NEHEMIA 6:10 - Jinghpaw Common Language Bible 2009

¹⁰ Dai aten daram hta, ngai gaw Mehetabela a kashu, Delaia a kasha Shemaia ngu ai, nta shinggan de n pru hkawm sa lu ai wa hpang de sa chyai nngai. Shi gaw ngai hpe, “Nang hte ngai rau sha Nawku Htingnu a chyoi pra ai shara hta sa makoi gyem nna chyinghka ni hpe la da ga. Hpa majaw nga yang, shanhte nang hpe sa sat na mara ai; shanhte gaw nang hpe galoi shana rai tim sa sat kau na mara ai,” ngu nna tsun wu ai.

Jinghpaw Hanson Version Bible

¹⁰ Dai hpang ngai gaw, Mehetabela kashu, Delaia kasha Shemaia nta hta shang nngai: shi gaw nta hta up rawng nga ai; shaloi shi gaw, “Karai Kasang a nta, nawku Htingnu kata de, an hkrum ga, nawku Htingnu chyinghka ni hpe la da ga: shanhte nang hpe sa sat na ma ai; gaja wa dai na e pyi sa sat na mara ai,” nga nna ngai hpe tsun ai.

NEHEMIA 6:10 Iomraidhean Croise

1 HKAWHKAM 6:5

Nawku Htingnu a makau grup grup hte shingdu maga gaw shinggan shakum ni hte man hkrum rai nga nna htap masum di nna gap matut da nga ai; htap shagu pe 7 chyen tsaw nga ai.

2 HKAWHKAM 11:3

Ya Hkawhkam Ahtalia gaw dai mung hpe up nga yang, Yehosheba gaw dai ma hpe Nawku Htingnu kata makoi da ai shara hta kru ning tup yu lanu lahku ai hte bau maka da wu ai.

2 HKAWHKAM 9:8

Ahab a dinghku masha ni yawng hte shi a amyu matu ni si na rai mu ai; shi a dinghku kata na la sha kaji kaba n nga yawng hte hpe yeng seng kau na nngai.

2 HKAWHKAM LABAU 28:24

Dai hta kaga, shi gaw Nawku Htingnu na arung arai ni yawng hpe la nna, agrawp shadaw kau nhtawm Nawku Htingnu pat kau wu ai. Yerusalem mare daw shagu hkan tawn hkungri ni hpe sharawt tawn da wu ai.

2 HKAWHKAM LABAU 29:3

Hezekia hkawhkam tai wa ai shaning a shawng na shata hta, Nawku Htingnu chyinghka ni bai hpaw nhtawm dai ni hpe gram lajang da wu ai.

2 HKAWHKAM LABAU 29:7

Shanhte gaw Nawku Htingnu Chyinghka ni hpe la da nna, pyengdin ni n shatu, manam pyaw ai baw n nat, Karai Kasang a Nawku Htingnu hta wan nat hkungga mung n nawng ya nga ma ai.

EZRA 10:31

Harim amyu lakung hta na: Eleize, Ishiya, Malhkiya, Shemaia, Shimeon, Benyamin, Maluk hte Shemaria hte rai nga ai.

EZRA 8:16

Ngai gaw ningbaw jahku hpe shangun dat nngai: shanhte gaw Elieza, Ariela, Shemaia, Elnahtan, Yarib, Elnahtan, Nahtan, Zehkaria, Meshulam, sara lahkawng rai nga ai Yoiarib yan Elnahtan ni rai ma ai.

NEHEMIA 6:12

Ngai gaw dai lam hpe myit sawn yu yang, Karai Kasang gaw Shemaia hpe tsun ai n rai; ngai hpe mahtang ndai sadi jaw na matu Tobia hte Sanbalat yan mahtang shi hpe mayun kumhpa jaw da nga ai majaw rai nga ai hpe ngai dum chye we ai.

SHAKAWN KUNGDAWN 12:2

Shanhte yawng hte gaw shada da masu ga tsun ma ai; shanhte gaw shada da abawk ai ga hte hkalem nga ma ai.

SHAKAWN KUNGDAWN 37:12

N hkru n shawp ai masha wa gaw mai kaja ai masha wa hpe n kaja ai hku maw mawn nna shi hpe n ju n dawng ai myi hte yu azi da nga ai.

GA SHAGAWP 11:9

Karai kata masha ni a tsun shaga ai ga hte nanhte hten run lu nga myit ti mung; ding hpring ai wa a hpaji byeng-ya gaw nanhte hpe hkrang shaw la lu nga ai.

YEREMIA 36:5

Dai hpang, ngai gaw Baruk hpe lawu de na matsun maroi ga ni hpe tsun dan ni ai: “Ngai gaw Nawku Htingnu kata de shang na ahkang loi mi mung n lu nngai.

EZEKELA 3:24

Rai ti mung, Karai Kasang a wenyi gaw ngai hta shang nna ngai hpe tsap shangun nga ai. Dai Madu gaw ngai hpe, “Nta de wa nna kata e rawng nga u.

MALAHKI 1:10

Chyahtum Chyalai N-gun rawng ai dai Madu gaw, “Nye a tawn hkungri ntsa e akyu n rawng ai wan n sa shachyi lu myit ga, nanhte hta na marai langai ngai Nawku Htingnu chyinghka ni hpe la kau wu ga, ngai ra sharawng nga nngai. Ngai nanhte hpe n ra nngai; nanhte ngai hpang de la sa ai shagu hkungga ni hpe ngai hkap la na n rai.

MAHTE 7:15

“Nanhte kaw sa du ai ntsa de sagu hpyi hpun tawn nna kata de amya sha na myit rawng ai chyahkyawn matse hte bung ai myihtoi masu ni hpe sadi let koi kau nga mu.

YAWHAN 3:20

Hpa majaw nga yang, n shawp n kap ai amu ni hpe galaw ai wa kadai mung, nhtoi hpe n dawng n wawm nga ai rai nna, tinang a n hkru n shawp ai amu ni dan dawng mat na tsang ai majaw, nhtoi de n sit wa ma ai.

KASA 21:30

Mare ting kabring kabrawng rai wa nna, shawa ni gat gumbawm bang wa ma ai hte Pawlu hpe rim ahkyik garawt la nhtawm htingnu shinggan de dun shapraw mat wa ma ai. Dai shaloi jang Nawku Htingnu chyinghka ni hpe la kau ma ai.