NEHEMIA 7:2 - Jinghpaw Common Language Bible 2009

² Ngai gaw Yerusalem mare hpe up hkang hpareng na masha lahkawng san da nngai; shan gaw ngai nau Hanani hte hpyen dap hpe up hkang nga ai Hanania yan rai nga ai. Hanania gaw kam hpa mai ai hte Karai Kasang hpe grau nna hkrit kamyin ai wa rai nga ai.

Jinghpaw Hanson Version Bible

² Yerusalem mare hpe up na matu, ngai nau Hanan hte hpyen dap up ai bu Hanania hpe san da mu ai: kaning rai nme law, shi gaw kangka ai hte, masha law law hta Karai Kasang hpe grau nna hkrit hkungga nga ai.

NEHEMIA 7:2 Iomraidhean Croise

NINGPAWT NINGHPANG 42:18

Masum ya du ai shani hta Yosep gaw shanhte hpe, “Ngai gaw Karai Kasang hpe hkrit kamyin ai wa rai nga nngai. Dai rai nna mabyin lam langai mi a ntsa hta ngai nanhte a asak hpe jahkrung da ya na made ai rai nna ning di mu:

2 SAMUELA 23:3

Israela a Karai Kasang ga tsun nu ai; Israela hpe makawp maga ai wa gaw ngai hpe ning nga nna tsun ai: “Teng man ai hku up hkang nna Karai Kasang a ga madat let up hkang ai hkawhkam gaw,

1 HKAWHKAM 18:12

Ngai pru mat wa ai shaloi jang, dai Madu a wenyi gaw n chye ai shara nkau mi de nang hpe woi mat wa na ra ai n rai ni? Dai hpang nang ndai yang e nga nga ai ngu nna Ahab hpe ngai tsun jang, shi nang hpe n mu tam ai shaloi ngai hpe sat kau na ra ai. Ngai chyawm gaw ma aten kaw nna dai Madu hpe kam sham nawku ai wa rai nga nngai hpe dum u law.

1 HKAWHKAM 18:3

Ahab gaw hkawhkam htingnu hpe hpareng ai Obadia hpe shaga jashawn la wu ai. (Dai Obadia gaw dai Madu hpe kam sham nawku ai wa rai nga ai.

NEHEMIA 1:2

Nye a kanau langai rai nga ai Hanani gaw kaga masha hpung mi hte Yuda mung kaw nna du sa ma ai, ngai gaw shanhte hpe Yerusalem a lam hte Babelon mung hta bawng dung hkrum nna bai nhtang wa sai anhte a hpu nau Yuda ni a lam ni hpe san yu nngai.

NEHEMIA 13:13

Ngai gaw sut gawk ni hpe hpareng na matu ndai masha ni hpe san tawn nngai: dai ni gaw hkinjawng Shelemia, Tara sara ninghkrin Zadok, Lewi masha Pedaia; Matania a kashu, Zahkura a kasha Hanan gaw shanhte hpe karum shingtau na wa rai nga ai. Ndai masha ni gaw myit malang nga ma ai rai nna shanhte a hpu nau amu galaw masha ni hpe karan jaw ai amu hta kam mai nga ai gaw ngai chye nga nngai.

NEHEMIA 2:8

Ngai gaw hkawhkam wa a maling ni hpe up ai Asap hpang de, Nawku Htingnu sin ai hpyen dap chyinghka ni a matu mung, mare bunghku ni a matu mung, ngai rawng na dum nta a matu mung hpunpyen jaw lu na matu shi hpe matsun dat ai laika langai hpyi we ai. Karai Kasang gaw ngai hte rau nga nga ai majaw dai hkawseng wa mung ngai hpyi ai lam yawng jaw ya nga ai.

NEHEMIA 5:15

Nye a shawng e rung dung ai munggyi shagu gaw amyu masha ni hpe lit li gun shangun ma ai rai nna, lusha hte sabyi ntsin a matu lani mi gumhpraw dengga mali shi shi hpyi la ya ma ai. Shanhte a shangun ma ni du hkra, amyu masha ni hpe dip gamyet sha lai wa masai. Rai ti mung ngai gaw Karai Kasang hpe shagrau sha-a nngai majaw dai hte shai ai hku ngai galaw nngai.

