Shawlumon A Mahkawn Ga 1:5 - Jinghpaw Common Language Bible 2009

⁵ Yerusalem numsha ni e, ngai gaw chyang nngai rai ti mung tsawm nngai, Kedara nam mali na sum ni zawn chyang ti mung, Shawlumon a hkaw htingnu na nba grang ni zawn tsawm htap nga nngai.

Jinghpaw Hanson Version Bible

⁵ Yerusalem a shayi sha ni e, Ngai gaw, Kedera sum ni zawn, ahpraw chyang timung, Shawlumon a nba grang ni zawn, naw tsawm nga nngai.

Shawlumon A Mahkawn Ga 1:5 Iomraidhean Croise

SHAKAWN KUNGDAWN 120:5

Nanhte a lapran e ngai nga nga ai gaw Meshek mung hta e nga nga ai zawn mung; Kedara amyu masha ni a lapran e nga nga ai zawn mung, nni nkri rai nga ai.

SHAKAWN KUNGDAWN 149:4

Dai Madu gaw shi a amyu masha ni hta awng sharawng nga nna; shagrit shanem ai ni hpe awng padang hte shi shagrau sha-a nga ai.

SHAKAWN KUNGDAWN 45:9

Na a hkawhkam htingnu na shayi sha ni hta hkawhkam ni a shayi sha ni mung lawm nga ma ai; na a tingnyang a hkra maga de, htoi kabrim ai ja hte mawn sumli da nga ai hkawhkam jan tsap nga ai.

SHAKAWN KUNGDAWN 90:17

Anhte a Madu Karai Kasang e, na a shaman ai chyeju gaw anhte hte rau rai nga u ga. Anhte galaw ai amu shagu hte hta awng dang ai lam anhte hpe jaw ya mi law!

Shawlumon A Mahkawn Ga 2:14

Nang gaw lungkrawp hkan makoi nga ai hkrudu zawn rai nga ndai. Tsaw ra mai ai na a myi man ngai mu lu n-ga; na a ngwi ngawn ai nsen hpe na lu n-ga law.

Shawlumon A Mahkawn Ga 2:7

Yerusalem numsha ni e, ngai hpe ga sadi jaw mi; anhte a tsaw ra myit hpe nanhte ginjang n shawn lu myit ga, laram ai chyahkyi hte shannga ni hta dagam da nngai.

Shawlumon A Mahkawn Ga 3:10

De a shadaw ni hpe gumhpraw hte sup nna; de a ntsa aja hte maka ka ai sumpan rai nga ai. De a dung shara ni gaw Yerusalem numsha ni shawang myit hte mani tsawm hkra da da ai shaba pu nsam rawng ai sumpan hte nep da nga ai.

Shawlumon A Mahkawn Ga 3:5

Yerusalem numsha ni e, ngai hpe ga sadi jaw mi; anhte a tsaw ra myit hpe ginjang n shawn lu myit ga, laram ai chyahkyi hte shannga ni hta dagam da mu.

Shawlumon A Mahkawn Ga 4:3

Na a nten gaw u sai zawn hkyeng tsawm ai sumri hte bung nga ai; dai gaw nang ga shaga yang kade sha yu tsawm nga a hka! Na a shabyi ni myi man magap shingdu e htoi tu nga ai.

Shawlumon A Mahkawn Ga 5:16

Shi a n-gup gaw pup yang dwi nga ai, shi hte seng ai lam magup gaw ngai hpe shalen la nga ai. Yerusalem numsha ni e, dai lam ni gaw nye a tsaw ra hte bung nga ai.

Shawlumon A Mahkawn Ga 5:8

Yerusalem numsha ni e, ngai hpe ga sadi jaw mi, nanhte rai nna nye a tsaw ra hpe mu myit yang, sumtsaw myit machyi ai a majaw ngai hta n-gun kya nga ai lam shi hpe tsun dan ya mi.

Shawlumon A Mahkawn Ga 6:4

Nye a nja jan e, nang gaw Yerusalem mare zawn tsawm htap nga nna; Tiza mare zawn yu tsawm nga ndai, dai hkik hkam ai mare ni zawn yu mau na daram rai nga ai.

Shawlumon A Mahkawn Ga 8:4

Yerusalem numsha ni e, nanhte an a tsaw ra myit hpe ginjang n shawn myit ga, ngai hpe ga sadi jaw mi.

ESAIA 21:16

Dai hpang Madu gaw ngai hpe, “Kedara amyu bawsang ni a galu kaba ai gaw laning mi tup hta htum mat wa na ra ai.

