NEHEMIA 8:13 - Jinghpaw Common Language Bible 2009

¹³ Hpang shani e, amyu lakung ni a ningbaw ni hte hkinjawng ni, Lewi masha ni gaw Tara a sharin shaga ga ni hpe sharin achyin la na nga, Ezra hpang de sa ma ai.

Jinghpaw Hanson Version Bible

¹³ Ni ni shani hta e, mung masha ni yawng hta na, dap lakung ni a agyi ni hte rau, hkinjawng ni hte Lewi masha ni gaw, tara hpe madat mara nga na matu, chyare wa Ezra hpang de sa zuphpawng nga ma ai.

NEHEMIA 8:13 Iomraidhean Croise

2 HKAWHKAM LABAU 30:23

shanhte yawng gaw kaga sanit ya poi bai de na lam bawng ban jahkrup da ma ai. Dai re ai majaw shanhte gaw kabu gara ai hte poi galaw ma ai.

NEHEMIA 8:12

Dai rai nna amyu masha ni yawng gaw shanhte hpe hti dan ai lam hpe chye na hkawn hkrang nga ma ai majaw shanhte yawng dum nta de wa nna kabu gara ai hte lu lu sha sha rai nhtawm kaga ni hpe lusha karan jaw ma ai.

NEHEMIA 8:14

Shanhte gaw dai Madu Mawshe a lata hku jaw ya sai Tara laika hpe mu tam la manu ai rai nna, Sum poi galaw ai laman, gan gawat galaw ai sum ni hta rawng nga na matu, Israela amyu masha ni hpe hkang da ma ai.

GA SHAGAWP 12:1

Tinang shut ai shaloi, sharin shaga ai hpe ra sharawng ai wa kadai rai ti mung chye chyang ai hpe tsaw ra nga ai. Shadum jahprang ai hpe n dawng ai wa chyawm gaw angawk ai wa rai nga ai.

LUKA 24:32

Shan gaw, “Hkrun lam e, Madu an hte ga shaga nna Chyum Laika ni a ga lachyum tsun hpaw dan ai shaloi, an a myit masin kata hta wan hkru nga ai zawn kadau kadap nga mali ai, n rai ni?,” nga nna shada da tsun ma ai.

KASA 13:42

Ya Pawlu hte Barnaba dai tara jawng na pru wa yang masha ni gaw hpang na bat Bansa Nhtoi bai nhtang sa nna ndai lam ni hpe grau nna hkaw tsun dan na saw shaga ma ai.

KASA 4:1

Petru yan Yawhan shawa masha ni hpe naw shaga nga ma yang, hkinjawng agyi ni, Nawku Htingnu sin ai ni a du wa hte Saduke nkau mi sa du ma ai.