Shawlumon A Mahkawn Ga 1:3 - Jinghpaw Common Language Bible 2009

³ Nang hta manam pyaw ai baw bat nga nga ai; na a mying shingteng gaw dai hpe marit nga ai. Numsha kadai mung nang hpe tsaw ra nga ma ai.

Jinghpaw Hanson Version Bible

³ Na namman gaw, manam pyaw ai sau rai nga ai; Na amying shingteng gaw ru bun ai sau rai nga ai: Dai rai nna hkawnsek ni nang hpe tsawra ma ai.

Shawlumon A Mahkawn Ga 1:3 Iomraidhean Croise

SHAKAWN KUNGDAWN 133:2

Dai gaw, Arun a baw hte nhka mun kaw nna, shi a palawng du hkawp du hkra, byawng hkrat mat wa ai manu dan ai namman sau zawn rai nga ai.

SHAKAWN KUNGDAWN 45:14

Nsam amyu hkum ai palawng galu ni hte sumli nna; shi a shingnan hkawn sek ni mung hkan bawp nang ma ai hte, hkawhkam wa hpang de sa wa ma ai.

PRU MAT 33:12

Mawshe gaw dai Madu hpe, “Ndai amyu masha ni hpe dai mung de woi wa na, nang ngai hpe tsun ai gaw teng nga ai; rai ti mung ngai hte rau kadai hpe nang shangun ya na gaw ngai hpe n tsun yu ndai. Nang ngai hpe kaja wa chye nna yu sharawng nga ndai hpe gaw nang tsun nit dai.

PRU MAT 33:19

Dai Madu gaw, “Nang hte na a man e nye a hkik hkam ai hpung shingkang nhtoi yawng hpe ngai shalai dat nna, nye a chyoi pra ai amying hpe ngai shapraw na we ai. Ngai gaw dai Madu rai nga nngai rai nna ngai lata la ai ni hpe matsan dum ai wa hpe matsan dum ai myit ngai madun dan na nngai.

GA SHAGAWP 27:9

Manam pyaw ai sau hte manam hawm bat gaw nang hpe myit shapyaw lu ti mung, ru yak tsin-yam tsindam gaw na a myit a sim sa lam hpe jahten kau ya nga ai.

HPAJI NINGLI 7:1

Kaja ai mying gumhkawng ai gaw hpu reng ai manam pyaw ai baw hta grau mai kaja nga ai; nang si wa ai nhtoi gaw shangai wa ai nhtoi hta grau kaja nga ai.

Shawlumon A Mahkawn Ga 3:6

Mura, lawban hte hpaga ga ai ni dut ya ai manam pyaw ai baw amyu myu gaw, wan hkut shadaw zawn zaibru jang na pru wa ai gaw hpa rai nga a ta?

Shawlumon A Mahkawn Ga 4:10

Nye a nja jan, nye a num nnan e, na a tsaw ra ai gaw ngai hpe ra sharawng shangun nga ai. Na a tsaw ra ai gaw sabyi ntsin hta grau kaja nga ai; na a manam pyaw ai bat gaw kaga namji namya mahkra hta grau manam pyaw nga ai.

Shawlumon A Mahkawn Ga 5:13

Shi a shabyi ni gaw tsi ru hpun ni hte namji namya ni hte hpring nga ai hkai sun langai zawn tsawm htap nga ai. Shi a nten gaw hka law pan hte bung nna, mura sau kapya bun ai zawn madi nga ai.

Shawlumon A Mahkawn Ga 5:5

Shi hpe shang wa shangun na matu ngai shajin da nngai. Nye a lata ni hta mura sau chya da nngai, ngai gaw chyinghka htinggrang hpe jum da nga yang, nye a lata layung ni hta na mura sau kapya nga ai.

Shawlumon A Mahkawn Ga 6:8

Hkawhkam wa gaw hkawhkam jan kru shi, lashi num matsat shi, n dang hti hkra law ai num mahkawn ni lu u ga.

ESAIA 61:3

Ziun hta sharung shayawt nga ai ni hpe yawn madai na malai Kabu gara ai hte kabu pyaw ai lam, Yawn hkyen ai a malai mahkawn shakawn na lam jaw ya na matu shangun dat ni ai. Shanhte gaw dai Madu shi nan hkai da sai Hpun ni zawn tai na mara ai. Shanhte gaw ding man ai amu yawng mayawng hpe galaw na mara ai, Karai Kasang gaw shi galaw sai amu ni a majaw shakawn kungdawn ai hkrum na ra ai.

MAHTE 25:1

“Dai shaloi e sumsing lamu a Mungdan gaw, tinang a sau pyengdin ni hpe lang nna la ningnan hpe hkap bawp la na pru sa wa ai mahkawn shi hte bung na ra ai.

YAWHAN 12:3

Shaloi Mari gaw grai hpu la ai Mura Nardu sau ajet hkan masum daram la nna, Yesu a lagaw hta chya nhtawm, shi a kara hte katsut kau ya wu ai.

2 KORINHTU 11:2

Karai Kasang gaw nanhte a ntsa e nsu nnawn myit rawng nga ai zawn ngai mung nanhte a ntsa e nsu nnawn myit rawng nga nngai. Nanhte gaw Hkristu shi nan hte sha hkungran na matu ngai ga sadi jaw da sai hkawn sek hte bung nga myit dai.

HPILIPI 4:18

Nanhte shagun jaw dat ai arung arai alu yawng lu la sai lam hte jahpan ya nang e madun dan nngai. Dai gaw ra ai hta pyi jan hkra rai sai. Dai alu arung arai ni hpe Epahprodi la sa ya ai majaw ngai ra ai hta pyi jan hkra lu ni ai. Dai arai ni gaw Karai Kasang kaw nawng ya ai manam pyaw ai bat zawn mung, Karai Kasang ra sharawng ai hte hkap la ging ai shagu hkungga zawn mung rai nga ai.

SHINGRAN 14:4

Dai ni gaw numsha ni hte awu asin n rai yu ai lasha ni rai nga ma ai; shanhte gaw brang jet ni rai nga ma ai. Shanhte gaw Sagu Kasha sa ai shara shagu hkan hkan nang ma ai. Shanhte gaw shinggyim masha ni hta na hkye hkrang la hkrum sai ni rai nna Karai Kasang hte Sagu Kasha kaw shawng sak nawng da sai ni rai nga ma ai.