NEHEMIA 4:9 - Jinghpaw Common Language Bible 2009

⁹ rai ti mung anhte gaw anhte a Karai Kasang kaw akyu hpyi ga ai hte shani shana sin langa masha ni hpe tawn da ga ai.

Jinghpaw Hanson Version Bible

⁹ Rai timung anhte gaw, anhte a Karai Kasang hpe akyu hpyi let, shanhte a majaw, shani shana sin langa tawn da ga ai.

NEHEMIA 4:9 Iomraidhean Croise

NINGPAWT NINGHPANG 32:28

Dai masha wa gaw, “Na a mying Yaku ngu lu sana n rai. Nang gaw Karai Kasang hte mung, masha ni hte mung malan da ting hkat ai hte dang kau nit dai; dai rai nna na a amying Israela rai na lit dai,” ngu nna tsun wu ai.

NEHEMIA 4:10

Yuda amyu masha ni gaw shanhte mahkawn ai mahkawn mangoi ga langai lu ma ai: dai gaw, “Anhte gaw lit ni gun hpai nga ga ai majaw n-gun yawm ga ai; Htawm kau na shanut sumpum grai law nga ai. Dai ni, ndai bunghku hpe anhte kaning rai gaw gap lu na ga ta?”

NEHEMIA 4:11

Anhte a gumlau hpyen ni mung, anhte hpa byin nga sai hpe n mu, n chye nga ai laman, shanhte anhte hpang de sa nna, anhte hpe sat kau nhtawm anhte a amu hpe jahtum kau shangun lu na re zawn myit nawn da ma ai.

YOBA 5:12

Hkalem hkalau chye ai masha ni a maw mawn lam ni hpe shi shanut kau ya nna shanhte galaw na shatawng shada ai amu hta hpaji rawng ai masha ni hpe mahkam hkam nga ai, shanhte galaw ai amu hpa mung awng dang na n rai,

SHAKAWN KUNGDAWN 33:10

Dai Madu gaw masha amyu baw ni a shatawng shada ai lam ni hpe shanut kau ya nga ai; shanhte a maw mawn ai lam ni n awng dang u ga, shi shanhte hpe hkum shingdang da nga ai.

SHAKAWN KUNGDAWN 50:15

Ru tsang hkrum ai shaloi, ngai hpe shaga e, ngai nang hpe hkye hkrang la na nngai; shing rai, nang ngai hpe shakawn na rin dai,” nga ai.

GA SHAGAWP 22:12

Dai Madu gaw masu magaw ga ni hpe shut ai sakse shatai ai hku nna teng man ai lam hpe shangang shakang ya nga ai.

MAHTE 26:41

Agung alau ai n hkrum myit ga, maja nga ai hte akyu hpyi nga mu; Wenyi gaw teng man ai Karai Kasang a myit ra ai hku galaw mayu nga ai, hkum shan mahtang n-gun kya nga ai,” ngu mu ai.

LUKA 21:36

Nanhte gaw dai byin wa na ra ai lam ni yawng hpe lai di nna lawt lu na n-gun atsam lu la myit ga hte Masha Kasha a man e tara daw dan hkam na matu tsap lu ging ai ni tai lu myit ga akyu hpyi nga let amaja nga mu,” ngu mu ai.

1 PETRU 5:8

Nanhte htauli htaula rai nga mu! Nanhte a hpyen wa ngu ai Satan gaw, kadai hpe kawa mayu sha kau lu na i? nga nna shabam ai hkanghkyi zawn ningwan hkawm nga ai.