NEHEMIA 4:2 - Jinghpaw Common Language Bible 2009

² Shi gaw shi a manaw manang ni hte Samari hpyen hpung ni hpe, “Ndai matsan mayan re ai Yuda masha ni shanhte galaw nga ai amu hpe hpa baw zawn nawn nga ma ai kun? Shanhte gaw mare bai gaw gap na matu yaw ma ai kun? Shanhte gaw shagu hkungga ni hpe nawng ya let lani jan hta sha galaw shangut lu na zawn myit nawn da nga ma ai kun? Shanhte gaw hkru mat sai nlung shingyun sumpum ni hta na nlung ni hte kaning rai gaw gap lu na rai ma ta?,” ngu nna tsun wu ai.

Jinghpaw Hanson Version Bible

² Shi a kahpu kanau ni hte Samari hpyen masha ni a man e, shi gaw, “Ndai n-gun kya ai Yuda masha ni hpa galaw nga ma ta? tinang shara hpe shangang da na rai kun? hkungga nawng ya na rai kun? lani jan hta sha shangut na rai kun? hkru hkat mat ai nlung ni hpe shanut shanaw sumpum na jahkrung shapraw lu na rai kun? nga nna tsun ai.

NEHEMIA 4:2 Iomraidhean Croise

EZRA 4:4

Dai hpang, dai mung hta nga nga masai masha ni gaw dai hpe n gap lu hkra nga, Yuda masha ni hpe n-gun shadaw ya ai hte jahkrit shatsang nga ma ai.

NEHEMIA 12:27

Yerusalem mare bunghku ap nawng ya ai shaloi, Lewi masha ni nga nga ai shara kaw nna shanhte hpe jashawn la ma ai shaloi shanhte gaw ap nawng ya ai poi hta chyeju dum ai mahkawn mangoi ni hte rau, shup sheng, tingse ni dum let shang lawm lu ma ai.

NEHEMIA 12:43

Dai shani e, shagu hkungga law law nawng ya ma ai rai nna Karai Kasang gaw shanhte hpe kabu shangun wu ai majaw, amyu masha ni hta kabu gara ai myit hpring nga ai. Numsha ni hte ma kaji ni mung dai poi hta shang lawm nga ma ai rai nna shanhte jahtau ai nsen hpe tsan tsan kaw nna na lu nga ai.

NEHEMIA 4:10

Yuda amyu masha ni gaw shanhte mahkawn ai mahkawn mangoi ga langai lu ma ai: dai gaw, “Anhte gaw lit ni gun hpai nga ga ai majaw n-gun yawm ga ai; Htawm kau na shanut sumpum grai law nga ai. Dai ni, ndai bunghku hpe anhte kaning rai gaw gap lu na ga ta?”

NEHEMIA 6:15

Bungli galaw ai nhtoi manga shi lahkawng ya na ai hpang, bunghku mahkra hpe Elula shata hkun manga ya shani e shangut da lu sai.

SHAKAWN KUNGDAWN 83:4

Shanhte gaw, “Sa marit, shanhte a mungdan hpe anhte jahten kau ya ga: shing rai, Israela amyu ni htani htana malap kau ai hkrum nga mu ga,” nga nna tsun ma ai.

YEREMIA 26:18

“Yuda Hkawhkam Hezekia hkaw dung ai shaloi, Morashi masha myihtoi Mihka gaw amyu masha ni yawng hte hpe myihtoi ga tsun let, Chyahtum Chyalai N-gun Rawng ai dai Madu gaw, ‘Ziun gaw hkauna galau ai zawn, galau kau hkrum na ra ai; Yerusalem gaw ga sumpum tai mat na ra ai, Nawku Htingnu kawng gaw nam maling tai mat na ra ai,’ ngu nna tsun nu ai.

YEREMIA 33:24

“Ndai ngai lata san da sai dinghku amyu lahkawng rai nga ai Israela hte Yuda hpe ngai kau da ni ai nga nna masha ni kade tsun nga ma ai hpe nang myit dum yu nga n ni? Shanhte gaw nye a amyu masha ni hpe n kaw n law rai mada yu ma ai; shanhte hpe amyu langai mi zawn loi mi pyi n myit nawn da ma ai.

Daniela 9:25

Dai hpe matsing da ai hte dai hpe chye tawn u. Yerusalem hpe bai gaw gap na hkang da ai ga pru wa ai aten kaw nna Karai Kasang lata la hkrum ai ningbaw du sa ai aten du hkra sanit ning sanit lang gaw lai mat wa na ra ai. Yerusalem mung mare lam ni hte ngang ai dahpran shara ni hte bai gaw gap da ai gaw shi lahkawng ning sanit lang na na rai nga ai, rai ti mung dai gaw ru yak tsin-yam tsindam hkrum ai aten rai na ra ai.

HABAKU 3:2

O Madu e, nang galaw nit dai amu ni a lam ngai na ni ai, ngai hkrit gari ai hte hpring nga nngai. Ya chyawm gaw anhte a aten ni hta, nang galaw dan sai amu kaba ni hpe kalang mi bai galaw u law. Nang pawt sindawng nga ai shaloi pyi, matsan dum nga u law.

ZEHKARIA 12:8

Dai aten hta dai Madu gaw Yerusalem hta shanu nga ai ni hpe makawp maga ya na ra ai rai nna, shanhte hta na n-gun kya htum ai wa pyi Dawi zawn n-gun ja ai wa tai wa na ra ai. Dawi a amyu matu ni gaw dai Madu a lamu kasa zawn, rai sa Karai Kasang shi hkum nan zawn shanhte hpe lam woi na mara ai.

1 KORINHTU 1:27

Rai ti mung Karai Kasang gaw, dingsang di ai hku nna hpaji byeng-ya rawng ai ni hpe kaya kahpa jahkrum na matu, mungkan e angawk angak re ai ni ngu nna sawn nawn ai ni hpe lata la wu ai; n-gun ja ai ni hpe kaya kahpa jahkrum na matu mungkan ga e n-gun kya ai ni ngu nna sawn nawn ai ni hpe lata la wu ai.