NEHEMIA 8:3 - Jinghpaw Common Language Bible 2009

³ Shi gaw jahpawt kaw nna shani ka-ang du hkra, chyinghka makau na dam lada ai shara hta Tara laika hti dan wu ai rai nna shanhte yawng myit maju jung ai hte madat la nga ma ai.

Jinghpaw Hanson Version Bible

³ Jahpawt jau jau e kaw nna, jan pungding du hkra, hka chyinghka ndaw na dam lada ai shara e tsap let, chye na lu ai numsha lasha ni a man e hti dan ai hte, mung masha ni yawng dai tara laika ga hpe madat mara nga ma ai.

NEHEMIA 8:3 Iomraidhean Croise

NEHEMIA 10:29

shi a shangun ma Mawshe a lata hku nna Karai Kasang jaw ya sai Karai Kasang a Tara hte maren, anhte asak hkrung nga na mung, dai Madu anhte a Madu anhte hpe hkang da sai lam yawng mayawng madat mara na mung, shi a tara ni hte madat da ai ga ni yawng hpe hkan shatup na lam ni hpe mung, anhte a ningbaw ni hte ndai hku matut manoi nga let ga shaka dagam da ga ai rai nna dai hpe anhte run jahten ga ai rai yang, matsa mawa ari hkrum na ga ai ngu, dagam ga ai.

NEHEMIA 13:1

Amyu masha ni hpe Mawshe a Tara ja ja hti dan mu ai shaloi, dai laika hta Amon hte Moba masha kadai mung Karai Kasang a amyu masha ni hte galoi mung matut mahkai lu na ahkang n nga nga ai.

NEHEMIA 8:1

Shata sanit ngu na hta, Israela amyu masha ni yawng shanhte a mare ni hkan nga nga ma ai. Dai shata a shawng shani e, shanhte yawng gaw Yerusalem mare na Hka Chyinghka kata maga de na dam lada shara hta sa hpawng nga ma ai. Shanhte gaw dai Madu gaw Israela hpe Mawshe a lata hku jaw da sai Tara Laika buk hpe Tara sara ninghkrin hkinjawng Ezra kaw hpyi ma ai.

NEHEMIA 8:18

Shanhte gaw poi hpang ai shani kaw nna hpang jahtum shani du hkra, Karai Kasang a Tara daw daw chyen chyen hpe shani shagu hti ma ai. Shanhte gaw sanit ya tup poi galaw ma ai, matsat ya shani gaw Tara nga ai hte maren hpungdim poi galaw ma ai.

NEHEMIA 8:4

Ezra mung lak san galaw shachyaw da ai hpun pinra ntsa e rawt tsap nga ai. Ndai masha ni gaw shi a hkra maga de tsap ma ai; dai ni gaw Matihtia, Shema, Anaia, Uria, Hilkia hte Masea hte rai ma ai. Pai maga de mahtang Pedaia, Mishaela, Malhkiya, Hashum, Hashbadana, Zehkaria hte Meshulam ni rai ma ai.

NEHEMIA 8:5

Ezra gaw amyu masha ni hta grau tsaw ai pinra ntsa hta tsap nga ai rai nna, shanhte yawng shi hpe azi yu lu ma ai. Shing rai shi gaw laika buk hpaw dat wu ai hte rau shanhte yawng mung rawt tsap ma ai.

MARKU 12:37

Dawi shi hkum nan Meshia hpe, ‘Madu’ ngu wu ai. Dai rai yang gaw, kaning rai nme shi a kasha rai na rai nga a ta? ngu wu ai. Shawa masha law law wa Yesu a sharin shaga ai hpe kabu gara ai hte madat la nga ma ai.

LUKA 19:48

Rai ti mung shanhte gaw shi hpe kaning di na lam n mu mu ai, hpa majaw nga yang, shawa masha ni yawng hte gaw ga hkaw mi mung n jahkrat kau mayu hkra shi a sharin shaga ai ga madat noi nga nga ma ai.

LUKA 8:18

“Dai re ai majaw, nanhte gara hku madat la myit dai hpe sadi nga mu; hpa majaw nga yang, lu ai wa kadai hpe mung, naw jat jaw na ra ai; n lu ai wa kaw na chyawm gaw, shi lu dum ai kachyi mi hpe pyi naw shaw la kau ya na ra ai,” ngu mu ai.

