NEHEMIA 9:5 - Jinghpaw Common Language Bible 2009

⁵ Lewi masha ni rai nga ai Yeshua, Kadmiela, Bani, Hashabneia, Sherebia, Hodia, Shebania hte Pehtahia hte gaw nawku na matu saw shaga ma ai. Shanhte gaw ning ngu tsun ma ai: “Rawt tsap let, dai Madu nanhte a Karai Kasang hpe shakawn kungdawn mu; shi hpe htani htana shakawn kungdawn mu! Masha shakawn kungdawn ai gaw n kaba nga ti mung, masha shagu gaw shi a hpung shingkang mying nsang hpe shakawn kungdawn nga mu ga.

Jinghpaw Hanson Version Bible

⁵ Bai Lewi masha ngu ai, Yeshua, Kadmiela, Bani, Hashabni, Sherebia, Hodia, Shebania, Pehtahia hte gaw, “Rawt mu, nanhte a Karai Kasang Yehowa hpe tutnawng prat dingsa e shagrau sha-a nga u ga law; shagrau sha-a ai hte shakawn kungdawn n ma ai, na a dan hkung nga ai mying nsang gaw, a nga u ga law.

NEHEMIA 9:5 Iomraidhean Croise

1 HKAWHKAM 8:14

Dai yang e amyu masha ni tsap nga ma yang, Hkawhkam Shawlumon shanhte hpang de myi man kayin nhtawm shanhte a ntsa Karai Kasang a chyeju shaman ya na matu hpyi ya wu ai.

1 HKAWHKAM 8:15

Shi gaw, “Dai Madu Israela a Karai Kasang hpe shakawn mu! Nye wa Dawi hta shi tawn da ai ga sadi hpe shadik shatup na nga,

1 HKAWHKAM 8:22

Shaloi Shawlumon gaw amyu masha ni a man hte tawn hkungri a man e sa tsap let shi a lata sharawt nna,

1 HKAWHKAM 8:27

“Rai ti mung, O Karai Kasang e, nang gaw ginding aga ntsa e teng teng shanu nga lu na kun? Sumsing lamu yawng pyi nang hpe sharawng da lu na daram kaba nga ai n rai; dai rai yang, ngai gap da ai ndai Nawku Htingnu gaw kaning rai kaba ram lu na rai nga a ta?

1 HKAWHKAM LABAU 16:36

Dai Madu Israela a Karai Kasang hpe shakawn kungdawn mu! Ya kaw nna shi hpe htani htana shakawn kungdawn mu! Dai hpang amyu masha ni yawng, “Amen,” ngu nna tsun let dai Madu hpe shakawn kungdawn ma ai.

1 HKAWHKAM LABAU 29:11

Nang gaw galu kaba nna daru magam n-gun hte hpung shingkang mung, hkik hkam ai hte arawng aya kaba hkam la ai wa rai nga ndai. Sumsing lamu hte ginding aga ntsa na nga manga hte gaw na a rai nga ai; nang gaw hkawhkam wa rai nna yawng mayawng a ntsa na tsaw dik htum ai up hkang ai wa rai nga ndai.

1 HKAWHKAM LABAU 29:13

Ya chyawm gaw anhte a Karai Kasang e, anhte nang hpe chyeju dum ga ai, na a hpung shingkang mying ningsang hpe anhte shakawn kungdawn nga ga ai law.

1 HKAWHKAM LABAU 29:20

Dai hpang Dawi gaw amyu masha ni hpe, “Dai Madu nanhte a Karai Kasang hpe shakawn kungdawn mu!,” ngu nna hkang da wu ai. Shaloi shawa hpawng ting gaw dai Madu shanhte a kaji kawa ni a Karai Kasang hpe shakawn kungdawn nhtawm dai Madu hpe mung, hkawhkam wa hpe mung, shanhte dingnyawm gum dagup nna shagrau hkungga jaw mu ai.

2 HKAWHKAM LABAU 20:13

Yuda masha ni yawng gaw shanhte a madu jan ni hte kashu kasha ni hte rau dai yang na Nawku Htingnu hta e tsap nga ma ai.

2 HKAWHKAM LABAU 20:19

Lewi amyu Kohat hte Kora a amyu lakung ni mung rawt tsap let dai Madu Israela a Karai Kasang hpe nsen ja ja hte shakawn kungdawn ma ai.

EZRA 3:11

Shanhte gaw dai Madu hpe ning ngu nna kahtap tsun let shakawn kungdawn ma ai: “Dai Madu gaw mai kaja nga ai, shi a tsaw ra myit gaw Israela a ntsa e htani htana agrin nga ai.” Shing rai Nawku Htingnu a npawt nhpang gaw ai amu hpe galaw hpang da lu manu ai majaw masha shagu hte mung tinang nang a n-gun lagaw mahkra hte dai Madu hpe shakawn kungdawn let jahtau garu nga ma ai.

NEHEMIA 9:4

Yeshua, Bani, Kadmiela, Shebania, Buni, Sherebia, Bani hte Hkenani ni gaw Lewi masha ni a matu galaw da ai pinra ntsa e rawt tsap nhtawm dai Madu shanhte a Karai Kasang kaw ja ja akyu hpyi nga ma ai.

