NEHEMIA 6:3 - Jinghpaw Common Language Bible 2009

³ Ngai gaw shanhte hpang de kasa ni hpe shangun dat nhtawm, “Ngai gaw ahkyak ai amu galaw nga nngai majaw dai de n lu yu wa nngai. Nanhte kaw sa hkrum na hte sha nye a bungli hpe n jahkring da lu na nngai,” ngu nna tsun dat we ai.

Jinghpaw Hanson Version Bible

³ Ngai mahtang, “Ngai gaw amu kaba galaw nga ai majaw, n yu wa lu nngai; nan hpang de yu wa nna, dai amu hpe hpa majaw jahkam da na rai ta?” ngu nna shan hpang de kasa nhtang shangun dat we ai.

NEHEMIA 6:3 Iomraidhean Croise

NEHEMIA 4:13

Dai rai nna, ngai gaw amyu masha ni hpe nhtu, nri hte ndan ni lang shangun nna, garai n lu ngut ai bunghku shingdu e amyu lakung hku hkan nna san da shangun we ai.

NEHEMIA 6:2

Dai rai nna Sanbalat hte Geshem yan gaw ngai hpang de shiga shana dat nna, shanhte hte ngai Ono pa layang na kahtawng langai ngai hta hkrum hkat na lam hpaji jaw dat ma ai. Dai gaw ngai hpe machyi shangun na matu maw mawn shakut ai shanhte a maw lanyet langai mi rai nga ai.

NEHEMIA 6:4

Shanhte gaw dai shiga hpe sha ngai hpang de mali lang shana dat mu tim, lang shagu shawng na lang hte maren shanhte hpe htang dat nngai.

GA SHAGAWP 14:15

Angawk ai masha wa gaw hpa hpe mung, shi kam nga ai; myit sam ai masha ni gaw shanhte htawt na lagaw lahkam ni hpe sadi maja nga ma ai.

HPAJI NINGLI 9:10

Nang yu wa na katsan ga hta e, amu bungli, myit mang ai, machye machyang hpaji hte hpaji byeng-ya hpa mung n nga ai majaw nang galaw ai amu hpa hpe mung ja ja galaw u.

MAHTE 10:16

“Madat mu! chyahkyawn ni a ka-ang de sagu hpe zawn, ngai nanhte hpe shangun dat made ai. Dai rai nna nanhte gaw lapu zawn hpaji rawng nna hkrudu zawn myit sumnung shingdi nga mu.

LUKA 14:30

Masha ni mung, ‘Ndai wa gaw, npawt gaw hpang nhtawm, ngut hkra n di lu nu ai,’ nga nna mu ai ni yawng shi hpe mani kau na ma ra ai.

YAWHAN 9:4

Shani ninghtoi naw rai nga dingsa gaw, ngai hpe shangun dat ai wa a magam amu hpe anhte gun hpai nga lu na rai nga ai. Kadai mung amu n gun n hpai lu ai shana ahkying du na ra ai.