NEHEMIA 6:9 - Jinghpaw Common Language Bible 2009

⁹ Shanhte chyawm gaw bungli jahkring kau ya na matu anhte hpe jahkrit maw nga ma ai. Ngai gaw, “Karai Kasang e, ya rai tim, ngai hpe n-gun shaja ya e law!,” ngu nna hpyi we ai.

Jinghpaw Hanson Version Bible

⁹ Kaning rai nme law, “Shanhte n-gun yawm nna, dai amu hpe n shangut lu mu ga,” nga nna, shanhte nlang anhte hpe jahkrit na maw ma ai. Rai timung, “Nye a lata hpe n-gun shaja ya e law.”

NEHEMIA 6:9 Iomraidhean Croise

2 HKAWHKAM LABAU 15:7

Rai ti mung nanhte mahtang gaw n-gun shaja mu; myit hkum daw myit. Nanhte galaw ai amu hte maren shabrai lu la na marin dai,” ngu nna jahtau tsun wu ai.

2 HKAWHKAM LABAU 32:18

Du salang ni gaw Yerusalem mare hpe aloi sha gasat dang la lu na matu, dai mare bunghku ntsa nga ai Yerusalem mare masha ni hpe jahkrit shama let n-gun shadaw ya na nga, Hebre ga hte jahtau tsun ma ai.

EZRA 1:6

Shanhte hte ni nawn ai htingbu ni yawng mung Nawku Htingnu a matu, aja gumhpraw hte lang na hkinghku ni, arung arai ni, yam nga u hpung ni, kaga manu dan ai arai ni hte hkungga arai law law shanhte hpe jaw ya let karum ya ma ai.

NEHEMIA 6:14

Ngai gaw, “Karai Kasang e, Tobia hte Sanbalat yan hpa galaw kau masai hpe dum let shan hpe ari jaw u. Ngai hpe jahkrit mayu nga ai Nodia numsha hte kaga myihtoi ni yawng hpe mung adum nga u law,” ngu nna hpyi we ai.

SHAKAWN KUNGDAWN 138:3

Nang hpe ngai shaga yang, nang ngai hpe htan ya nit dai; na a n-gun hte ngai hpe n-gun shaja ya nit dai.

SHAKAWN KUNGDAWN 56:3

Chyahtum Chyalai n-gun rawng ai Madu e, ngai hkrit kahpra nga ai shaloi nang hpe ngai kam hpa nga nngai.

SHAKAWN KUNGDAWN 68:35

Shi a chyoi pra ai Htingnu kaw nna sa wa ai Israela a Karai Kasang gaw kade wa hpung shingkang hte hpring nga a hka! Shi gaw shi a amyu masha ni hpe n-gun atsam jaw ya nga ai. Karai Kasang hpe shakawn mu law!

SHAKAWN KUNGDAWN 71:1

Madu e, makawp maga la na matu, ngai nang kaw du sa ring ngai; ngai hpe galoi mung hkum sum shangun et!

ESAIA 40:29

Shi gaw n-gun yawm ai ni hte hki ba ai ni hpe n-gun shajat ya nga ai.

ESAIA 41:10

Hkum hkrit et-Ngai nang hte rau rai nga nngai! Ngai gaw na a Karai Kasang rai nga nngai-nang hpe hpa mung n jahkrit shama u ga! Ngai gaw nang hpe n-gun shaja ya ai hte karum la na nngai; Ngai gaw nang hpe makawp maga ai hte hkye la na nngai.

YEREMIA 38:4

Dai hpang, du salang ni gaw hkawhkam wa hpang de sa nna, “Ndai masha wa gaw si ging nga ai. Shi gaw dai zawn nga ai ga tsun shaga ai majaw mare kata na hpyenla ni hpe shanhte a n-gun marai shadaw kau ya nu ai; shi gaw ndai mare hta naw ngam nga ai masha shagu hte hpe karum na matu, shakut ai wa n rai, shanhte hpe nchyi nmu machyi shangun na ra sharawng ai wa sha rai nga ai,” ngu nna tsun dan ma ai.

EZEKELA 30:24

Dai hpang, ngai gaw Babelon hkawhkam wa a lahpum hpe n-gun shaja ya nna nye a nhtu hpe mung shi a lata hta ap ya na nngai. Rai ti mung Egutu hkawhkam a lahpum hpe chyawm gaw agrawp kau ya na nngai; shi gaw shi a gumlau hpyen ni a man e madai ai hte si mat na ra ai.

ZEHKARIA 10:12

Ngai gaw nye a amyu masha ni hpe n-gun ja shangun na nngai; shanhte gaw ngai hpe nawku ai hte nye a ga madat mara na mara ai,” ngu nna tsun wu ai. Dai Madu tsun nu ai.

2 KORINHTU 12:9

Rai ti mung Karai Kasang gaw, “Nye a chyeju gaw na a matu ram ging nga ai, hpa majaw nga yang, nang gawng kya ai shaloi nye a n-gun atsam gaw ja dik rai nga ai,” nga nna ngai hpe mahtai jaw ni ai. Dai re ai majaw Hkristu a n-gun atsam gaw ngai hpe makawp maga nna shingbyi shangun nga ai lam myit hta hkam sha lu n ga, nye a gawng kya ai lam a majaw ngai kabu gumrawng n ma rai nga nngai.

EHPESU 3:16

Nanhte a kata na hkum ngu ai myit masin n- gun lapyin ja wa u ga, Karai Kasang gaw shi a hpung shingkang hte n taw n tsang re ai sut gan kaw na Wenyi a marang e nanhte hpe n- gun atsam jaw ya u ga, ngu nna mung,

EHPESU 6:10

Hpang jahtum dai Madu hte langai sha tai ai hku nna mung, shi a hpung shingkang hte mung, nanhte a n-gun lapyin shagreng da nga mu.

HPILIPI 4:13

Ngai hpe n-gun shaja ya ai Hkristu a majaw yawng mayawng hpe ngai galaw lu nngai.

HEBRE 12:12

Dai re ai majaw nanhte a tsu ba nna kya mat ai lata ni hpe sharawt malan nna, nanhte a lapyin n rawng nna gari nga ai lahput ni hpe n-gun shaja dating nga mu.

1 PETRU 5:10

Rai ti mung nanhte jahkring sha mi nni nkri hkam ngut ai hpang, chyeju yawng mayawng a Madu rai nga ai Karai Kasang gaw nanhte hpe Hkristu hta langai sha tai shangun nna htani htana hpung shingkang hta shang sha lu mu ga, nanhte hpe shaga la ai Madu shi nan nanhte hpe ra n rawng hkra jahkum shatsup ai lam shangang shakang ai lam, n-gun lagaw sharawng ai lam ni jaw nna ngang kang ai npawt hkridun hta tsap nga lu ai ahkang jaw na marin dai.

1 SAMUELA 30:6

Dawi a masha ni gaw shanhte a kashu kasha ni mat mat nna shanhte yawng ahkup ahka nga ai hte shi hpe nlung hte kabai sat na nga jahkrit sharim ma ai majaw, dai aten hta Dawi gaw ru tsang kaba hkrum sha nga wu ai; rai ti mung dai Madu shi a Karai Kasang mung shi hpe nden marai jaw ya wu ai.