ESAIA 53:2

Dai gaw dai Madu a myit ra ai hku galaw nga sai shi a shangun ma rai nna shi gaw hkun hkraw ai lamu ga hta ru ru ai hkai bawng zawn tu nga ai. Shi hta sari sadang n nga, tsawm htap ai mung n nga, shi hpe yu matsing na zawn re ai nsam n nga nga ai. Shi hpe yu tsaw ra na zawn re ai myi man ningchya hpa mung n nga nga ai, anhte a myit hpe gang la lu ai yu ra shingni shi hta hpa mung n nga nga ai.

ESAIA 60:7

Kedara mung hte Nebaiot mung na sagu ni yawng Nang hpang de la sa nna shagu hkungga ni zawn Dai Madu awng sharawng na matu tawn hkungri ntsa hta nawng ya nga masai. Dai Madu gaw shi a Nawku Htingnu hpe shawng na hta grau nna hpung shingkang rawng shangun na ra ai.

ESAIA 61:10

Dai Madu galaw sai amu a majaw Yerusalem gaw kabu gara nga ai. Yerusalem gaw hkungran poi a matu mawn sumli da ai num nnan hte bung nga ai. Karai Kasang gaw hkye hkrang la ai hte awng dang ai lam hte hpun da nga nu ai.

EZEKELA 16:14

Ngai gaw nang hpe grai yu tsaw ra na zawn re ai tsawm htap ai ahpraw nsam hte ningja shapraw da ai wa rai nga nngai majaw, nang gaw na a hkum tsup ai ahpraw nsam hte maigan masha amyu baw shagu a man hta kajai gumhkawng ai jan tai wa nit dai.” Ndai mungga hpe Tsaw Htum ai dai Madu tsun ai.

EZEKELA 27:21

Arabi masha ni hte Kedara mung du ni gaw na a gun rai ni lu la na matu, sagu kasha ni, sagu ni hte bainam ni dut nna hpaga ga ma ai.

MAHTE 10:25

Dai rai nna sape gaw shi a sara zawn mayam gaw shi a madu zawn rai nga a yang gaw, myit dik ram nga ai. Shanhte gaw nta madu wa hpe Bezebula ngu mu yang gaw, shi a nta masha ni hpe grau n kaja dik ai mying ni shamying na mu ai n rai hka!

MAHTE 22:11

“Ya Hkawhkam wa gaw dung nga ai manam ni hpe kawan yu na, shang wa yang, hkungran poi sa ai hpun palawng n bu n hpun ai la langai mi hpe shi mu hkrup wu ai.

LUKA 13:34

“Yerusalem e, Yerusalem e, myihtoi ni hpe sat kau kau rai nna, nang hpang de Karai Kasang shangun dat ai kasa ni hpe mung nlung hte kabai sat kau ndai. U kanu gaw, uhkai ni hpe, shi a singkaw npu e jahpawng da ai zawn, na a amyu masha ni yawng hpe ngai gade lang jahpawng da mayu timung, nang n hkraw ndai.

LUKA 15:22

Rai ti mung kawa gaw, shi a shangun ma ni hpe shaga nna, ‘Reng htum ai hpun palawng alawan la sa nna shi hpe jahpun ya maru; shi a lata hta lachyawp chyawp ya maru; lagaw hta kyepdin din ya maru,

ROMA 13:14

Dai hta n ga Madu Yesu Hkristu hpe hpyen hking zawn bu hpun dagraw nga mu; hkum shan a myit marin ai hta myit lawm myit shadik la ai lam ni hpe jahkring kau mu.

2 KORINHTU 5:21

Hkristu gaw yubak mara n kap ai wa rai nga ai, rai ti mung anhte gaw Hkristu hte langai sha tai wa nna Karai Kasang a ding hpring ai hpe hkam la na matu, Karai Kasang gaw Hkristu hpe anhte a matu mara anhte zawn yubak lu ai wa shatai wu ai.

GALATI 4:26

Rai ti mung, kaga num wa gaw sumsing lamu na Yerusalem a shadawn sumla rai nga ai. Shi chyawm gaw shanglawt lu ai jan rai nna anhte a kanu mung rai nga mali ai.

EHPESU 5:26

Madu shi a asak hpe nawng kau ai lam gaw, dai hpung hpe hka hte jasan jaseng kashin kau nhtawm, shi a mungga hte Karai Kasang kaw nawng jau ai hte

1 YAWHAN 3:1

Yu mu Karai Kasang gaw anhte hpe gade wa tsaw ra nga a hka! Shi a tsaw ra myit gaw grai kaba la nga ai rai nna anhte hpe Karai Kasang a kashu kasha ni ngu nna shamying mi ai hte maren kaja wa mung anhte Karai Kasang a kashu kasha ni rai nga ga ai. Rai ti mung mungkan ga gaw Karai Kasang hpe n chye wu ai majaw anhte hpe mung n chye mi ai.