw ra nga a hka! Nang gaw ngai hpe makawp maga ai wa rai nga ndai.

SHAKAWN KUNGDAWN 28:1

Nye a dahpran shara rai nga ai Madu e, ngai nang hpe shaga nngai. Nye a hpyi jahtau ai nsen hpe madat ya e! Ngai shaga ai nsen hpe nang n htan ya ai rai yang, katsan ga e shang sa wa ai ni hta ngai lawm mat wa na nngai.

SHAKAWN KUNGDAWN 80:1

Israela amyu masha ni a Sagu Rem Wa e, anhte hpe madat ya mi; sagu hpung ni a ningbaw wa e, anhte hpe na ya mi. Singkaw tu ai hkrung kanu ni a ntsa na, na a tingnyang hta dung nga ai wa e,

Shawlumon A Mahkawn Ga 2:16

Ngai tsaw ra ai wa gaw nye a matu rai nga ai, ngai mung shi a matu rai nga nngai. Shi gaw hkalaw prang yang e shi a sagu hpung hpe

Shawlumon A Mahkawn Ga 2:3

Maling htinggram hpun ni a lapran tu ai ja magaw hpun langai zawn, ngai tsaw ra dik htum ai wa mung kaga lasha ni hte shadawn dingdaw lu nga ai. de a asi gaw nye a namchyim hta dwi nga ai rai nna, de a shingnip hta dung nga na ngai tsaw nngai.

Shawlumon A Mahkawn Ga 5:10

Nye a tsaw ra wa gaw tsawm htap nna n-gun ja nga ai; shi gaw masha mun mi hta langai mi rai nga ai.

Shawlumon A Mahkawn Ga 5:16

Shi a n-gup gaw pup yang dwi nga ai, shi hte seng ai lam magup gaw ngai hpe shalen la nga ai. Yerusalem numsha ni e, dai lam ni gaw nye a tsaw ra hte bung nga ai.

Shawlumon A Mahkawn Ga 5:8

Yerusalem numsha ni e, ngai hpe ga sadi jaw mi, nanhte rai nna nye a tsaw ra hpe mu myit yang, sumtsaw myit machyi ai a majaw ngai hta n-gun kya nga ai lam shi hpe tsun dan ya mi.

Shawlumon A Mahkawn Ga 6:2

Nye a tsaw ra wa gaw balsam hpun tu ai shi a sun de sa mat wa nu ai. Shi gaw yam nga hpung hpe sun hta e ushat jaw nna hka law pan ni hpe di shinggyin la nga ai.

Shawlumon A Mahkawn Ga 6:3

Nye a tsaw ra wa gaw nye a matu rai nna ngai gaw shi a matu rai nga nngai; shi gaw shi a yam nga hpung hpe hka law pan prang yang hkan e shayaw nga ai.

Shawlumon A Mahkawn Ga 8:13

Nye a nja jan e, sun kata kaw na na a nsen ngai na lu n-ga; nang tsun ai ga hpe nye a manang ni na mayu nga ma ai.

ESAIA 13:20

Kadai mung dai shara e galoi mung bai nga lu na n rai. Bu hkawm nga ai Arab masha ni mung dai shara hkan shanhte a sum gap sana ma ai n rai, sagu rem ai ni mung dai yang e sagu rem sana ma ai n rai.

ESAIA 26:9

Shana e ngai gaw nye a myit masin mahkra hte nang hpe ala nngai; ginding aga hte dai hta nga ai masha ni hpe nang jeyang ai shaloi, shanhte yawng gaw teng man rap ra ai tara hpa rai nga ai hpe sharin la na mara ai.

ESAIA 40:11

Shi gaw sagu rem ai wa zawn shi a sagu hpung hpe lanu lahku na ra ai; shi gaw sagu kasha ni hpe shinggyin la nna dai ni hpe shi a lata lahpum hta pawn da na ra ai; shi gaw dai ni a kanu ni hpe angwi sha woi sa na ra ai.

