NEHEMIA 3:21 - Jinghpaw Common Language Bible 2009

²¹ Hakoza a kashu, Uria a kasha Meremot gaw dai hte yep kaw nna Eliashib a nta jahtum jut du hkra galaw wu ai.

Jinghpaw Hanson Version Bible

²¹ Shi a hpang e Hakoza kashu, Uri a kasha Meremot gaw Eliashib a nta chyinghka kaw nna, nta jut du hkra daw mi lajang wu ai.

NEHEMIA 3:21 Iomraidhean Croise

1 HKAWHKAM LABAU 4:8

Koza gaw Anub hte Zobeba yan a kawa rai nna, Harum a kasha Aharhela amyu lakung lama ni a kaji kawa tai wa nga ai.

EZRA 2:61

Ndai Habaia, Hakoza hte Barazilai hkinjawng lakung lama ni a kaji kawa ni a labau hpe n gawn da lu nga ai. (Barazilai hkinjawng lakung lama ni a kaji kawa gaw Gilead mung na Barazilai amyu lakung na numsha langai hkungran la wu ai majaw shi katsa a amyu lakung mying hta hkan mying wu ai.) Shanhte a kaji kawa ni kadai rai nga ma ai hpe n gawn lu nga ai majaw shanhte hpe hkinjawng hku n hkap jashawn la lu nga ai.

EZRA 8:33

Dai hpang, mali ya ngu na shani hta, Nawku Htingnu de anhte sa nhtawm aja, gumhpraw hte hkinghku arung arai ni hpe shen nna, Uria a kasha hkinjawng Meremot hpe ap ya ga ai. Hpineha a kasha Eleaza, Lewi masha lahkawng rai nga ai Yeshua a kasha Yozabad hte Binui a kasha Nodia ni gaw shi hte rau rai ma ai.

NEHEMIA 3:1

Da ndai gaw mare bunghku hpe kaning rai bai galaw da ai lam rai nga ai. Hkinjawng Kaba Eliashib hte shi a hkinjawng manang ni Sagu Chyinghka hpe bai galaw nna dai hpe ap nawng nhtawm de a shara hta chyinghka ni hpe shakap tawn ma ai. Shanhte gaw Latsa Langchyi hte Hananela Langchyi du hkra shangut da lu ai bunghku hpe ap nawng ma ai.

NEHEMIA 3:20

Zabai a kasha Baruk gaw dai hte yep kaw nna Hkinjawng Kaba Eliashib a nta de shang wa ai chyinghka lam de du hkra galaw wu ai;

NEHEMIA 3:22

Ndai lawu de na hkinjawng ni gaw bunghku hpe daw hte daw bai galaw da ai ni rai nga ai: Hkinjawng ni gaw Yerusalem grup grup shara kaw nna daw hte daw galaw ma ai;

NEHEMIA 3:4

Hakoza a kashu, Uria a kasha Meremot gaw dai hte yep re ai daw hpe galaw wu ai. Meshezabela a kashu, Berehkia kasha Meshulam gaw dai hte yep re ai daw galaw nga ai. Bana a kasha Zadok gaw dai hte yep re ai daw galaw nga ai.

NEHEMIA 7:63

Ndai Hobaia, Hakoza hte Barazilai hkinjawng lakung lama ni a kaji kawa ni a labau hpe n gawn da lu nga ai. (Barazilai hkinjawng lakung lama a kaji kawa gaw Gilead mung na Barazilai amyu lakung na numsha langai hpe hkungran la wu ai majaw shi katsa a amyu lakung mying hta hkan nga ai.) Shanhte a kaji kawa ni kadai rai nga ma ai hpe n gawn lu nga ai majaw shanhte hpe hkinjawng hku n hkap la lu nga ai.