NEHEMIA 4:7 - Jinghpaw Common Language Bible 2009

⁷ Anhte mung Yerusalem mare bunghku gaw ai lam hte waw malawng mat ai bunghku ni hpe bai pat shachyip ai lam hta gaw sharawt da lu saga ai hpe Sanbalat, Tobia yan hte Arab, Amon hte Ashdod masha ni na jang, shanhte masin grai pawt ma ai.

Jinghpaw Hanson Version Bible

⁷ Dai hpang, Yerusalem a bunghku kum ai byin wa ai hte, de a waw malawng mat ai hpe pat shachyip kau ai lam, Sanbalat, Tobia, Arabi masha ni, Ammon masha ni hte Ashdod masha ni na ma yang, shanhte ja ja pawt bu nga ma ai rai nna,

NEHEMIA 4:7 Iomraidhean Croise

NINGPAWT NINGHPANG 3:15

Ngai gaw nang hte shinggyim numsha a lapran hta mung, na a amyu matu hte shi a myu matu hpe mung n ju n dawng shangun nna galoi mung gumlau hpyen atai shangun nga na nngai. Shi a amyu matu gaw na a baw hpe abrep nna nang mung shanhte a lahtin hpe achye na ra ai,” ngu nna tsun wu ai.

2 HKAWHKAM 24:2

Dai Madu gaw shi a shangun ma myihtoi ni a n-gup aga hte tsun sai hte maren, Yehoiakim hpe ninghkap nna Yuda mung hpe shamyit kau na matu Babelon hpyen hpung mi, Suri masha hpyen hpung mi, Moba masha hpyen hpung mi hte Amon masha hpyen hpung ni hpe dai Madu shangun dat wu ai.

2 HKAWHKAM LABAU 20:1

Ya aten ram ram na ai hpang, Moba hte Amon hpyen luksuk ni gaw shanhte a myit hkrum manang Meuni masha ni hte rau Yuda mung hpe shang gasat ma ai.

EZRA 5:8

“Anhte gaw Yuda mungdaw de sa nna galu kaba ai Karai Kasang a Nawku Htingnu galaw nga ai nlung tawng kaba ni hte bunghku hpunngau ni hte bai gaw da nga ma ai hpe mu saga ai. Dai amu hpe sadi sahka myit hte galaw nna angwi ngwi sha kaba wa nga sai gaw madu hkawhkam chye ang nga ndai.

NEHEMIA 2:10

Rai ti mung, Israela amyu masha ni a matu mai kaja ai amu galaw na marai langai mi sa wa sai lam, Bet Horon mare na Sanbalat hte Amon mungdaw a du Tobia yan na ma ai shaloi, shan nachying masin pawt nga ma ai.

NEHEMIA 2:19

Ya anhte galaw sa wa na lam hpe Sanbalat, Tobia hte Geshem mying ai Arab masha langai ni na jang, anhte hpe mani asawng let, “Hpa lam myit lu nna nanhte galaw nga myit ni? Hkawseng wa hpe nanhte gumlau nga myit ni?,” ngu nna tsun mi ai.

NEHEMIA 4:1

Anhte Yuda masha ni bunghku bai galaw hpang da lu saga ai lam hpe Sanbalat na wu ai shaloi, shi ja ja masin pawt ai hte anhte hpe asawng asang di hpang nga mi ai.

NEHEMIA 4:6

Dai rai nna anhte gaw bunghku hpe bai matut gaw da ga ai; amyu masha ni mung myit katu ai hte galaw ma ai majaw kade n na yang tsaw de ka-ang hkup ngut wa sai.

NEHEMIA 4:8

Dai re ai majaw shanhte yawng Yerusalem de sa htim gasat nna kashuk kashak shabyin dat na nga, rau bawng jahkrum masai,

NEHEMIA 6:16

Ndai lam hpe grup yin amyu baw ni hkan nga ai anhte a gumlau hpyen ni na mu yang, Karai Kasang karum la ai a jaw e, bungli galaw la sai hpe masha shagu chye wa ma ai; shanhte myi man sum mat nga masai hpe dum chye wa ma ai.

YEREMIA 41:10

Dai hpang, shi gaw hkawhkam wa a shayi sha ni hte Gedalia a up hkang ai npu hta taw nga na matu hpyen du Nebuzaradan hkang da ai hte maren Mizpa mare hta naw ngam nga ai amyu masha ni mahkra hte hpe, woi wa shangun wu ai. Ishmaela gaw shanhte hpe bawng masha hku rim woi wa ai hte Amon mung maga de rawt sa mat wa nga ma ai.

AMO LAIKA (AMOS) 1:13

Dai Madu gaw, “Amon masha ni lang hte lang yubak galaw shut kau nga masai, dai lam a majaw ngai shanhte hpe teng teng ari jaw na we ai. Shanhte gaw lamu ga maden jat la lu na matu majan gasat ai shaloi Gilead mung na na-um nasin re ai num ni hpe pyi kan ga kau ma ai.

AMO LAIKA (AMOS) 1:8

Ngai gaw Ashdod hte Ashkelon mare ni a mungdu ni hpe tsep kawp la kau na nngai. Ngai gaw Ekron mare hpe ari jaw ai hte ngam nga ai Hpilisti masha ni yawng si mat na mara ai,” ngu nna tsun wu ai.

AMO LAIKA (AMOS) 3:9

Egutu hte Ashdod na hkawhkam htingnu ni hta nga ai ni hpe ning ngu tsun ndau mu: “Samari makau grup yin na kawng ni hta hpawng shinggyin ai hte dai shara na kaba ai kabring kabrawng amu hte shut hpyit kau ai ru hka amu ni hpe yu yu mu.”

KASA 5:33

Kongsi hpawng hta lawm ai ni dai ga na jang shanhte ja ja masin pawt bu nna kasa ni hpe shanhte sat kau mayu da mu ai.

SHINGRAN 12:17

Dai shaloi, baren numraw gaw dai numsha a lam sindawng kahtet nna, numsha a ngam nga ai aru arat ngu ai Karai Kasang a hkang da ai ga hkan nang ai hte Madu Yesu shadan dan ai teng man ai mungga hta kangka ai hte hkan sa ai ni nlang hte hpe gasat kau na matu pru sa mat wa ai.

1 SAMUELA 11:2

Nahasha chyawm gaw, “Ngai gaw masa lam langai hta mahta nna nanhte hte ga shaka tawn da na nngai; masha shagu hte a hkra maga na myi ni hpe ngai malawk kau ya nhtawm, Israela amyu ting hpe jahpoi asawng kau lu na rai myit dai,” ngu nna htan wu ai.