NEHEMIA 8:12 - Jinghpaw Common Language Bible 2009

¹² Dai rai nna amyu masha ni yawng gaw shanhte hpe hti dan ai lam hpe chye na hkawn hkrang nga ma ai majaw shanhte yawng dum nta de wa nna kabu gara ai hte lu lu sha sha rai nhtawm kaga ni hpe lusha karan jaw ma ai.

Jinghpaw Hanson Version Bible

¹² Mung masha ni gaw, hkaw tsun dan ai ga hpe chye na mu ai majaw, lu na sha na matu mung, kaga ni hpe gam jaw na matu mung, grai ngwipyaw nga na matu mung, sa wa ma ai.

NEHEMIA 8:12 Iomraidhean Croise

1 HKAWHKAM LABAU 29:22

Dai rai nna shanhte gaw dai shani Madu a man e lu lu sha sha rai kabu gara nga ma ai. Lahkawng lang ngu na hta, shanhte gaw Shawlumon hpe hkawhkam shatai na tsun ndau nga ma ai. Shing rai dai Madu a mying ningsang hta mung du tai na matu shi hpe namman jaw ya nhtawm Zadok hpe mung hkinjawng aya dang ya ma ai.

NEHEMIA 8:10

Ya chyawm gaw, dum nta de nhtang wa nna mu mai ai lusha sha manu. Alaw alam n lu ai ni hpe nanhte a malu masha hte sabyi ntsin ni karan jaw mu. Dai ni gaw anhte a Madu a matu chyoi pra ai shani rai nga ai, dai rai nna hkum yawn nga myit. Dai Madu nanhte hpe jaw ai kabu gara lam gaw nanhte hpe n-gun ja shangun na ra ai,” ngu nna tsun ma ai.

NEHEMIA 8:11

Lewi masha ni gaw ndai zawn chyoi pra ai shani hta amyu masha ni atsin sha nga nna n yawn n hkyen na matu shanhte hpe tsun ma ai.

NEHEMIA 8:13

Hpang shani e, amyu lakung ni a ningbaw ni hte hkinjawng ni, Lewi masha ni gaw Tara a sharin shaga ga ni hpe sharin achyin la na nga, Ezra hpang de sa ma ai.

ESHTA 9:22

Dai gaw Yuda masha ni shanhte nan shanhte a gumlau hpyen ni hpe yeng seng kau ai shani rai nga ai majaw myit htum yawn hkyen ai kaw nna kabu gara myit pyaw ai de kayin wa ai shata rai nga ai; shanhte gaw dai shani ni hta lusha poi ni hpe mung, shada hku hkau ka manawt lusha ai lam hpe mung galaw let langai hte langai lusha kumhpa karan nna matsan mayan ni hpe gam jaw gam ya na lam hkan galaw na tsun da hkrum nga ma ai.

YOBA 23:12

Karai Kasang hkang da ai lam hpe ngai tut nawng galaw nngai; nye a myit ra ai hku n rai, shi a myit ra ai hku ngai hkan nang nngai.

SHAKAWN KUNGDAWN 119:111

Na a hkang da ai tara ni gaw prat dingsa na nye a sut gan ni rai nga ai; dai ni gaw nye myit masin kabu gara ai lam rai nga ai.

SHAKAWN KUNGDAWN 119:127

Aja hte jet ai aja hta grau nna, na a hkang da ai tara ni hpe ngai tsaw ra nga nngai.

SHAKAWN KUNGDAWN 119:130

Na a sharin achyin ai mungga ni hpe tsun shaleng ai lam ni gaw nhtoi hpe jaw ya nga ai rai nna, n chye n chyang ai ni hpe kunghpan wa shangun nga ai.

SHAKAWN KUNGDAWN 119:14

Sut gan nlang hkam la lu ai hta, na a hkang da ai tara ni hpe hkan nang nga na, ngai grau ra sharawng nga nngai.

SHAKAWN KUNGDAWN 119:16

Na tara ni hta ngai kabu awng sharawng nga nngai; na a hkang da ai tara ni hpe ngai malap kau na nngai n rai.

SHAKAWN KUNGDAWN 119:171

Nang ngai hpe na a tara ni sharin ya ai majaw, nang hpe ngai tut nawng shakawn nga na nngai.

SHAKAWN KUNGDAWN 119:174

Madu e, na a hkye hkrang la ai karum la lam hpe ngai kade wa marit nga a hka! Na a tara hta ngai kabu gara ai lam mu la nngai.

SHAKAWN KUNGDAWN 119:72

Nang ngai hpe jaw ya ai tara gaw mungkan ga na ja gumhpraw sut gan yawng mayawng hta grau nna manu dan nga li ai.

SHAKAWN KUNGDAWN 119:97

Na a tara hpe ngai kade wa tsaw ra nga a hka! Dai lam hpe shani tup ngai myit sawn yu nga nngai.

YEREMIA 15:16

Nang ngai hpe tsun shaga ai ga hkum shagu hte hpe ngai madat se ai. Chyahtum Chyalai N-gun Rawng ai Madu Karai Kasang e, nang ngai hpe madu da nga ndai majaw na a mungga ni nye a myit kraw lawang hta kabu gara ai hte awng sharawng ai hte jahpring ya nit dai.

LUKA 24:32

Shan gaw, “Hkrun lam e, Madu an hte ga shaga nna Chyum Laika ni a ga lachyum tsun hpaw dan ai shaloi, an a myit masin kata hta wan hkru nga ai zawn kadau kadap nga mali ai, n rai ni?,” nga nna shada da tsun ma ai.

ROMA 7:18

Nye a kraw e rai sa nye a shinggyim hkum shan myit hta kaja ai baw hpa n rawng li ai ngai chye nngai; hpa majaw nga yang mai kaja ai baw galaw mayu ai myit ngai hta rawng nga timung ngai dai hpe n galaw lu nngai.

SHINGRAN 11:10

Ga ntsa e nga ai masha ni gaw, dai myihtoi lahkawng si ai majaw, kabu gara rai nna shada da kumhpaw kumhpa ni galai jaw chyai rai, poi galaw na mara ai; hpa majaw nga yang, dai myihtoi yan gaw ga ntsa e nga ai masha amyu ni hpe nni nkri grai jahkrum yu masai rai nga ai.