NEHEMIA 9:6 - Jinghpaw Common Language Bible 2009

⁶ Dai hpang Israela amyu masha ni ndai kyu hpyi ga hte hpyi ma ai: “Nang, Madu, nang chyu sha Madu rai nga ndai; nang gaw sumsing lamu ni hte lamu na shagan ni hpe hpan da nga ndai. Nang gaw lamu ga hte panglai hte dai hta rawng marawng ni hpe hpan da nna; dai ni yawng hpe nang asak jaw ya nga ndai. Sumsing lamu na daru magam n-gun atsam ni nang hpe gum dagup ai hte nang hpe nawku ma ai.

Jinghpaw Hanson Version Bible

⁶ Nang nan Yehowa rai nga ndai; nang gaw sumsing lamu hte sumsing lamu ni a sumsing lamu hte de a zaw nawng zaw wa ni hpe mung, ginding aga hte dai hta nga manga hpe mung, nammukdara hte dai hta rawng marawng hpe mung, hpan tawn da nna, mahkra hpe bau sin nga ndai: sumsing lamu a zaw nawng zaw wa ni gaw nang hpe nawku nga ma ai.

NEHEMIA 9:6 Iomraidhean Croise

NINGPAWT NINGHPANG 1:1

Shawng ningpawt e, Karai Kasang gaw ninggawn tawa hpe hpan da yang,

NINGPAWT NINGHPANG 1:9

Dai hpang Karai Kasang gaw, “Lamu kata e nga ai hka hpung ni shara mi hta shinggyin hpawng nga u ga, shaloi hkarang ga dawng pru wa na ra ai,” ngu nna hkang dat wu yang, dai mung byin nga sai.

NINGPAWT NINGHPANG 2:1

Shaloi ninggawn tawa ting a amu gaw ngut kre nna hkum tsup nga sai.

NINGPAWT NINGHPANG 32:2

Dai ni hpe shi mu ai shaloi, “Ndai gaw Karai Kasang a dabang rai nga ai,” ngu nna shi tsun wu ai. Shing rai dai shara hpe ngu nna shamying wu ai.

1 HKAWHKAM 22:19

Mihkaia gaw ning ngu nna matut tsun wu ai: “Dai Madu hpa tsun ai ga hpe ya madat u! Dai Madu gaw sumsing lamu na shi a tingnyang hta dung nga nna, shi a lamu kasa ni yawng mung shi a makau e tsap nga ma ai hpe ngai mu nngai.

1 HKAWHKAM 8:27

“Rai ti mung, O Karai Kasang e, nang gaw ginding aga ntsa e teng teng shanu nga lu na kun? Sumsing lamu yawng pyi nang hpe sharawng da lu na daram kaba nga ai n rai; dai rai yang, ngai gap da ai ndai Nawku Htingnu gaw kaning rai kaba ram lu na rai nga a ta?

2 HKAWHKAM 19:15

“O Madu, Israela a Karai Kasang e, singkaw tu ai hkrung kanu ni a ntsa na na a tingnyang ntsa e dung let, nang chyu sha mungkan ga na mungdan yawng mayawng hpe up hkang ai Karai Kasang rai nga ndai. Nang gaw sumsing lamu hte ginding aga hpe hpan da nit dai.

2 HKAWHKAM 19:19

Ya chyawm gaw anhte a Madu Karai Kasang e, anhte hpe Asuri ni a lata kaw nna mawai la mi; shaloi mungkan ga na masha amyu ni yawng hte gaw nang chyu sha Madu Karai Kasang rai nga ai hpe chye wa na mara ai,” ngu nna hpyi wu ai.

NEHEMIA 9:5

Lewi masha ni rai nga ai Yeshua, Kadmiela, Bani, Hashabneia, Sherebia, Hodia, Shebania hte Pehtahia hte gaw nawku na matu saw shaga ma ai. Shanhte gaw ning ngu tsun ma ai: “Rawt tsap let, dai Madu nanhte a Karai Kasang hpe shakawn kungdawn mu; shi hpe htani htana shakawn kungdawn mu! Masha shakawn kungdawn ai gaw n kaba nga ti mung, masha shagu gaw shi a hpung shingkang mying nsang hpe shakawn kungdawn nga mu ga.

