NEHEMIA 3:3 - Jinghpaw Common Language Bible 2009

³ Hasena amyu lakung gaw Nga Chyinghka galaw ma ai. Shanhte gaw dangbat hte chyinghka ni hpe shara hte shara tawn da ma ai, chyinghka la lu na matu shingla ni hte htinggrang ni hpe shakap da ma ai.

Jinghpaw Hanson Version Bible

³ Hasena kashu kasha ni gaw, nga chyinghka hpe galaw ma ai; shanhte gaw de a dingbat ni mara da nna, chyinghka ni hpe noi da ai hte, chyinghka shingla ni hte htinggrang ni hpe shakap da mu ai.

NEHEMIA 3:3 Iomraidhean Croise

2 HKAWHKAM LABAU 33:14

Dai hpang, Manashe gaw Gihon Hka Hpawk makau na kadit nchyun kaw nna dingdung maga Nga Chyinghka du hkra, Dawi a Mare a sinpraw maga na shinggan bunghku hte Ohpela mying ai mare shara lawm hkra, jat shatsaw da wu ai. Shi gaw Yuda mung na bunghku kum ai mare shagu hta hpyen hpung ni hpe up hkang na luksuk hpyen du langai ngai san tawn da wu ai.

NEHEMIA 12:39

dai kaw nna Ehprim Chyinghka, Yeshana Chyinghka, Nga Chyinghka, Hananela Langchyi hte Latsa Langchyi ni hpe lai kau da nhtawm Sagu Chyinghka de du ga ai. Anhte gaw Nawku Htingnu de sa wa ai Chyinghka makau e hkring nga ga ai.

NEHEMIA 2:8

Ngai gaw hkawhkam wa a maling ni hpe up ai Asap hpang de, Nawku Htingnu sin ai hpyen dap chyinghka ni a matu mung, mare bunghku ni a matu mung, ngai rawng na dum nta a matu mung hpunpyen jaw lu na matu shi hpe matsun dat ai laika langai hpyi we ai. Karai Kasang gaw ngai hte rau nga nga ai majaw dai hkawseng wa mung ngai hpyi ai lam yawng jaw ya nga ai.

NEHEMIA 3:4

Hakoza a kashu, Uria a kasha Meremot gaw dai hte yep re ai daw hpe galaw wu ai. Meshezabela a kashu, Berehkia kasha Meshulam gaw dai hte yep re ai daw galaw nga ai. Bana a kasha Zadok gaw dai hte yep re ai daw galaw nga ai.

NEHEMIA 3:6

Pasea a kasha Yoiada hte Besodia a kasha Meshulam yan gaw Yeshana Chyinghka hpe bai galaw da ma ai. Shanhte gaw dangbat ni hte chyinghka ni hpe shara hte shara mara tawn da ma ai, chyinghka la lu na matu shingla hte htinggrang ni hpe mung shakap da ma ai.

NEHEMIA 6:1

Sanbalat, Tobia, Geshem hte naw ngam nga ai anhte a gumlau hpyen ni gaw chyinghka lam ni hta chyinghka ni hpe anhte garai n shakap lu ti mung, anhte bunghku kum ngut sai lam hte dai ni hta n gaw hkrup ai sha shangam da ai lam hpa mung n nga sai shiga hpe na ma ai.

NEHEMIA 7:1

Ya bunghku bai gaw gap nna chyinghka ni yawng shi shara hte shara shakap da ngut jang, Nawku Htingnu sin ai ni, chyoi pra ai mahkawn mangoi hpung ni hte kaga Lewi masha ni hpe shanhte a amu hta san da ai hkrum nga sai.

SHAKAWN KUNGDAWN 147:13

Shi gaw na a mare chyinghka ni hpe shangang da nna, na a amyu masha ni hpe, shi shaman ya nga ai.

ZEHPANI 1:10

Dai Madu gaw, “Dai shani hta e, Yerusalem na Nga Chyinghka lam hta hkrap shabam ai nsen nanhte na lu na ra ai. Dai mare a lawk nnan daw hkan na masha ni a yawn shabam ai nsen hte kawng ntsa hkan nga ai dum nta ni hpe hpya jahten kau ai nsen ni hpe na lu na ra ai.