NEHEMIA 5:11 - Jinghpaw Common Language Bible 2009

¹¹ Shanhte nanhte hpe jaw ra ai gumhpraw, nai mam, sabyi hte tsanlun sau re ai hka ni yawng hpe shaprai kau ya ga, shing rai shanhte hpe shanhte a yi sun ni, sabyi sun ni, tsanlun sau ni hte dum nta ni hpe kalang lata bai nhtang ya mu!,” ngu nna tsun we ai.

Jinghpaw Hanson Version Bible

¹¹ Shanhte a yi hkauna ni, tsabyi sun ni, tsanlun sun ni hte dum nta ni hpe mung, shanhte kaw na lahkawn la ai gumhpraw, nai mam, tsabyi jahku, asau ni hpe mung, dai ni jang htam latsa hta htammi nhtang ya mu,” ngu mu ai.

NEHEMIA 5:11 Iomraidhean Croise

2 SAMUELA 12:6

Dai zawn n hkru ai amu hpe shi galaw kau nu ai majaw shi la kau ya ai daram hpe htam mali nhtang wa lu na rai wu ai,” ngu nna tsun wu ai.

NEHEMIA 5:10

Ngai chyawm gaw amyu masha ni hpe ngai kaw nna gumhpraw hte nai mam hkoi la shangun mawe ai; dai rai nna, nye a manaw manang ni hte nye a matu amu galaw ya ai masha ni mung hkam la lu ma ai. Dai re ai gaw, ya anhte yawng hka hpyi hkat ai amu hpe kau da saga.

NEHEMIA 5:12

Ningbaw ni gaw, “Nang tsun ai hte maren, anhte hkan galaw na ga ai. Anhte gaw hka ni hpe n hkan lahkawn la sai sha, sut rai ni hpe nhtang jaw na ga ai,” ngu nna tsun htang ma ai. Shanhte tawn da sai ga sadi hpe shatup na nga hkinjawng ni hpe ngai shaga la ai hte shanhte a man e ningbaw ni hpe dagam shangun se ai.

ESAIA 58:6

“Ngai ra sharawng ai lusha gam lai gaw ndai hku rai nga ai: Dip gamyet sha tawn ai saidawng sumri hte n teng n man ai a kandang sumri ni hpe raw kau mu; dip gamyet sha hkrum ai ni lawt lu mu ga.

LUKA 3:8

Dai majaw nanhte a yubak mara ni kaw na myit malai kayin wa sai ngu nna tsun lu hkra re ai lam hkan sa galaw mu. Abraham gaw anhte a ji wa rai nga ai, nga nna nanhte shada da hkum tsun myit; nanhte hpe ngai tsun made ga, Karai Kasang gaw ndai nlung ni hpe la nna shi a matu kashu kasha ni hpe hpan shapraw dat lu ai.

TARA JAHPRANG 6:11

nang n tam bang ai gun rai ni hte hpring chyat nga ai nta ni, nang n tawk htu ai hka htung ni, nang n hkai tawn ai sabyi sun, tsanlun sun ni, shi nang hpe jaw na rin dai. Dai Madu nang hpe dai mungdan de woi shang wa nna nang sha mayu ai yawng hkam la lu ai shaloi,

1 SAMUELA 12:3

Ngai gaw nang e nga nga nngai. Ngai gaw lama ma hpe sha pyi galaw shut kau yu ni ai rai yang, ya dai Madu a man e mung, shi lata san da nu ai hkawhkam wa a man e mung ngai hpe mara shagun mi. Kade a dumsu kanu, shing n rai lawze hpe ngai la kau yu a ta? Kadai hpe maw sha yu a ta? Kadai wa hpe dip gamyet sha yu a ta? Kadai kaw na mayun kumhpa hkap la yu a ta? Ndai zawn re ai amu ni hta na langai ngai hpe ngai galaw shut kau ai rai yang, ngai la kau ya ai made, ngai bai nhtang jaw made ga,” ngu nna tsun wu ai.