NEHEMIA 9:6

Dai hpang Israela amyu masha ni ndai kyu hpyi ga hte hpyi ma ai: “Nang, Madu, nang chyu sha Madu rai nga ndai; nang gaw sumsing lamu ni hte lamu na shagan ni hpe hpan da nga ndai. Nang gaw lamu ga hte panglai hte dai hta rawng marawng ni hpe hpan da nna; dai ni yawng hpe nang asak jaw ya nga ndai. Sumsing lamu na daru magam n-gun atsam ni nang hpe gum dagup ai hte nang hpe nawku ma ai.

YOBA 1:21

Shi gaw, “Ngai gaw kaman hte shangai wa ai rai nna, kaman hte si wa na nngai. Dai Madu jaw nu ai, ya chyawm gaw shi bai la kau nu ai. Shi a mying ningsang shakawn kungdawn ai hkrum nga u ga law!,” ngu nna tsun wu ai.

SHAKAWN KUNGDAWN 106:2

Shi galaw dan sai mauhpa magam amu ni yawng hpe kadai wa tsun hkai dan lu nga a ta? Shi a hpung shingkang arawng sadang nga manga hte hpe kadai wa shakawn lu nga a ta?

SHAKAWN KUNGDAWN 134:1

Shi a Nawku Htingnu kata hta, shana e nawku daw jau nga ai shangun ma ni yawng hte e, sa marit, dai Madu hpe shakawn ga.

SHAKAWN KUNGDAWN 145:2

Shani shagu nang hpe ngai chyeju dum shakawn nga na nngai; nang hpe ngai htani htana prat dingsa shakawn kungdawn nga na nngai.

SHAKAWN KUNGDAWN 145:5

Na a hpung shingkang hte arawng sadang hpe mung shanhte tsun hkai dan na mara ai; na a mauhpa magam bungli ni hpe ngai myit aru yu nga na nngai.

SHAKAWN KUNGDAWN 146:2

Ngai asak hkrung nga ai hte yang, shi hpe ngai shakawn nga na nngai; nye a asak prat tup, nye a Karai Kasang hpe mahkawn nga na nngai.

SHAKAWN KUNGDAWN 16:2

“Nang gaw nye a Madu rai nga ndai; mai kaja ai arai yawng mayawng gaw nang kaw na hkrai rai nga ai,” ngu nna Madu hpe ngai tsun nga nngai.

SHAKAWN KUNGDAWN 66:2

Shi a mying nsang a hpung shingkang hpe mahkawn mu; hpung shingkang hte hpring ai shakawn kungdawn ga hte shi hpe daw jau mu!

SHAKAWN KUNGDAWN 99:3

Masha shagu hte gaw shi a galu kaba nna, hpung shingkang arawng sadang hte hpring ai mying nsang hpe shakawn na mara ai; shi gaw Chyoi Pra Ai Wa rai nga ai!

PRU MAT 15:11

“Madu e, karai ni hta nang zawn re ai wa kadai nga nga a ta? Kadai wa nang zawn chyoi pra ai hta mauhpa amu shadan dan lu a ta? Nang galaw dan ai zawn, lamik kumla ni hte chyalai n-gun hte hpring ai amu hpe kadai wa galaw lu a ta?

PRU MAT 15:6

“Madu e, na a hkra lata gaw daru magam n-gun hte hkrit hpa wa rai nga ai; dai gaw gumlau hpyen ni hpe agrawp kau nga ai.

Daniela 2:20

“Karai Kasang gaw hpaji rawng ai hte daru magam n-gun rawng nga a hka! Shi hpe htani htana shakawn kungdawn mu.

MAHTE 11:25

Dai aten hta Yesu gaw, Sumsing Lamu Mungdan hte ginding aga a Madu Wa e, hpaji byeng-ya rawng ai ni hte myit kung hpan ai ni hpe n chye shangun hkra makoi magap da nhtawm, hpaji kata ai ni hpe madun dan ndai majaw, ngai nang hpe shakawn kungdawn nngai.

2 KORINHTU 4:6

Yesu Hkristu a myi man hta htoi tu ai hpung shingkang a lam nanhte chye chyang u ga, anhte a myit masin hta nhtoi jahtoi ya ai Karai Kasang gaw, “Nsin hta na nhtoi htoi na ra ai,” nga nna tsun ai Karai Kasang shi nan rai nga ai.

TARA JAHPRANG 28:58

“Ndai laika hta ka da ai Karai Kasang a sharin shaga ai ga yawng hpe sadi sahka hte nanhte n madat ai sha, dai Madu nanhte a Karai Kasang a mauhpa hte hkrit hpa mying ningsang hpe n shagrau n sha-a myit dai rai yang,

1 PETRU 1:3

Anhte gaw Madu Yesu Hkristu a Kawa Karai Kasang hpe shagrau sha-a nga ga; hpa majaw nga yang, shi a matsan dum ai myit kaba hte Yesu Hkristu hpe si mat ai kaw nna bai hkrung sharawt la ai a marang e shi anhte hpe asak sumdam ningnan bai jaw da mani ai rai nna anhte hta ahkrung nga ai myit mada shara jahpring shatsup ya mani ai.

TARA AGYI 13:18

Dai lamu kasa gaw, “Nan hpa majaw nye a mying chye mayu nga myit ni? Dai gaw mauhpa amying rai nga ai,” ngu nna tsun wu ai.