NEHEMIA 4:10 - Jinghpaw Common Language Bible 2009

¹⁰ Yuda amyu masha ni gaw shanhte mahkawn ai mahkawn mangoi ga langai lu ma ai: dai gaw, “Anhte gaw lit ni gun hpai nga ga ai majaw n-gun yawm ga ai; Htawm kau na shanut sumpum grai law nga ai. Dai ni, ndai bunghku hpe anhte kaning rai gaw gap lu na ga ta?”

Jinghpaw Hanson Version Bible

¹⁰ Yuda masha ni mung, lit gun hpai ai ni n-gun yawm wa ai hte shanut shanaw grai law nga ai majaw, mare bunghku hpe n kum lu saga ai, nga ma ai.

NEHEMIA 4:10 Iomraidhean Croise

2 HKAWHKAM LABAU 2:18

Shanhte hta na 70,000 hpe lit gun hpai na matu mung, 80,000 hpe bum ga de nlung tawk na matu mung, 3,600 hpe amu galaw ai ni hpe hkan yu up hkang na matu mung lit shatsam da nga ai.

2 HKAWHKAM LABAU 34:13

Kaga Lewi masha ni gaw arung arai htaw htinglet ya ai amu hpe woi hpareng ai hte kaga bungli amyu myu galaw ai amu galaw masha ni hpe yu reng nga ai. Bai kaga ni mung ka matsing ni hpe kyem mazing ai hte sin langa amu hta daw jau nga ma ai.

NEHEMIA 4:11

Anhte a gumlau hpyen ni mung, anhte hpa byin nga sai hpe n mu, n chye nga ai laman, shanhte anhte hpang de sa nna, anhte hpe sat kau nhtawm anhte a amu hpe jahtum kau shangun lu na re zawn myit nawn da ma ai.

NEHEMIA 4:2

Shi gaw shi a manaw manang ni hte Samari hpyen hpung ni hpe, “Ndai matsan mayan re ai Yuda masha ni shanhte galaw nga ai amu hpe hpa baw zawn nawn nga ma ai kun? Shanhte gaw mare bai gaw gap na matu yaw ma ai kun? Shanhte gaw shagu hkungga ni hpe nawng ya let lani jan hta sha galaw shangut lu na zawn myit nawn da nga ma ai kun? Shanhte gaw hkru mat sai nlung shingyun sumpum ni hta na nlung ni hte kaning rai gaw gap lu na rai ma ta?,” ngu nna tsun wu ai.

NEHEMIA 4:9

rai ti mung anhte gaw anhte a Karai Kasang kaw akyu hpyi ga ai hte shani shana sin langa masha ni hpe tawn da ga ai.

EZEKELA 29:18

Shi gaw, “Si chye ai masha wa e, Babelon Hkawhkam Nebuhkadneza gaw Turu mare hpe htim gasat nu ai. Shi gaw hpyenla ni hpe li ai lit ni hpai shangun nu ai majaw shanhte a baw ni mahkyit shakrin kau ma ai; shanhte a lahpa ni mung shan katsing hpye mat mu ti mung, hkawhkam wa hte shi a hpyen luksuk ni kadai mung shanhte hkrum sha ai tsin-yam tsindam shabrai a matu hpa mung n lu la ma ai.

HAGI 1:2

Chyahtum Chyalai N-gun rawng ai dai Madu gaw Hagi hpe, “Ndai masha ni gaw Nawku Htingnu bai gaw gap na matu aten garai n du ai,” ngu nna tsun nga ma ai hpe tsun dan wu ai.

BU HKAWM 13:31

Rai ti mung Hkaleb hte rau hkawm sa ai ni chyawm gaw, “N rai law, shanhte hpe htim gasat na anhte hta n-gun atsam n law nga ga ai; dai mungdan na masha ni gaw anhte hta grau n-gun ja ma ai,” ngu nna tsun ma ai.

BU HKAWM 32:9

Shanhte gaw Eshkola Kadit du hkra sa nna, dai mung hpe mada yu nhtawm bai nhtang wa yang, dai Madu shanhte hpe mada yu nhtawm bai nhtang wa yang, dai Madu shanhte hpe jaw ya ai mung de shang sa wa na kaw na amyu masha ni hpe shanhte myit shadaw ya yu manu ai.