SHAKAWN KUNGDAWN 102:25

Nang gaw, moi moi e, ginding aga hpe hpan da nit dai, na a lata ni hte sumsing lamu ni hpe nang nan galaw da nga nit dai.

SHAKAWN KUNGDAWN 103:21

Shi ra sharawng ai hku amu galaw nga ai shi a shangun ma ni rai nga ai sumsing lamu na daru magam n-gun hte hpring nga ai ni e, Madu hpe shakawn kungdawn nga mu!

SHAKAWN KUNGDAWN 115:15

Sumsing lamu hte ginding aga hpe hpan tawn da ai, Madu gaw nanhte hpe shaman ya nga u ga!

SHAKAWN KUNGDAWN 124:8

Sumsing lamu hte ginding aga hpe hpan da ai dai Madu kaw nna, anhte hpe karum ai lam pru wa nga ai.

SHAKAWN KUNGDAWN 146:6

Shi gaw sumsing lamu hte ginding aga, panglai hte dai hta rawng marawng yawng hte a hpan Madu rai ngai ai. Shi gaw shi a ga sadi ni hpe tut nawng e a shatup nga ai.

SHAKAWN KUNGDAWN 24:10

Dai magrau grang ai hkawhkam wa gaw kadai rai nga a ta? Awng padang lu ai Madu -Shi gaw galu kaba ai hkawhkam wa rai nga a hka!

SHAKAWN KUNGDAWN 33:6

Madu gaw shi a hkang da ai mungga hte sumsing lamu ni hpe hpan da nu ai; jan, shata hte shagan ni mung, shi tsun dat ai mungga hte byin wa sai.

SHAKAWN KUNGDAWN 36:6

Na a ding man ai lam gaw bum ni zawn tsaw nga nna, na a teng man ai lam mung hka panglai zawn sung nga ai. Masha hte dusat yam nga ni gaw na a lata hta rai nga ai.

SHAKAWN KUNGDAWN 86:10

Nang gaw galu kaba nga nna mauhpa amu ni hpe galaw nga ndai; nang chyu sha Karai Kasang rai nga ndai.

ESAIA 37:16

“Singkaw tu ai hkrung kanu ni a ntsa e dung nga ai Chyahtum Chyalai N-gun rawng nga ai dai Madu Israela a Karai Kasang e, nang gaw mungkan ga na mungdan yawng mayawng hpe up ai Karai Kasang nang chyu sha rai nga ndai. Nang gaw ginding aga hte sumsing lamu hpe hpan da nga ndai.

ESAIA 37:20

Ya chyawm gaw, Madu anhte a Karai Kasang e, Asuri masha ni a lata kaw na anhte hpe hkye mawai la mi, shaloi mungkan ga na masha amyu baw ni yawng gaw nang chyu sha Karai Kasang rai nga ai hpe chye lu na mara ai.”

ESAIA 43:10

“Israela amyu masha ni e, nanhte gaw nye a sakse ni rai nga myit dai; Nye a shangun ma tai na matu nang hpe ngai lata la nngai, Shaloi ngai chyu sha Karai Kasang rai nga nngai hpe nang chye wa nna ngai hpe kam sham ai hte chye na wa na rai ndai. Ngai hta lai, kaga karai shaje n nga nga ai; dai gaw moi prat e mung, du na ra ai prat hta mung galoi mung nga na n rai.

ESAIA 44:6

Israela hpe up nna makawp maga nga ai dai Madu Chyahtum Chyalai N-gun rawng ai dai Madu gaw ning ngu tsun nga ai: “Ngai gaw shawng ningshawng wa hte ahpang jahtum ngu ai Karai Kasang rai nga nngai; ngai hta lai karai shaje n nga nga ai.

ESAIA 44:8

Nye a amyu masha ni e, hkum hkrit myit! Moi prat kaw nna ya du hkra na lam hpe nang chye ndai. Ngai gaw hpa byin wa sai lam hpe tau tsun da ni ai, nanhte gaw nye a sakse ni rai nga myit dai. Kaga karai shaje nga nga a ni? Ngai galoi mung n na yu ai daru magam n-gun rawng ai karai nga nga a ni?

