NEHEMIA 2:6 - Jinghpaw Common Language Bible 2009

⁶ Hkawseng wa hte shi a makau e dung nga ai hkawseng jan gaw nye a hpyi lajin ai ga hpe myit hkrum ya ma ai. Shi gaw ngai hpe ngai kade na hkra wa nga nna, galoi aten hta ngai bai nhtang sa wa na a ta?, nga nna san ai rai nna, dai lam ngai shi hpe tsun dan nngai.

Jinghpaw Hanson Version Bible

⁶ Shaloi hkawhkam wa gaw, “Nang gade na hkra wa nna, galoi bai sa lu na n ta?” nga nna bai san ai. Hkawhkam jan mung shi hte rau dung nga ai. Shing rai ngai hpe shabawn dat na, hkawhkam wa myit hkraw ai hte, ngai shi hpe ahkying aten daw da nngai.

NEHEMIA 2:6 Iomraidhean Croise

NEHEMIA 1:11

Nye a akyu hpyi ga hte nang hpe shagrau sha-a mayu ai kaga na a shangun ma ni yawng a akyu hpyi ga ni hpe ya jang madat ya mi. Dai ni jang ngai hpe awng dang ai lam jaw ya let hkawseng wa anhte hpe yu matsan dum shangun mi law.” Ngai chyawm gaw dai aten e hkawseng wa a sabyi jau ai wa rai nga nngai.

NEHEMIA 13:6

Ndai lam byin nga ai aten hta, ngai chyawm gaw Yerusalem e n nga nngai; hpa majaw nga yang, Babelon Hkawhkam Artazazi hkaw dung ai sumshi lahkawng ning hta, shi kaw shiga tang madun na matu ngai nhtang shang wa nngai. Tsawmra mi na ai hpang, shi kaw na ahkaw ahkang lu la ai hte,

NEHEMIA 2:4

Hkawseng wa gaw, “Nang hpa baw ra sharawng n ta?,” ngu nna san wu ai. Ngai gaw sumsing lamu a Karai Kasang kaw akyu hpyi nngai,

NEHEMIA 2:5

dai hpang ngai gaw hkawseng wa hpe, “Madu hkawhkam gaw ngai hpe awng sharawng nna nye a hpyi lajin ai lam hpe jaw ya na myit rawng n yang gaw, Yuda mung, nye a kaji kawa ni hpe lup makoi da ai mare hpe ngai bai de da lu n-ga, ngai hpe sa wa shangun e law,” ngu nna tsun wu ai.

NEHEMIA 5:14

Hkawseng Artazazi hkaw dung ai hkun ning kaw nna sumshi lahkawng ning du hkra, shi lahkawng ning tup, Yuda mung e ngai munggyi tai nga ai shaloi, ngai hte nye a makyin jinghku ni munggyi jarit sha ga ai n rai.

ESAIA 58:12

Na a amyu masha ni gaw moi na hten run mat sai ni hpe bai de da na mara ai, moi moi na npawt nhpang ni a ntsa e bai gaw kahtap na ra ai. Nang gaw bunghku ni hpe bai gaw gap nna hten run mat sai dum nta ni hpe bai gram lajang da ai amyu masha ni zawn kajai gumhkawng na ra ai.

ESAIA 61:4

Shanhte gaw moi chyaloi nhkoi kaw nna hten run nga sai mare ni hpe bai gaw gap da na mara ai.

ESAIA 65:24

Shanhte ngai kaw akyu hpyi ai ga garai n htum yang pyi, ngai gaw shanhte a akyu hpyi ga ni hpe htan ya na nngai.

Daniela 9:25

Dai hpe matsing da ai hte dai hpe chye tawn u. Yerusalem hpe bai gaw gap na hkang da ai ga pru wa ai aten kaw nna Karai Kasang lata la hkrum ai ningbaw du sa ai aten du hkra sanit ning sanit lang gaw lai mat wa na ra ai. Yerusalem mung mare lam ni hte ngang ai dahpran shara ni hte bai gaw gap da ai gaw shi lahkawng ning sanit lang na na rai nga ai, rai ti mung dai gaw ru yak tsin-yam tsindam hkrum ai aten rai na ra ai.