NEHEMIA 5:16 - Jinghpaw Common Language Bible 2009

¹⁶ Ngai gaw bunghku bai gaw gap ai amu hta nye a n-gun atsam yawng bang nngai ai majaw hpa sut gan mung n hpyi lajin yu nngai. Nye a matu nga nna amu galaw ai masha shagu hte gaw bai gaw gap ai amu hta jawm shang galaw nga ma ai.

Jinghpaw Hanson Version Bible

¹⁶ Gaja wa bunghku kum na amu hta ngai dinggrin nga nna, lamu ga n mari nngai. Nye a mayam ni mahkra mung dai amu hta jawm galaw ma ai.

NEHEMIA 5:16 Iomraidhean Croise

NEHEMIA 5:15

Nye a shawng e rung dung ai munggyi shagu gaw amyu masha ni hpe lit li gun shangun ma ai rai nna, lusha hte sabyi ntsin a matu lani mi gumhpraw dengga mali shi shi hpyi la ya ma ai. Shanhte a shangun ma ni du hkra, amyu masha ni hpe dip gamyet sha lai wa masai. Rai ti mung ngai gaw Karai Kasang hpe shagrau sha-a nngai majaw dai hte shai ai hku ngai galaw nngai.

NEHEMIA 5:17

Kaga grup yin mungdan de na ngai kaw du sa ai masha amyu ni yawng hta kaga, Yuda amyu masha ni hte shanhte a ningbaw ni latsa manga shi hte gaw nye a sha ku hta man man jaw sha nga nngai.

BU HKAWM 16:15

Mawshe gaw masin pawt ai hte dai Madu hpe, “Ndai masha ni la sa ai hkungga hpa hpe mung hkum hkap la ya et; ngai shanhte hte hpa mara mung n galaw shut yu nngai; shanhte a lawze langai mi hpe pyi n la yu nngai,” ngu nna tsun wu ai.

LUKA 8:15

Ga sau kaja ai hta hkrat ai nli tum ni gaw, dai mungga hpe na la nhtawm, kaja ai hte madat mara ai myit masin kraw lawng hta lashum lanoi rai nna asi si ai ten du hkra hkam sharang ai ni hpe ngu ai rai nga ai.”

ROMA 2:7

Masha nkau mi gaw kaja ai amu galaw nga let, hpung shingkang hpe mung, arawng sadang hpe mung, n si n mat ai asak hkrung lam hpe mung tam nga ma ai; Dai ni hpe Karai Kasang htani htana asak jaw na ra ai.

1 KORINHTU 15:58

Dai re ai majaw, ngai tsaw ngai ra ai hpu nau ni e, ngang ngang kang kang dinggrin dingyang tsap nga mu. Madu a bungli gun hpai ai lam gaw galoi mung kaman lila n rai nga ai hpe nanhte dum chye nga let, dai Madu a bungli hta tut nawng e tsam mari shakut sharang gun hpai nga mu law.

GALATI 6:9

Dai rai nna kaja ai amu galaw na anhte n hki n sang nga ga; hpa majaw nga yang, anhte myit n yaw, myit n daw ga yang gaw, aten ladaw du jang anhte dan la na raga ai.