NEHEMIA 5:4 - Jinghpaw Common Language Bible 2009

⁴ Kaga ni mung, “Anhte a yi sun ni hte sabyi sun ni hte seng ai hkawhkam hkanse bang na matu, gumhpraw hkoi la shajang saga ai.

Jinghpaw Hanson Version Bible

⁴ Bai nkau mi gaw, “Hkawhkam wa hpe hkanse jaw na matu, anhte gaw, yi hkauna ni hte tsabyi sun ni a malai, gumhpraw hkoi la saga ai.

NEHEMIA 5:4 Iomraidhean Croise

EZRA 4:13

Anhte a madu hkawhkam e, ndai mare hpe bai de da nna de a bunghku ni ngut wa jang, amyu masha ni ahkun hkanse bang ai hpe jahkring kau na mara ai shaloi, hkawhkam hte seng ai ahkun banda yawm mat na ra ai.

EZRA 4:20

Daru magam n-gun rawng ai hkawhkam ni dai yang e hkaw dung nna Uhprat a Sinna maga a mungdaw ting hpe up hkang let, ahkun hkanse ni lahkawn la yu nga masai.

EZRA 7:24

Hkinjawng ni, Lewi masha ni, mahkawn mangoi ai ni, sin langa ni, amu galaw masha ni hte ndai Nawku Htingnu hte matut mahkai nga ai kadai kaw na mung ahkun hkanse n lahkawn la lu na rai ndai.

NEHEMIA 5:3

Kaga ni gaw, “Lusha n kyet mat hkra, nai mam alaw alam lu la na matu, tinang a yi sun, sabyi sun ni hte dum nta ni hpe tang kau saga ai,” ngu nna tsun ma ai.

NEHEMIA 9:37

Anhte yubak galaw shut kau saga ai majaw anhte hpe nang up shangun ai hkawhkam ni mahtang mungdan kaw na shapraw ai sut rai lu la nga ma ai. Shanhte gaw anhte hte anhte a yam nga hpung ni hpe shanhte myit ra ai hku galaw ma ai, anhte gaw ja ja yawn hkyen ai hkrum shajang saga hka!”

GA SHAGAWP 22:7

Matsan mayan re ai masha ni gaw sut su ai masha ni a mayam ni rai nga ma ai; gumhpraw hkoi la ai rai yang, nang gaw hkoi ya ai wa a mayam rai nga ndai.

YAWSHU 16:10

Rai ti mung, Gezera mare e nga ai Hkanani masha ni hpe shanhte n gawt shapraw kau mu ai rai nna, dai ni du hkra Ehprim kashu kasha ni hta Hkanani masha ni nga nga ma ai; rai ti mung shanhte gaw mayam shatai hkrum nga ma ai.