Shawlumon A Mahkawn Ga 1:10 - Jinghpaw Common Language Bible 2009

¹⁰ Na a shabyi hta noi abya da ai kara gaw yu tsawm nga ai; dai gaw ja lung seng ni zawn na a du hta gali da nga ai.

Jinghpaw Hanson Version Bible

¹⁰ Na a shabyi ni lakan hte mawn nna, Na a du gaw lungseng gali nga ai.

Shawlumon A Mahkawn Ga 1:10 Iomraidhean Croise

NINGPAWT NINGHPANG 24:22

Dai numsha gawla-uk ni hpe ntsin jaw ngut jang, dai wa gaw manu dan ai ja shanghkawng la nna shi a ladi hta noi ya let kaba ai ja lahkawn man mi hpe mung shi a lata hta hkawn ya wu ai.

NINGPAWT NINGHPANG 24:47

Ngai mung shi hpe, “Na nwa kadai rai nga a ta?,” ngu nna san we yang, shi gaw, Nye wa gaw Nahora hte Milhka yan a kasha Behtuela rai nga ai,” ngu nna htan wu ai. Dai hpang ngai gaw shi a ladi hta shanghkawng hte lata hta lahkawn ni hpe hkawn ya nngai.

NINGPAWT NINGHPANG 24:53

Dai hpang hpun palawng ni hpe shi la shapraw nhtawm aja, gumhpraw sumli arai ni hte hpawn Rebeka hpe jaw wu ai. Shi a kanu yan kayung hpe mung manu dan ai kumhpaw kumhpa ni jaw ya wu ai.

NINGPAWT NINGHPANG 41:42

Hkawhkam wa mung hkawhkam dazik tawk ka da ai lachyawp hpe shi a lata hta chyawp ya wu ai. Dai hta kaga, reng ai lachyit palawng galu hpe mung jahpun ya nhtawm shi a du hta ja saidawng mung gali ya wu ai.

GA SHAGAWP 1:9

Shanhte a sharin shaga ai ga ni gaw na a hpraw nsam hpe tsawm htap ai bunghkaw hte du hta gali ai kachyi zawn, na a arawn alai hpe grau kaja hkra tsawm htap shangun na ra ai.

Shawlumon A Mahkawn Ga 1:11

Rai ti mung, anhte gaw gumhpraw hte sumli da ai ja saidawng langai na a matu galaw ya na ga ai.

Shawlumon A Mahkawn Ga 4:9

Nye a nja jan, nye a num nnan e, na a myi ni hte yu ai nsam hte nang gali da ai kachyi gaw nye a myit masin hpe lagu madu la kau ya nga sai.

Shawlumon A Mahkawn Ga 5:13

Shi a shabyi ni gaw tsi ru hpun ni hte namji namya ni hte hpring nga ai hkai sun langai zawn tsawm htap nga ai. Shi a nten gaw hka law pan hte bung nna, mura sau kapya bun ai zawn madi nga ai.

ESAIA 61:10

Dai Madu galaw sai amu a majaw Yerusalem gaw kabu gara nga ai. Yerusalem gaw hkungran poi a matu mawn sumli da ai num nnan hte bung nga ai. Karai Kasang gaw hkye hkrang la ai hte awng dang ai lam hte hpun da nga nu ai.

BU HKAWM 31:50

Dai rai nna anhte la wa ai ja hte galaw ai shakya arai, lata shanghkawng, lahkawn, lachyawp, na lakan hte kachyi ni hpe la sa nga ga ai. Anhte a asak a matu htingrai ya na dai Madu hpe nawng ya ga ai; shaloi shi anhte hpe makawp maga la na ra ai,” ngu nna tsun ma ai.

1 PETRU 3:4

Shing rai na malai, nanhte a tsawm htap ai ngu ai hta dai teng man ai myi hte n mu lu ai kata asak hkrung lam si mani nna galoi mung amu asim sha re ai myit ngu ai asak kaji kaba hte n seng ai tsawm htap ai lam rawng ra nga ai. Dai tsawm htap ai lam gaw Karai Kasang a man e hpu ging dik ai lam rai nga ai.