NEHEMIA 5:9 - Jinghpaw Common Language Bible 2009

⁹ Dai hpang ngai gaw, “Nanhte galaw nga myit dai amu gaw shut nga a hka! Nanhte gaw Karai Kasang a ga hpe madat mara nna, jaw ai amu galaw ang myit dai. Anhte hpe mara kata asawng asang di na matu anhte a gumlau hpyen ni hte tara maigan masha ni a lata de n mai ap ya na myit dai.

Jinghpaw Hanson Version Bible

⁹ Bai ngai gaw, “Nanhte galaw ai lam n mai nga ai: anhte hpe hpyen ai maigan masha ni a man e, anhte a Karai Kasang hpe hkrit hkungga ai myit hte, mai hkawm nga ai, n rai ni?

NEHEMIA 5:9 Iomraidhean Croise

NINGPAWT NINGHPANG 20:11

Abraham gaw, “Ndai yang e Karai Kasang hpe hkrit ai masha kadai mung n nga ai; nye madu jan hpe woi la lu na matu, ngai hpe sat kau na mu ai, ngu ngai myit nawn kau nngai.

NINGPAWT NINGHPANG 42:18

Masum ya du ai shani hta Yosep gaw shanhte hpe, “Ngai gaw Karai Kasang hpe hkrit kamyin ai wa rai nga nngai. Dai rai nna mabyin lam langai mi a ntsa hta ngai nanhte a asak hpe jahkrung da ya na made ai rai nna ning di mu:

2 SAMUELA 12:14

Rai ti mung, nang ndai amu galaw let dai Madu hpe ndai zawn n gawn n sawn re ai amu madun dan nit dai majaw, na a kasha gaw si lu na rai nga ai,” ngu nna tsun htang wu ai.

NEHEMIA 4:4

Ngai gaw, “O Karai Kasang e, anhte hpe asawng asang di mi ai ga madat u! Shanhte a shatan nhkan ga shanhte a baw ntsa e nan hkrat shangun u. Shanhte lu ai arai magup sumhpa kashun kashe ai hkrum nna, maigan mung de bawng rim woi la ai hkrum shangun u.

NEHEMIA 5:10

Ngai chyawm gaw amyu masha ni hpe ngai kaw nna gumhpraw hte nai mam hkoi la shangun mawe ai; dai rai nna, nye a manaw manang ni hte nye a matu amu galaw ya ai masha ni mung hkam la lu ma ai. Dai re ai gaw, ya anhte yawng hka hpyi hkat ai amu hpe kau da saga.

NEHEMIA 5:15

Nye a shawng e rung dung ai munggyi shagu gaw amyu masha ni hpe lit li gun shangun ma ai rai nna, lusha hte sabyi ntsin a matu lani mi gumhpraw dengga mali shi shi hpyi la ya ma ai. Shanhte a shangun ma ni du hkra, amyu masha ni hpe dip gamyet sha lai wa masai. Rai ti mung ngai gaw Karai Kasang hpe shagrau sha-a nngai majaw dai hte shai ai hku ngai galaw nngai.

SHAKAWN KUNGDAWN 90:11

Na a n-gun hte hpring ai pawt sindawng ai hpe kadai wa hkam sha yu nga a ni? na a ja la ai masin kahtet ai lam gaw kade daram hkrit kahpra shangun nga ai hpe kadai wa chye ya lu nga a ni?

GA SHAGAWP 16:29

Kashun kashe du daw sai hkaw myit rawng ai masha ni gaw shanhte a manang ni hpe masu hkalem nna, tsin-yam tsindam de woi lau sa wa nga ma ai.

GA SHAGAWP 17:26

Mara n kap ai masha wa hpe shawa sha na, lam n jaw nga ai myit malang ai masha ni daw dan ari jaw hkrum ai shaloi, teng man ai tara lam yit mat nga ai.

GA SHAGAWP 18:5

Mara lu ai wa hpe myi man tau ya na n ang nga ai; mara n kap ai wa hpe tara dara ai hta sum shangun na n mai nga ai.

GA SHAGAWP 19:2

Myit katu sharawng ai lam hta hpaji byeng-ya n lawm yang, n kaja nga ai; n hkam sharang lu ai gaw ru yak tsin-yam de woi bang wa na ra ai.

GA SHAGAWP 24:23

Hpaji rawng ai masha ni ndai lam ni hpe mung tsun da nga masai; Tara agyi wa myi man lata ai lam gaw shut ai amu rai nga ai.

EZEKELA 36:20

Shanhte shara shagu de du hkawm mat wa yang, ‘Ndai ni gaw dai Madu a amyu masha ni rai nga ma ai, rai ti mung shanhte gaw shi a mungdan kaw nna pru wa nga masai,’ ngu nna masha amyu ni tsun ma ai majaw, shanhte gaw nye a chyoi pra ai mying ningsang hpe jahten kau ya nga ma ai.

JAW JAU 25:36

Shi kaw na atu amyat la lu na n rai; na a Israela hpu nau wa nang hte ani sha nga lu hkra, Karai Kasang a ga hpe madat mara hkan sa na rai myit dai.

KASA 9:31

Dai majaw dai aten hte yang Yuda mung Galile mung hte Samari mung shara magup hkan e nga ai hpung gaw zingri zingrat n hkrum ai angwi apyaw sha nga lu nga ma ai. Dai hpung gaw Karai Kasang hpe hkrit hkungga ai myit hte asak hkrung shamu shamawt nna Chyoi pra ai Wenyi a karum madi shadaw ai hte ngang kang grin nga ai rai nna hpung masha ni law htam wa ma ai.

ROMA 2:24

Dai Chyum Laika hta, “Karai Kasang a mying nsang gaw nanhte Yuda ni a majaw maigan amyu ni hta jahpoi asawng ai hkrum nga ai,” nga nna tsun nga ai.

1 TIMOHTI 5:14

Dai rai nna hpyen ni gaw anhte a lam n kaja ai hku tsun na lam ginjang n nga hkra aprat kaji ai gaida jan ni gaw hkungran nna kashu kasha shangai ai hte shanhte a kun dinghku ni hpe yu lajang nga na hpe ngai grau ra sharawng nga nngai.

TITU 2:5

Sumnung shingdi nna sari sadang rawng ai, san seng ai dinghku num kaja tai nna tinang a madu wa hkang ai hku hkan ai ni rai lu na matu sharin shakyang ya lu na ma ai.

1 PETRU 2:12

Tara maigan de na ni nanhte hpe n hkru n kaja ai lam galaw ai ni re ngu nna shadu myit yang, nanhte a kaja ai amu mu lu nna dai Madu bai du sa ai Nhtoi hta Karai Kasang hpe shakawn shagrau mu ga, nanhte gaw shanhte a man e nanhte a arawn alai lam hta tsawm htap kup tsup nga myit ga law.

1 SAMUELA 2:24

Ngai sha yan e, dai zawn re ai lam hpe jahkring kau manu! Ya dai Madu a amyu masha ni tsun kajai nga ai lam gaw hkrit kajawng hpa amu she rai nga ai!