NEHEMIA 3:1 - Jinghpaw Common Language Bible 2009

¹ Da ndai gaw mare bunghku hpe kaning rai bai galaw da ai lam rai nga ai. Hkinjawng Kaba Eliashib hte shi a hkinjawng manang ni Sagu Chyinghka hpe bai galaw nna dai hpe ap nawng nhtawm de a shara hta chyinghka ni hpe shakap tawn ma ai. Shanhte gaw Latsa Langchyi hte Hananela Langchyi du hkra shangut da lu ai bunghku hpe ap nawng ma ai.

Jinghpaw Hanson Version Bible

¹ Dai hpang hkinjawng agyi Eliashib hte shi a kahpu kanau hkinjawng ni gaw rawt nna, sagu chyinghka lam hpe galaw da ma ai; shanhte dai hpe shachyoi shapra nna, chyinghka ni noi da mu ai; Hamea langchyi du hkra, rai sa, Hananela langchyi du hkra, shanhte shangut nna shachyoi shapra da mu ai.

NEHEMIA 3:1 Iomraidhean Croise

NEHEMIA 12:10

Yawshu gaw Yoiakim a kawa, Yoiakim gaw Eliashib a kawa, Eliashib gaw Yoiada a kawa;

NEHEMIA 12:30

Hkinjawng ni hte Lewi masha ni gaw htung hte maren shanhte hkum ni hpe jasan jaseng la nna, amyu masha ni hpe mung, chyinghka ni hpe mung, mare bunghku hpe mung hkan galaw ma ai.

NEHEMIA 12:39

dai kaw nna Ehprim Chyinghka, Yeshana Chyinghka, Nga Chyinghka, Hananela Langchyi hte Latsa Langchyi ni hpe lai kau da nhtawm Sagu Chyinghka de du ga ai. Anhte gaw Nawku Htingnu de sa wa ai Chyinghka makau e hkring nga ga ai.

NEHEMIA 13:28

Yoiada gaw Hkinjawng Kaba Eliashib a kasha rai nga ai, rai ti mung Yoiada a shadang sha langai mi gaw Bet Horon mare na Sanbalat a shayi sha hpe hkungran la nga ai; dai rai nna ngai gaw Yoiada hpe Yerusalem kaw nna pru mat wa shangun nngai.

NEHEMIA 13:4

Nawku Htingnu a sut gawk ni hpe hpareng ai hkinjawng Eliashib gaw shaning na na kaw nna Tobia hte kanawn wa sai wa rai nga ai.

NEHEMIA 3:20

Zabai a kasha Baruk gaw dai hte yep kaw nna Hkinjawng Kaba Eliashib a nta de shang wa ai chyinghka lam de du hkra galaw wu ai;

NEHEMIA 3:21

Hakoza a kashu, Uria a kasha Meremot gaw dai hte yep kaw nna Eliashib a nta jahtum jut du hkra galaw wu ai.

NEHEMIA 3:32

Ja janghkam ni hte hpaga ga ai ni gaw jut gawk kaw nna Sagu Chyinghka du hkra hpang jahtum na daw hpe galaw ma ai.

NEHEMIA 6:1

Sanbalat, Tobia, Geshem hte naw ngam nga ai anhte a gumlau hpyen ni gaw chyinghka lam ni hta chyinghka ni hpe anhte garai n shakap lu ti mung, anhte bunghku kum ngut sai lam hte dai ni hta n gaw hkrup ai sha shangam da ai lam hpa mung n nga sai shiga hpe na ma ai.

NEHEMIA 7:1

Ya bunghku bai gaw gap nna chyinghka ni yawng shi shara hte shara shakap da ngut jang, Nawku Htingnu sin ai ni, chyoi pra ai mahkawn mangoi hpung ni hte kaga Lewi masha ni hpe shanhte a amu hta san da ai hkrum nga sai.

SHAKAWN KUNGDAWN 30:1

Madu e, nang ngai hpe hkye hkrang la nit dai, nye a gumlau hpyen ni ngai hpe dang kau ai kaw na, nang ngai hpe makawp maga la nit dai majaw, ngai nang hpe shakawn nngai.

SHAKAWN KUNGDAWN 48:12

Karai Kasang a amyu masha ni e, Ziun hpe shinggrup hkawm ai hte de a langchyi ni hpe hti yu mu;

GA SHAGAWP 3:6

Nang galaw ai lam shagu hte hta, dai Madu hpe dum nga u; shing rai yang, shi gaw ding man ai lam, nang hpe madun dan na ra ai.

GA SHAGAWP 3:9

Na a lamu ga hta na pru ai sut gan yawng mayawng hta na kaja htum ai ni hpe hkungga shatai nna, dai Madu hpe shagrau sha-a u.

YEREMIA 31:38

Dai Madu gaw, “Hananela langchyi kaw nna mare Jut Chyinghka du hkra, Yerusalem mare hpe nye a mare zawn bai gaw gap ai nhtoi du wa na ra ai.

Daniela 9:25

Dai hpe matsing da ai hte dai hpe chye tawn u. Yerusalem hpe bai gaw gap na hkang da ai ga pru wa ai aten kaw nna Karai Kasang lata la hkrum ai ningbaw du sa ai aten du hkra sanit ning sanit lang gaw lai mat wa na ra ai. Yerusalem mung mare lam ni hte ngang ai dahpran shara ni hte bai gaw gap da ai gaw shi lahkawng ning sanit lang na na rai nga ai, rai ti mung dai gaw ru yak tsin-yam tsindam hkrum ai aten rai na ra ai.

ZEHKARIA 14:10

Dingdung maga Geba mare kaw nna dingda maga Rimon mare du hkra dam ai ginwang ting gaw man ra ai shara tai mat na ra ai. Yerusalem chyawm gaw de a grup yin lamu ga hta grau tsaw nga na ra ai. Dai mare gaw Benyamin Chyinghka kaw nna shawng na chyinghka nga ai shara Njut Chyinghka du hkra, Hananela Langchyi kaw nna hkawhkam wa a sabyi htumbyen du hkra dam nga na ra ai.

YAWHAN 5:2

Yerusalem mare na Sagu Chyinghka makau e Hebre ga hku Betzahta ngu ai hka lawng langai mi nga ai, dai hka lawng hpe shinggrup nna jarawp manga mung gap da ma ai.

TARA JAHPRANG 20:5

“Shaloi du salang ni mung masha ni hpe, ‘Nta gap ti mung dingshawn garai n shang ai ndai yang e kadai nga nga a ta?, nga ai rai yang, shi gaw nta de wa na rai wu ai. Dai n rai, majan pa e shi sat kau ai hkrum yang, marai langai ngai shi a nta hpe dingshawn shang na rai wu ai.