NEHEMIA 7:3

Ngai gaw shanhte hpe jahpawt de jan atsawm sha rawt ai aten du hkra, Yerusalem chyinghka ni hpe n hpaw na matu mung, jan shang aten sin langa ni bungli garai n tawn da yang, dai ni hpe la nna htinggrang da na matu tsun tawn ni ai. Ngai gaw shanhte hpe Yerusalem hta nga ai amyu masha ni hta na sin langa ni hpe san da na hte shanhte hta na nkau mi lak san shara ni hta lit shatsam na hte kaga ni tinang dum nta grup grup na shara ni hpe kawan hkawm na lam tsun mawe ai.

YOBA 1:1

Yoba mying ai wa gaw Uza mung e nga nga nna Karai Kasang hpe nawku ai hte shi hta sadi dung ai wa rai nga ai. Shi gaw mai kaja ai masha langai mi rai nna, sadi sahka hte n hkru n hkra ai amu hpa mung n galaw ai wa rai nga ai.

SHAKAWN KUNGDAWN 101:6

Karai Kasang hta sadi sahka nga ai ni hpe ngai ra sharawng nga na we ai; shanhte hpe nye a hkawhkam wang hta shanu nga shangun na nngai. Tsep kawp myit malang ai ni, ngai hpe daw jau na ahkang hkam la lu na mara ai.

PRU MAT 18:21

Rai ti mung, dai hta kaga, atsam ningja rawng ai masha nkau mi hpe nang lata la nhtawm, amyu masha ni a ningbaw tai ai hta, hkying mi a ningbaw ni, latsa a ningbaw ni, manga shi a ningbaw ni hte shi a ningbaw ni ngu nna san tawn u. Shaloi shanhte gaw Karai Kasang hpe hkrit kamyin ai ni, kam hpa ging ai ni hte mayun kumhpa n la sha ai ni rai lu na ma ai.

Daniela 6:4

Dai hpang kaga reng hkang ai yan hte munggyi ni gaw mungdan ting hpe up hkang nga ai Daniela hta shut ai mara lama mi mu tam lu hkra nga shakut ma ai, rai ti mung Daniela gaw kamhpa mai ai hte myit magaw let galaw shut kau ai amu hpa mung n nga nga ai majaw mara n mu tam ma ai.

BU HKAWM 12:7

Nye a shangun ma Mawshe hte ngai ga shaga ai shaloi, dai gaw shai ai lam rai nga ai; dai nye a amyu masha Israela ni yawng hpe woi hpareng na matu, ngai shi hpe san da ni ai.

MAHTE 24:45

“Dai rai yang, sadi dung nna hpaji rawng ai mayam gaw kadai wa rai nga a ta? Dai wa gaw kaga mayam ni hpe up hkang na hte aten du jang lusha garan jaw na matu shi a madu e san da hkrum ai wa rai nga ai.

MAHTE 25:21

Shaloi shi a madu gaw, ‘Ara rai sa, kaja ai hte sadi dung ai mayam e, arai loi sha hta nang kangka rai nit dai; dai rai nna arai law law a ntsa e ngai nang hpe san tawn da na de ai, na madu a kabu gara ai hta nang shang lawm u!,’ ngu nna shi hpe tsun wu ai.

1 KORINHTU 4:2

Shing rai lit la nna magam gun hpai ai shangun ma wa hta nga ra ai atsam marai langai mi gaw, shi a Madu a ntsa e kangka sadi dung na lam rai nga ai.

2 TIMOHTI 2:2

Sakse law law ni a man e, ngai kaw na nang sharin la, na la sai sharin shaga ai ga ni hpe hta la nhtawm masha kaga ni hpe mung bai sharin achyin ya lu na re ngu nna nang kam mai ai masha ni hpe bai htawt ap ya u.