ESAIA 5:1

Ndai mahkawn ga, na a matu ngai mahkawn nga yang madat la u. dai gaw nye manang a mahkawn hte shi a sabyi sun a lam rai nga ai: Nye a manang wa gaw namhpun grai kaja ai kawng langai a ntsa e sabyi sun langai lu ai.

YEREMIA 33:12

Chyahtum Chyalai N-gun Rawng ai dai Madu gaw, “Mare masha mung, yam nga ni mung n nga ai shingran sharat katsi ai zaibru jang zawn rai nga ai ndai lamu ga hta, sagu rem ai ni shanhte a sagu ni hpe rem lu na matu, tsit lali ai udat shara ni kalang mi bai nga wa na mara ai.

MIHKA 5:4

Shi du sa ai shaloi, shi gaw dai Madu kaw nna n-gun atsam hte Madu Karai Kasang shi hkum nan a daru magam hpung shingkang hte shi a amyu masha ni hpe up hkang wa na ra ai. Shi a amyu masha ni mung shim lum ai hte nga lu na mara ai; hpa majaw nga yang, aga ting na masha ni yawng shi a galu kaba ai magam amu hpe yin la na mara ai,

MAHTE 10:37

Kadai mung ngai hpe tsaw ra ai hta, kanu kawa hpe grau tsaw ra ai wa gaw, nye a sape tai na matu n ging n dan nga ai; ngai hpe tsaw ra ai hta, shayi shadang sha hpe grau tsaw ra ai wa mung, nye a sape tai na n ging n dan nga ai.

YAWHAN 10:11

Ngai gaw sagu rem wa kaja rai nngai. Sagu rem wa kaja gaw sagu ni a matu tinang a asak nawng kau ya lu ai.

YAWHAN 21:17

Bai masum lang ngu na Yesu gaw, “Yawhan a kasha Simun e, nang ngai hpe tsaw ra nga n ni?,” ngu nna shi hpe san wu ai majaw, Petru myit yawn nna, “Madu e, nang gaw yawng mayawng hpe chye nga ndai ngai nang hpe tsaw ra nga nngai gaw, nang chye nga ndai!,” ngu nna htan wu ai. Yesu gaw, “Nye a sagu ni hpe bau rem nga u.

1 PETRU 1:8

Nanhte gaw Yesu hpe n mu yu myit ti mung, shi hpe tsaw ra nga manit dai; shi hpe n mu yu myit ti mung, shi hpe kam sham nga manit dai. Dai rai nna nanhte gaw n-gup aga hte tsun n dang lu hkra re ai kabu gara ai lam kaba hte kabu gara nga lu manit dai.

1 PETRU 2:7

Kam sham ai nanhte a matu mara ndai nlung gaw grai hpu ging nga ai; rai ti mung n kam n sham ai ni a matu mara chyawm gaw, “Wahpang gaw ai ni akyu n rawng ai ngu nna sai kau ai nlung gaw, njut jahtum na ahkyak dik ai nlung tai wa sai,” nga ai.

1 YAWHAN 2:19

Ndai masha ni gaw galoi mung anhte a kanawn mazum ai hte n seng ai ni rai ma ai majaw, anhte kaw na shanhte pru mat wa ma ai, anhte a kanawn mazum ai hte seng ai ni rai ma taw gaw shanhte gaw anhte hte rau nga nga na ma ai. Rai ti mung shanhte nlang anhte hte kaja wa n seng ai lam dan leng wa u ga, shanhte pru mat wa ma ai.

SHINGRAN 7:17

Hpa majaw nga yang, tingnyang ka-ang e nga ai Sagu Kasha gaw, shanhte a sagu rem wa tai na ra ai, rai nna, asak hka hpawk du hkra shanhte hpe lam madun na ra ai. Karai Kasang mung, shanhte a myi ni hta na myi prwi yawng tsai hkra katsut kau ya na ra ai,” ngu nna ngai hpe tsun ai.

RUHTA 2:21

Dai hpang Ruhta gaw, “Yawng hta grau kaja htum ai gaw shanhte mam dan tawn ai aten du hkra, shi a mam dan masha ni hte rau, mam gut la na, shi ngai hpe tsun da ni ai,” ngu nna tsun dan wu ai.