NEHEMIA 5:10 - Jinghpaw Common Language Bible 2009

¹⁰ Ngai chyawm gaw amyu masha ni hpe ngai kaw nna gumhpraw hte nai mam hkoi la shangun mawe ai; dai rai nna, nye a manaw manang ni hte nye a matu amu galaw ya ai masha ni mung hkam la lu ma ai. Dai re ai gaw, ya anhte yawng hka hpyi hkat ai amu hpe kau da saga.

Jinghpaw Hanson Version Bible

¹⁰ Ngai mung ngai hpu ngai nau ni mung, nye a mayam ni mung, shanhte hpe gumhpraw hte nai mam hkoi ya nga ai. Ning rai amyat sha ai lam kau da ga.

NEHEMIA 5:10 Iomraidhean Croise

NEHEMIA 10:32

Anhte gaw shaning shagu Nawku Htingnu hta jai lang na matu gumhpraw awng za langai a htam matsat hta na htam mi jaw na ga ai.

NEHEMIA 5:11

Shanhte nanhte hpe jaw ra ai gumhpraw, nai mam, sabyi hte tsanlun sau re ai hka ni yawng hpe shaprai kau ya ga, shing rai shanhte hpe shanhte a yi sun ni, sabyi sun ni, tsanlun sau ni hte dum nta ni hpe kalang lata bai nhtang ya mu!,” ngu nna tsun we ai.

NEHEMIA 5:7

dai amu jum na matu myit jahkut da nngai. Ngai mung amyu masha ni a ningbaw ni hte du salang ni hpe, “Nanhte gaw nanhte a kahpu kanau ni hpe dip gamyet sha nga myit hka!,” ngu nna shanhte hpe daru kau nngai. Ngai gaw manghkang dai hpe hpyan ya na matu shawa hpawng hpe shaga la nna,

NEHEMIA 5:9

Dai hpang ngai gaw, “Nanhte galaw nga myit dai amu gaw shut nga a hka! Nanhte gaw Karai Kasang a ga hpe madat mara nna, jaw ai amu galaw ang myit dai. Anhte hpe mara kata asawng asang di na matu anhte a gumlau hpyen ni hte tara maigan masha ni a lata de n mai ap ya na myit dai.

SHAKAWN KUNGDAWN 15:5

Shi gaw amyat n la ai sha, hkoi ya ai hte mara n kap ai wa hpe masu ai sakse tai ya na matu mayun kumhpa hpe jaw tim hkap la na wa n rai. Ndai lam ni hpe galaw shadik ai ni kadai mung tut nawng e shim nga na mara ai.

ESAIA 58:6

“Ngai ra sharawng ai lusha gam lai gaw ndai hku rai nga ai: Dip gamyet sha tawn ai saidawng sumri hte n teng n man ai a kandang sumri ni hpe raw kau mu; dip gamyet sha hkrum ai ni lawt lu mu ga.

EZEKELA 18:13

amyat a matu gumhpraw hkoi sha nga ai. Shi hkrung nga na rai nga a ni? N rai law, shi hkrung nga lu na ra ai n rai. Shi gaw ndai matsat shabat amu ni yawng hpe galaw nu ai majaw, shi si na rai wu ai. Shi gaw shi a si hkrung si htan a matu shi nan mara shagun hkrum na ra ai.

EZEKELA 18:7

Shi gaw kadai hpe mung mawp sha ai hte kashun kashe amu galaw nga ai n rai. Arai hkoi shap la ai wa shi hpe tang da ai arai jaw yang, shi bai nhtang ap ya nga ai; shi gaw kawsi hpang gara ai wa hpe lusha jaw nna, singgu krin re ai wa hpe hpun palawng gam ya nga ai.

EZEKELA 18:8

Shi gaw amyat lu na matu gumhpraw n hkoi sha nga ai. Shi gaw n hkru ai amu galaw na matu ningdang kau nna, ndang kalang ai amu hta teng man ai daw dan lam jaw ya nga ai.

MIHKA 2:1

Masu magaw ga tsun ai ni hte n kaja ai hku maw mawn nga ai ni a matu dai gaw kade sha hkrit hpa rai nga a hka! Shanhte gaw ahkaw ahkang pru wa ai hte rau, jahpawt nhtoi htoi wa yang shanhte maw mawn da ai n hkru n kaja ai amu ni hpe galaw ma ai.

2 KORINHTU 5:11

Anhte gaw dai Madu hpe hkrit kang ai ngu ai hpa rai nga ai hpe chye ga ai majaw kaga masha ni hpe lau la lu na matu shakut shaja ga ai. Karai Kasang anhte a lam akri akrai chye nga ai, nanhte mung nanhte a myit masin ni hta nye a lam atsawm sha chye nga myit dai ngu nna ngai myit mada nga nngai.

2 KORINHTU 5:20

Dai rai nna anhte gaw Hkristu a lam htinglet ya ai kasa ni tai let, Karai Kasang shi nan anhte a n-gup aga hku nna nanhte hpe lajin nga ai. Nanhte gaw shi hpe hpyen ai ni tai nga ai kaw nna shi a jinghku ni tai wa mu ngu, Hkristu a malai anhte hpyi nem nga ga ai.

2 KORINHTU 6:1

Nanhte gaw Karai Kasang a chyeju hkam la ai ni rai nga myit dai hte maren dai chyeju hpe lahpawt lama n di kau myit ga, anhte Karai Kasang a shingdep shingtau ni hku nna nanhte hpe hpyi lajin dat ga ai.

TARA JAHPRANG 15:2

Ndai gaw kaning rai galaw na lam rai nga ai. Israela hpu nau wa hpe gumhpraw hkoi ya ai wa kadai mung dai hka hpe shaprai kau ya na rai nga ai; Dai Madu nan gumhpraw hka shaprai ya na tsun da nu ai majaw hka madu wa gaw dai kap nga ai gumhpraw hka hkan ji la lu na n rai.