Shawlumon A Mahkawn Ga 1:16 - Jinghpaw Common Language Bible 2009

¹⁶ Ngai tsaw ra dik htum ai wa e, nang gaw kade sha tsawm htap nga n hka! Nang gaw ngai hpe kade sha ra sharawng nga n hka! Tsit lali ai tsingdu pa gaw an a yup ra tai na ra ai;

Jinghpaw Hanson Version Bible

¹⁶ Yu u, ngai tsawra ai wa e, nang mahtang Tsawm htap nna, tsawra mai nga ndai;

Shawlumon A Mahkawn Ga 1:16 Iomraidhean Croise

SHAKAWN KUNGDAWN 110:3

Na gumlau hpyen ni hpe nang htim gasat ai shani e, na a amyu masha ni gaw madu myit hte shang karum wa na mara ai. Jahpawt manap jau jau e, hkrat ai mari zawn, na a brang ram ni nang shanu nga ai chyoi pra ai bum ni de du sa wa na mara ai.

SHAKAWN KUNGDAWN 45:2

Nang gaw lasha ni hta ahpraw tsawm htum ai wa rai nga ndai; nang gaw ga shaga ningtam rawng ai wa rai nga ndai. Dai majaw Karai Kasang nang hpe tut nawng shaman ya nit dai.

Shawlumon A Mahkawn Ga 1:15

Nye a nja jan e, nang gaw kade sha tsawm htap nga n hka! Na a myi ni mung kade sha yu tsaw ra na zawn htoi tu nga a hka!

Shawlumon A Mahkawn Ga 2:3

Maling htinggram hpun ni a lapran tu ai ja magaw hpun langai zawn, ngai tsaw ra dik htum ai wa mung kaga lasha ni hte shadawn dingdaw lu nga ai. de a asi gaw nye a namchyim hta dwi nga ai rai nna, de a shingnip hta dung nga na ngai tsaw nngai.

Shawlumon A Mahkawn Ga 2:9

Nye a tsaw ra wa gaw chyahkyi langai zawn rai nna shan-nga kasha hte mung bung nga ai. Yu u, shi gaw bunghku makau e tsap nga ai. Shi gaw hkuwawt hku mada yu nhtawm hkinchyi hku hku praw rai mada yu nga ai.

Shawlumon A Mahkawn Ga 3:7

Shawlumon du sa wa nga ai, shi a tingnyang ntsa e dung nga ai; Israela na kaja htum ai hpyenla kru shi gaw sin langa tai ya nga ma ai.

Shawlumon A Mahkawn Ga 5:2

Ngai yup pyaw nga yang, nye a myit masin hprang nga li ai. Chyinghka akawk nga ai nye a tsaw ra wa hpe ngai yup mang mu nngai. Nye a tsaw, nye a nja jan hte nye a hkrudu e, ngai shang wa n-ga. Nye a baw gaw numri hte madi nga ai; nye a kara mung saiwan hte bam nga ai.

Shawlumon A Mahkawn Ga 5:5

Shi hpe shang wa shangun na matu ngai shajin da nngai. Nye a lata ni hta mura sau chya da nngai, ngai gaw chyinghka htinggrang hpe jum da nga yang, nye a lata layung ni hta na mura sau kapya nga ai.

Shawlumon A Mahkawn Ga 7:6

Nang gaw kade sha sumnung shingdi nna kade sha tsawm htap nga n hka; na a tsaw ra kabu pyaw lam gaw kade sha hkum tsup nga a hka!

ZEHKARIA 9:17

Dai mungdan gaw kade sha mai kaja nna tsawm htap nga na rai a hka! Shabrang ni mung dai mung na nsi naisi hte sabyi ntsin a majaw n-gun ja nna kaba wa na mara ai.