KASA 13:15

Mawshe a Tara laika hte myihtoi ni a laika ni hpe hti ngut jang tara jawng agyi ni gaw shanhte hpang de masha shangun dat nna, “Hpu nau ni e, shawa hpawng hpe shadum jahprang n-gun jaw na mungga lu myit yang gaw, nanhte hpe ga shaga shangun mayu ga ai,” ngu wu ai.

KASA 13:27

Kaning rai nme law Yerusalem mare e nga ai masha ni hte shanhte a ningbaw ningla ni gaw, shi hkye hkrang la ai Madu re ai hpe mung shanhte Bansa Nhtoi shagu hti ai myihtoi ni a ga ni hpe mung n chye na ma ai. Rai ti mung shanhte gaw Yesu hpe sat kau na daw dan ai hte dai myihtoi ga ni hpe shatup manu ai.

KASA 15:21

Hpa majaw nga yang Mawshe a Tara gaw Bansa Nhtoi shagu tara jawng ni hta ahti dan nga ma ai hte moi prat kaw nna mare shagu hta dai tara hkaw dan ai ni nga nga ma ai,” ngu nna tsun wu ai.

KASA 16:14

Shanhte hta na anhte a ga na la ai numsha gaw Htuatira mare na sumpan hkyeng sawm dut ai Ludi ngu ai jan rai nga ai. Shi gaw Karai Kasang hpe nawku kam sham ai numsha rai nna, Pawlu tsun dan nga ai ga hpe na lasha let madat la u ga, Madu e shi a myit hpaw ya wu ai.

KASA 17:11

Dai mare masha ni gaw Htesaloni masha ni hta grau myit su, myit dam lada ma ai rai nna Pawlu hkaw tsun ai mungga hpe grai shareng hkungga nna myit lawm ai hte madat la ma ai. Shanhte gaw Pawlu yan Sila hkaw tsun dan ai ga hte maren teng n teng chye lu hkra, Chyum Laika hpe shani shagu asawk hti yu nga ma ai.

KASA 20:11

Bai ntsa gawk de shi lung wa nna muk ahkyep alep di nhtawm sha nga ai. Shanhte hte nhtoi htoi ai du hkra galu galang tsun shaga chyai ngut jang shi pru wa ai.

KASA 20:7

Anhte gaw Laban kru ya shana de kanawn mazum shat sha poi hta shang na matu zuphpawng nga ga ai. Pawlu gaw hpang jahpawt dai mare kaw na pru mat wa na maw ai majaw, shana yup tung tung hkra masha ni hpe sharin shaga nga ai.

KASA 28:23

Shing rai, shanhte gaw shi hte hkrum chyai na nhtoi madat da nhtawm, dai nhtoi du jang shi manam nga ai shara de masha law law wa sa hpawng nga ma ai. Pawlu gaw, jahpawt kaw nna shana de du hkra Karai Kasang a mungdan hte seng ai shi a mungga hpe Mawshe a tara hte myihtoi ni a ga hku hkan nna Yesu hpe shanhte chye na kam sham wa hkra hkaw tsun sakse hkam shakut nga ai.

TARA JAHPRANG 31:9

Shaloi Mawshe gaw Karai Kasang a Tara hpe ka nhtawm dai Madu a Ga Shaka Sumpu woi hpareng ai Lewi hkinjawng ni hpe mung, Israela ningbaw ni hpe mung jaw ya wu ai.

1 HTESALONI 2:13

Bai Karai Kasang a chyeju hpe n sim n sa shakawn na lam kaga langai mi naw nga nga mali ai. Nanhte hpang de anhte dai Karai Kasang a mungga sa hkaw tsun dan ai shaloi masha a mungga hpe zawn n rai, Karai Kasang a mungga re ai hku nanhte na nna kam sham ai hte hkap la manit dai. Dai mungga gaw nanhte kam sham ai ni a kata hta bungli galaw ya nga ai majaw Karai Kasang a mungga majing nan rai nga ai.

YAWSHU 8:35

Yawshu mung Mawshe hkang da mada hpe shawa hpung ting hte shanhte hta na numsha ni hte ma kaji ni, shanhte hta hkan nang ai maigan masha ni yawng a man e hti dan wu ai.

SHINGRAN 2:29

“Wenyi gaw hpung ni hpe kaning nga tsun ai gaw, na tu ai wa gaw na la u ga!

SHINGRAN 3:22

“Wenyi gaw hpung ni hpe kaning nga tsun ai gaw, na tu ai wa gaw na la u ga!,” nga nna tsun ai.