NEHEMIA 8:16 - Jinghpaw Common Language Bible 2009

¹⁶ Dai re ai majaw amyu masha ni mung lakung lakying ni hpe la wa nhtawm tinang nang a nta numgaw ntsa e mung, tinang nang a wang kata e mung, Nawku Htingnu wang kata e mung, Hka Chyinghka hte Ehprim Chyinghka makau na dam lada re ai shawa shara hta sum ni hpe gap da ma ai.

Jinghpaw Hanson Version Bible

¹⁶ Ya mung masha ni sa wa nna, lakung lakying ni la wa nhtawm, tinang nta ni a ntsa e mung, tinang a wang kata e mung, Karai Kasang nta a wang kata e mung, hka chyinghka hte Ehprim chyinghka ndaw na dam lada ai shara e mung, sum gap nga ma ai.

NEHEMIA 8:16 Iomraidhean Croise

2 SAMUELA 11:2

Lani mi na shana de maga chyahkring mi myet nga nna yup la ai hpang, Dawi rawt wa nhtawm shi a hkawhkam hkaw numgaw de sa wa wu ai. Dai yang e shi kayin hkawm wu yang, yu u, numsha langai mi shi a nta e hka shin nga ai hpe mu dat wu ai. Dai numsha chyawm gaw ahpraw asam mung grai tsawm nga ai.

2 HKAWHKAM 14:13

Yehoasha gaw Amazia hpe bawng masha zawn rim la nna Yerusalem mare de lung wa nhtawm Ehprim chyinghka kaw nna Jut Chyinghka du hkra pe kru tsa daram galu ai mare bunghku hpe run kau mu ai.

2 HKAWHKAM LABAU 20:5

shanhte hte Yerusalem mare masha ni gaw Nawku Htingnu a wang nnan hta sa hpawng nga ma ai. Shaloi Yehoshahpat gaw shanhte a man e sa tsap let,

2 HKAWHKAM LABAU 33:5

Shi gaw Nawku Htingnu a wang lahkawng hta shagan nawku na matu tawn hkungri ni galaw da nga wu ai.

NEHEMIA 12:37

Shanhte gaw Hka Hpawk Chyinghka de du ai shaloi, Dawi a Mare de hkrang ai lakang hkan nna shanhte lung wa nhtawm Dawi a hkawhkam htingnu hpe lai kau da ai hte dai mare a sinpraw maga Hka Chyinghka na bunghku de nhtang mat wa ma ai.

NEHEMIA 12:39

dai kaw nna Ehprim Chyinghka, Yeshana Chyinghka, Nga Chyinghka, Hananela Langchyi hte Latsa Langchyi ni hpe lai kau da nhtawm Sagu Chyinghka de du ga ai. Anhte gaw Nawku Htingnu de sa wa ai Chyinghka makau e hkring nga ga ai.

NEHEMIA 8:1

Shata sanit ngu na hta, Israela amyu masha ni yawng shanhte a mare ni hkan nga nga ma ai. Dai shata a shawng shani e, shanhte yawng gaw Yerusalem mare na Hka Chyinghka kata maga de na dam lada shara hta sa hpawng nga ma ai. Shanhte gaw dai Madu gaw Israela hpe Mawshe a lata hku jaw da sai Tara Laika buk hpe Tara sara ninghkrin hkinjawng Ezra kaw hpyi ma ai.

NEHEMIA 8:3

Shi gaw jahpawt kaw nna shani ka-ang du hkra, chyinghka makau na dam lada ai shara hta Tara laika hti dan wu ai rai nna shanhte yawng myit maju jung ai hte madat la nga ma ai.

YEREMIA 19:13

Nta numgaw hkan e, shagan ni hpe manam pyaw ai baw wan nat nawng nna, kaga hpara ni hpe hkungga nawng jau ai zawn sabyi ru jaw ma ai majaw, Yerusalem mare nta ni hte Yuda hkawhkam ni a nta ni gaw Tohpet shara zawn teng teng awu asin tai mat na ra ai nga nna shanhte hpe htawn tsun u,” ngu nna tsun ai.

YEREMIA 32:29

dai hpe wan nat kau na mara ai. Ngai hpe pawt sindawng shangun na nga, nta ni a ntsa e Bala hpara hpe manam pyaw ai baw nat nawng nna, kaga hpara ni hpe sabyi ntsin ru jaw ai hkungga nta ni hte hpawn shanhte gaw dai mare hpe jahkru kau na mara ai.

TARA JAHPRANG 22:8

Nta ningnan gap ai shaloi numgaw grup grup hta makawp shinggang teng teng bang lu na rai ndai. Shing rai jang, marai langai ngai di hkrat si mat ti mung dai gaw na a lit rai na ra ai n rai.