NEHEMIA 8:2 - Jinghpaw Common Language Bible 2009

² Dai re ai majaw, Ezra mung atsawm sha chye na lu sai numsha, lasha ni hte ma kaji ni ngu ai amyu masha ni hpawng nga ai shara de dai hpe la shapraw wu ai.

Jinghpaw Hanson Version Bible

² Dai rai nna hkinjawng Ezra gaw, shata sanit a shawng shani e, chye na lu ai shawa hpawng numsha lasha mahkra a man e, dai tara laika hpe la shapraw nhtawm,

NEHEMIA 8:2 Iomraidhean Croise

NEHEMIA 10:29

shi a shangun ma Mawshe a lata hku nna Karai Kasang jaw ya sai Karai Kasang a Tara hte maren, anhte asak hkrung nga na mung, dai Madu anhte a Madu anhte hpe hkang da sai lam yawng mayawng madat mara na mung, shi a tara ni hte madat da ai ga ni yawng hpe hkan shatup na lam ni hpe mung, anhte a ningbaw ni hte ndai hku matut manoi nga let ga shaka dagam da ga ai rai nna dai hpe anhte run jahten ga ai rai yang, matsa mawa ari hkrum na ga ai ngu, dagam ga ai.

NEHEMIA 13:1

Amyu masha ni hpe Mawshe a Tara ja ja hti dan mu ai shaloi, dai laika hta Amon hte Moba masha kadai mung Karai Kasang a amyu masha ni hte galoi mung matut mahkai lu na ahkang n nga nga ai.

NEHEMIA 8:18

Shanhte gaw poi hpang ai shani kaw nna hpang jahtum shani du hkra, Karai Kasang a Tara daw daw chyen chyen hpe shani shagu hti ma ai. Shanhte gaw sanit ya tup poi galaw ma ai, matsat ya shani gaw Tara nga ai hte maren hpungdim poi galaw ma ai.

NEHEMIA 8:9

Ya amyu masha ni Tara laika ga hpa rai nga ai lam na jang, shanhte grau sit sa nna hkrap ngu hkrap ngoi hpang wa ma ai. Dai rai nna munggyi Nehemia, hkinjawng Ezra ngu ai tara sara ninghkrin hte amyu masha ni yawng hpe Tara a lam tsun shaleng dan ai Lewi masha ni gaw, “Dai ni na nhtoi gaw dai Madu nanhte a Karai Kasang a matu chyoi pra nga ai shani rai nga ai, dai rai nna nanhte gaw yawn hkyen ai hte hkrap ngu hkrap ngoi na myit dai n rai.

NEHEMIA 9:1

Dai shata a hkun mali ya shani e, Israela amyu masha ni gaw shanhte galaw shut ai yubak mara ni a majaw yawn hkyen ai hpe madun nna lusha gam na matu hpawng nga ma ai. Dai rai nna shanhte gaw maigan masha ni yawng hte jahka kau ma ai. Shanhte gaw yawn hkyen ai kumla madun na nga, lachyit nba bu hpun nna shanhte a baw ntsa hkan e ga nhpu hte bun ma ai. Dai hpang shanhte hte shanhte a kaji kawa ni shut hpyit kau ai yubak mara ni a matu, shanhte rawt tsap let mara yin la hpang wa ma ai.

ESAIA 28:9

Shanhte gaw ngai hte seng ai lam hta aput angun rai ma ai. Shanhte gaw, “Shi kadai hpe sharin achyin ya nga ai gaw kadai hpe rai nga a ta? Shi a mungga hpe kadai wa ra marit nga ma ta? Dai gaw ya sha chyu jahka kau sai ma ni a matu chyu sha mai kaja nga ai!

MALAHKI 2:7

Karai Kasang a teng man ai machye machyang hpe sharin ya na gaw hkinjawng ni a lit rai nga ai. Nye a myit ra ai lam hpe sharin la na matu, masha gaw shanhte hpang de sa ang nga ma ai, hpa majaw nga yang, shanhte gaw Chyahtum Chyalai N-gun rawng ai dai Madu a kasa ni rai ma ai.

BU HKAWM 29:1

Shata sanit a praw langai ya shani e, nanhte gaw nawku na matu zup hpawng na rai myit dai; amu bungli galaw lu na myit dai n rai; dai shani hta pahtau dum na rai myit dai.

KASA 15:21

Hpa majaw nga yang Mawshe a Tara gaw Bansa Nhtoi shagu tara jawng ni hta ahti dan nga ma ai hte moi prat kaw nna mare shagu hta dai tara hkaw dan ai ni nga nga ma ai,” ngu nna tsun wu ai.

TARA JAHPRANG 17:18

Shi hkawhkam tai wa ai shaloi, Lewi hkinjawng ni kyem mazing da ai ningpawt kanan laika kaw na ka da ai Karai Kasang a tara hte sharin achyin ga ni rawng ai laika langai mi hpe shi lang da na rai wu ai.

YAWSHU 8:35

Yawshu mung Mawshe hkang da mada hpe shawa hpung ting hte shanhte hta na numsha ni hte ma kaji ni, shanhte hta hkan nang ai maigan masha ni yawng a man e hti dan wu ai.