ESAIA 45:12

Ngai gaw ginding aga hpe gaw da ai hte dai hta nga na matu shinggyim masha ni hpe hpan da nngai. Ngai gaw nye a daru magam n-gun hte sumsing lamu ni hpe kahpyan da nngai; Ngai gaw jan, shata hte shagan ni hpe hkang nngai.

YEREMIA 32:17

“Tsaw Htum ai Madu e, nang gaw na a daru magam n-gun hte lahpum hpe shada nna ginding aga hte sumsing lamu hpe hpan da nit dai; na a matu hpa mung grai yak la nga ai n rai.

EZEKELA 20:11

Ngai gaw shanhte hpe nye a hkang da ai matsun maroi ga ni jaw ya ni ai; dai lam ni hpe hkan sa madat mara ai ni kadai rai ti mung, asak hkrung nga shangun lu na, nye a tara ni shanhte hpe sharin achyin ya ni ai.

YONA 1:9

Yona gaw, “Ngai gaw Hebre masha rai nga nngai. Ngai gaw hkarang hte panglai hpe hpan da ai dai Madu sumsing lamu a Karai Kasang hpe nawku nngai,” ngu nna htan wu ai.

YAWHAN 10:30

Ngai hte nye Wa gaw langai sha rai nga ai,” ngu tsun wu ai.

KASA 4:24

Dai na jang shanhte gaw myit langai sha hte Karai Kasang kaw, “Sumsing lamu hte ginding aga, panglai hte dai hte hta nga manga hpe hpan tawn da ai Madu e,

TARA JAHPRANG 10:14

Dai Madu gaw tsaw htum ai sumsing lamu ni hpe mung, ginding aga hte de a ntsa na nga manga hte hpe mung madu da nga ai.

TARA JAHPRANG 32:39

“‘Ngai hte ngai chyu sha Karai Kasang rai nga nngai; karai shaje kadai mung karai jet n rai nga ai. Ngai sat nna ngai jahkrung nngai, ngai jahpye nna ngai shamai nngai; ngai galaw ai lam hpe kadai e mung ninghkap lu ai n rai.

TARA JAHPRANG 6:4

“Israela e, ndai ga hpe adum nga mu! Dai Madu anhte a Karai Kasang chyu sha Madu rai nga ai.

HEBRE 1:3

Shi gaw Karai Kasang a hpung shingkang ningja shapraw nna, Karai Kasang shi nan a gawng shingyan hkrang sumla hpe dagraw ai hte mungkan jan shata shagan nga yawng danghta hpe shi a hpung shingkang rawng ai mungga atsam hte bau sin da nga ai. Shi gaw shinggyim masha ni a yubak mara ni hpe raw dat jasan jaseng ai lam galaw ngut ai hpang, sumsing lamu e daru magam n-gun atsam rawng ai Karai Kasang a hkra maga de dung nga ai.

HEBRE 1:6

Rai ti mung Karai Kasang gaw shi a Kasha alat hpe mungkan ga de shangun dat na hkyen ai shaloi, shi gaw, “Karai Kasang a lamu kasa ni yawng, shi hpe nawku daw jau lu na,” nga nna hkang dat sai.

SHINGRAN 14:7

Dai lamu kasa gaw, “Shinggyim masha amyu baw shagu hpe tara dara na aten du ra ai. Dai majaw, Karai Kasang hpe hkrit hkungga mu! Shi a htani htana galu kaba ai hpung shingkang hpe shagrau sha-a mu! Sumsing lamu hte ginding aga, panglai hte hka hpawk ni hpe hpan tawn da ai wa hpe nawku nga mu!,” nga nna nsen kaba hte tsun nga ai.

SHINGRAN 4:11

“Anhte a Madu Karai Kasang e! Nga yawng nga pra hte hpe nang hpan tawn da nna, dai hte gaw na a myit ra ai hku sha grin nga ma ai hte asak hkrung nga ma ai. Dai majaw nang gaw, hpung shingkang arawng sadang hte, hpung dagu lu la na gingdan nga ndai law!,” nga nna tsun ma ai.