NEHEMIA 4:6 - Jinghpaw Common Language Bible 2009

⁶ Dai rai nna anhte gaw bunghku hpe bai matut gaw da ga ai; amyu masha ni mung myit katu ai hte galaw ma ai majaw kade n na yang tsaw de ka-ang hkup ngut wa sai.

Jinghpaw Hanson Version Bible

⁶ Rai timung anhte gaw mare bunghku hpe gaw da ga ai; mung masha ni shakut sharang nga ai majaw, mare grup yin bunghku matut nna, tsaw de ka-ang hkrawng du hkra sha ngut wa sai.

NEHEMIA 4:6 Iomraidhean Croise

1 HKAWHKAM LABAU 29:14

“Rai tim, lam magup gaw nang kaw na kumhpa hkrai rai nga ai majaw nye a amyu masha ni hte ngai mung n lu jaw nga ga ai. Nang jaw ya nit dai hpe chyu sha anhte htang jaw nga ga ai.

1 HKAWHKAM LABAU 29:3

Karai Kasang a Nawku Htingnu hpe tsaw ra ai majaw ngai jaw ya sai ndai ni yawng hta jan nna, nye a sut gan hta na ja, gumhpraw ni hpe mung ngai ap ya se ai.

2 HKAWHKAM LABAU 29:36

Karai Kasang gaw ndai amu grai lawan ai hku galaw lu hkra, shanhte hpe karum la nga ai majaw, Hezekia hte amyu masha ni kabu gara shajang ma ai.

NEHEMIA 4:5

Shanhte galaw ai n hkru ai amu a matu, mara hkum dat ya et. Shanhte gaw bunghku galaw nga ai anhte hpe n kaw n law di mani ai majaw shanhte a yubak mara ni hpe hkum malap kau et,” ngu nna hpyi se ai.

NEHEMIA 4:7

Anhte mung Yerusalem mare bunghku gaw ai lam hte waw malawng mat ai bunghku ni hpe bai pat shachyip ai lam hta gaw sharawt da lu saga ai hpe Sanbalat, Tobia yan hte Arab, Amon hte Ashdod masha ni na jang, shanhte masin grai pawt ma ai.

NEHEMIA 6:15

Bungli galaw ai nhtoi manga shi lahkawng ya na ai hpang, bunghku mahkra hpe Elula shata hkun manga ya shani e shangut da lu sai.

SHAKAWN KUNGDAWN 110:3

Na gumlau hpyen ni hpe nang htim gasat ai shani e, na a amyu masha ni gaw madu myit hte shang karum wa na mara ai. Jahpawt manap jau jau e, hkrat ai mari zawn, na a brang ram ni nang shanu nga ai chyoi pra ai bum ni de du sa wa na mara ai.

SHAKAWN KUNGDAWN 122:3

Yerusalem mare gaw shi shara hte shara htuk manu, tsawm htap ai hku, bai gaw gap da ai mare rai nga ai.

HAGI 1:14

Dai Madu gaw masha shagu Nawku Htingnu amu galaw na matu Yuda mungdu Zerubabela; Hkinjawng Kaba Yawshu hte bawng dung ai kaw na nhtang wa sai amyu masha ni yawng hpe jasu ya wu ai. Shanhte gaw Chyahtum Chyalai N-gun rawng ai dai Madu shanhte a Karai Kasang a Nawku Htingnu hpe

HPILIPI 2:13

Hpa majaw nga yang Karai Kasang gaw shi a myit ra yaw shada ai lam hta madat mara hkan sa mayu ai myit hte hkan sa shangun lu ai atsam nanhte lu la mu ga Karai Kasang gaw nanhte hta e shachyen shaja nga ai.

HEBRE 13:21

Nanhte gaw shi a myit ra ai lam hkan galaw lu na matu nanhte hta ra kadawn nga ai mai kaja ai lam shagu hpe ngwi pyaw ai Karai Kasang gaw nanhte hpe jaw ya myit ga; Madu gaw shi a myit ra ai hku hte maren, Hkristu a marang e anhte hpe jahkum shatsup ya mi ai. Yesu Hkristu a marang e, shi a sharawng awng ai lam hpe anhte shabyin shatai u ga, Hkristu hta htani htana prat dingsa hpung shingkang anga nga u ga law. Amen.