NEHEMIA 8:8 - Jinghpaw Common Language Bible 2009

⁸ Shanhte gaw Karai Kasang a Tara hpe n-gup hte ga byan dan nna shaleng dan ma ai majaw amyu masha ni dai lam hpe chye na lu ma ai.

Jinghpaw Hanson Version Bible

⁸ Shing rai shanhte gaw Karai Kasang a tara laika hpe dan dan leng leng hti nna, ga lachyum shapraw dan ai majaw, mung masha ni chye na ma ai.

NEHEMIA 8:8 Iomraidhean Croise

2 HKAWHKAM 23:2

hkinjawng ni hte myihtoi ni, naw ngam nga ai amyu masha ni, matsan mayan hte sut su ai masha ni n nga hkan gumbawm nang let Nawku Htingnu de sa wa ma ai. Dai hpang shanhte yawng a man e hkawhkam wa gaw Nawku Htingnu kata hta mu tam la ai ga shaka laika buk ting hpe nsen ja ja hte hti dan wu ai.

EZRA 4:18

“Nanhte ka shagun dat ai laika hpe ga gale nna ngai hpe hti dan masai.

NEHEMIA 8:12

Dai rai nna amyu masha ni yawng gaw shanhte hpe hti dan ai lam hpe chye na hkawn hkrang nga ma ai majaw shanhte yawng dum nta de wa nna kabu gara ai hte lu lu sha sha rai nhtawm kaga ni hpe lusha karan jaw ma ai.

NEHEMIA 8:7

Dai hpang shanhte gaw shanhte a shara ni hta rawt tsap nga ma yang, ndai Lewi masha ni rai nga ai Yeshua, Bani, Sherebia, Yamin, Akub, Shabehtai, Hodia, Masea, Kelita, Azaria, Yozabad, Haman, Pelaia hte gaw Tara a lam shanhte hpe tsun shaleng dan ma ai.

NEHEMIA 8:9

Ya amyu masha ni Tara laika ga hpa rai nga ai lam na jang, shanhte grau sit sa nna hkrap ngu hkrap ngoi hpang wa ma ai. Dai rai nna munggyi Nehemia, hkinjawng Ezra ngu ai tara sara ninghkrin hte amyu masha ni yawng hpe Tara a lam tsun shaleng dan ai Lewi masha ni gaw, “Dai ni na nhtoi gaw dai Madu nanhte a Karai Kasang a matu chyoi pra nga ai shani rai nga ai, dai rai nna nanhte gaw yawn hkyen ai hte hkrap ngu hkrap ngoi na myit dai n rai.

NEHEMIA 9:3

Shanhte gaw dai Madu shanhte a Karai Kasang a Tara hpe nayi hkum masum hti nna, ngam ai nayi hkum masum hta shanhte a yubak mara ni hpe hpyi nem ai hte dai Madu shanhte a Karai Kasang hpe nawku ma ai.

EZEKELA 46:10

Amyu masha ni shang wa ai shaloi, up hkang du wa mung shang nna shanhte pru jang, shi mung pru wa nga ai.

HABAKU 2:2

Dai Madu gaw ngai hpe ndai mahtai jaw wu ai: “Ngai nang hpe madun dan ai lam hpe lungpa ntsa hta e dan dan pra pra ka jahkrat tawn u, shaloi dai hpe praw rai hti lu na ra ai.

LUKA 24:27

Bai Yesu gaw, Mawshe ka da ai kaw nna myihtoi ni ka da ai Chyum Laika ni hta na, shi a lam ka da ai ga ni yawng shan hpe tsun hpaw dan mu ai.

LUKA 24:32

Shan gaw, “Hkrun lam e, Madu an hte ga shaga nna Chyum Laika ni a ga lachyum tsun hpaw dan ai shaloi, an a myit masin kata hta wan hkru nga ai zawn kadau kadap nga mali ai, n rai ni?,” nga nna shada da tsun ma ai.

LUKA 24:45

Dai hpang sape ni, dai Chyum Laika ga ni hpe chye na lu na matu shanhte a myit nyan jahpaw ya mu ai.

KASA 28:23

Shing rai, shanhte gaw shi hte hkrum chyai na nhtoi madat da nhtawm, dai nhtoi du jang shi manam nga ai shara de masha law law wa sa hpawng nga ma ai. Pawlu gaw, jahpawt kaw nna shana de du hkra Karai Kasang a mungdan hte seng ai shi a mungga hpe Mawshe a tara hte myihtoi ni a ga hku hkan nna Yesu hpe shanhte chye na kam sham wa hkra hkaw tsun sakse hkam shakut nga ai.