NEHEMIA 2:4 - Jinghpaw Common Language Bible 2009

⁴ Hkawseng wa gaw, “Nang hpa baw ra sharawng n ta?,” ngu nna san wu ai. Ngai gaw sumsing lamu a Karai Kasang kaw akyu hpyi nngai,

Jinghpaw Hanson Version Bible

⁴ Shaloi hkawhkam wa gaw, “nang hpa tam nga n ta?” ngu wu yang, ngai gaw, “Sumsing lamu na Karai Kasang hpe hpyi nngai.

NEHEMIA 2:4 Iomraidhean Croise

2 SAMUELA 15:31

Ahihtohpela mahtang Absalom a gumlau hpung hte matut mat sai shiga Dawi na jang, shi gaw, “Madu e, chyeju hte Ahihtohpela a hpaji daw ya ai lam hpe angawk kau ya u!,” ngu nna hpyi wu ai.

1 HKAWHKAM 3:5

Dai Madu gaw dai shana e yup mang hta shi kaw dan pru nhtawm, “Ngai nang hpe hpa jaw na hpyi e,” ngu nna shi hpe san wu ai.

NEHEMIA 1:11

Nye a akyu hpyi ga hte nang hpe shagrau sha-a mayu ai kaga na a shangun ma ni yawng a akyu hpyi ga ni hpe ya jang madat ya mi. Dai ni jang ngai hpe awng dang ai lam jaw ya let hkawseng wa anhte hpe yu matsan dum shangun mi law.” Ngai chyawm gaw dai aten e hkawseng wa a sabyi jau ai wa rai nga nngai.

NEHEMIA 1:4

Ndai lam yawng hpe ngai na ai shaloi, dung let hkrap nga nngai. Ngai gaw nhtoi tsawmra mi na mat hkra sharung shayawt ai hte lusha n sha nngai. Ngai gaw Karai Kasang hpe,

NEHEMIA 1:5

“Madu Sumsing lamu a Karai Kasang e! Nang gaw galu kaba nga ndai rai nna, anhte nang hpe hkrit kamyin nga ga ai. Nang hpe tsaw ra ai ni hte tawn da ai ga shaka hpe nang sadi sahka hte shatup ya nga ndai; nang gaw hkang da ai ga hte maren galaw ndai.

NEHEMIA 2:20

Ngai gaw, “Sumsing lamu a Karai Kasang gaw anhte hpe awng dang ai lam jaw ya na ra ai. Anhte gaw shi a shangun ma ni rai nga ga ai. Ndai gaw gap ai amu hpe anhte galaw hpang wa na saga ai. Rai ti mung nanhte mahtang Yerusalem hta sut gan madu la na ahkaw ahkang n lu myit dai. De a sali wunli kumhtaw hpa mung nanhte lu ai n rai,” ngu nna htan we ai.

NEHEMIA 2:5

dai hpang ngai gaw hkawseng wa hpe, “Madu hkawhkam gaw ngai hpe awng sharawng nna nye a hpyi lajin ai lam hpe jaw ya na myit rawng n yang gaw, Yuda mung, nye a kaji kawa ni hpe lup makoi da ai mare hpe ngai bai de da lu n-ga, ngai hpe sa wa shangun e law,” ngu nna tsun wu ai.

ESHTA 5:3

Hkawhkam wa gaw, “Hkawhkam Eshta e, kaning ngu mayu n ta? Nang hpa ra ai lam ngai hpe tsun dan rit, nye a mungdan chyen mi hpe pyi nang lu la lu na rai ndai,” ngu nna san wu ai.

ESHTA 5:6

Ya hkawhkam wa poi sabyi lu ngut jang, shi hpe, “Nang hpa ra ai lam ngai hpe tsun dan rit; dai hpe nang hkam la lu na rai ndai. Nye a mungdan chyen mi hpe pyi nang hpyi ai rai yang, nang hpyi ai hte maren ngai jaw na de ai,” ngu nna san wu ai.

ESHTA 7:2

lahkawng lang ngu na rau lu rau sha nga ma ai. Sabyi lu poi ngut jang, hkawhkam wa gaw Eshta hpe, “Hkawhkam jan Eshta e, ya nang hpa ra n ta? Dai hpe nang hkam la lu na rai nga ndai majaw ngai hpe tsun dan rit. Mungdan chyen mi hpe pyi nang hpe ngai jaw ya lu na nngai,” ngu nna bai tsun wu ai.

SHAKAWN KUNGDAWN 136:26

Sumsing lamu na Karai Kasang hpe chyeju dum shakawn nga mu; shi a tsaw ra myit htani htana agrin nga ai.

GA SHAGAWP 3:6

Nang galaw ai lam shagu hte hta, dai Madu hpe dum nga u; shing rai yang, shi gaw ding man ai lam, nang hpe madun dan na ra ai.

MARKU 10:51

Yesu gaw shi hpe, “Ngai na a matu hpa di ya na nang ra n ta?,” ngu nna san mu ai. Myi kyaw ai wa gaw, “Sara e ngai myi bai mu mayu nngai law,” ngu nna htan wu ai.

KASA 23:19

Shaloi hpyen du kaba gaw shi hpe lata dun nna, shim ai shara de she woi bang nhtawm, “Nang ngai hpe hpa tsun mayu n ta?,” ngu nna lagyim san yu wu ai.

HPILIPI 4:6

Hpa lam hta mung myit hkum ru hkum tsang nga myit; lam shagu hta akyu hpyi nna tawng ban ai hte chyeju dum ai myit masin hte shakawn kungdawn let nanhte a ra mara hpe Karai Kasang kaw shana ya mu.