NEHEMIA 4:12 - Jinghpaw Common Language Bible 2009

¹² Rai ti mung anhte a gumlau hpyen ni a lapran hkan nga nga ai Yuda masha ni gaw aten mi hte aten mi anhte a gumlau hpyen ni anhte hpe ninghkap maw mawn na lam sadi sa jaw shajang ma ai.

Jinghpaw Hanson Version Bible

¹² Shanhte a makau e de nga ai Yuda masha ni mung, shara shagu hkan sa nna, “Nanhte gaw anhte hpang de nhtang wa marit,” nga nna shi lang lai hkra anhte hpe tsun mi ai.

NEHEMIA 4:12 Iomraidhean Croise

NINGPAWT NINGHPANG 31:41

Shaning hkun ning ting ngai nang hte rau dai zawn nga kau ni ai. Na shayi sha yan a matu shi mali ning, na a yam nga hpung ni a matu kru ning, ngai galaw jaw kau da se ai. Dai rai tim pyi, nye a shabrai ni hpe shi lang nang galai kau ya nit dai.

NINGPAWT NINGHPANG 31:7

Ti mung, shi mahtang ngai hpe maw sha nna nye a shabrai hpe shi lang galai kau ya ni ai. Rai ti mung ngai hpe jasum machyi shangun na Karai Kasang n hkraw nga ai.

NEHEMIA 4:11

Anhte a gumlau hpyen ni mung, anhte hpa byin nga sai hpe n mu, n chye nga ai laman, shanhte anhte hpang de sa nna, anhte hpe sat kau nhtawm anhte a amu hpe jahtum kau shangun lu na re zawn myit nawn da ma ai.

NEHEMIA 4:13

Dai rai nna, ngai gaw amyu masha ni hpe nhtu, nri hte ndan ni lang shangun nna, garai n lu ngut ai bunghku shingdu e amyu lakung hku hkan nna san da shangun we ai.

YOBA 19:3

Nanhte gaw ngai hpe aten mi hte aten mi n kaw n law di myit dai; nanhte gaw ngai hpe matsa ai hte kaya agam ai lam hpa mung n madun nga myit dai.

Daniela 1:20

Ndai marai mali gaw hkawhkam wa san ai kaning re ai ga san hpe mung, manghkang hpe mung shi a mungdan ting hta nga ai lakle sara ni hte mandan bau ai kadai hta mung htam shi grau nna chye nga ai.

BU HKAWM 14:22

ndai amyu masha ni kadai mung dai mung de shang lu na ma ai n rai, ngu nna ngai ga sadi tawn da nngai. Shanhte mahtang Egutu mung hte nam mali hkan ngai galaw dan sai mauhpa lamik kumla ni hte htoi tu ai nye a hpung shingkang hpe mu lu ma ti mung, nye a galu kaba ai myit hpe shanhte lang hte lang chyam dinglik yu nna nye a ga hpe n madat ya ma ai.