NEHEMIA 2:10 - Jinghpaw Common Language Bible 2009

¹⁰ Rai ti mung, Israela amyu masha ni a matu mai kaja ai amu galaw na marai langai mi sa wa sai lam, Bet Horon mare na Sanbalat hte Amon mungdaw a du Tobia yan na ma ai shaloi, shan nachying masin pawt nga ma ai.

Jinghpaw Hanson Version Bible

¹⁰ Shing rai, Israela kashu kasha ni hpe lanu lahku ya na nga, masha langai mi sa wa ai lam, Horoni masha Sanbalat hte, mayam rai nga ai Ammon masha Tobia na mu yang, shan gaw nachying myit n pyaw nga ma ai.

NEHEMIA 2:10 Iomraidhean Croise

NEHEMIA 13:1

Amyu masha ni hpe Mawshe a Tara ja ja hti dan mu ai shaloi, dai laika hta Amon hte Moba masha kadai mung Karai Kasang a amyu masha ni hte galoi mung matut mahkai lu na ahkang n nga nga ai.

NEHEMIA 13:28

Yoiada gaw Hkinjawng Kaba Eliashib a kasha rai nga ai, rai ti mung Yoiada a shadang sha langai mi gaw Bet Horon mare na Sanbalat a shayi sha hpe hkungran la nga ai; dai rai nna ngai gaw Yoiada hpe Yerusalem kaw nna pru mat wa shangun nngai.

NEHEMIA 13:4

Nawku Htingnu a sut gawk ni hpe hpareng ai hkinjawng Eliashib gaw shaning na na kaw nna Tobia hte kanawn wa sai wa rai nga ai.

NEHEMIA 2:19

Ya anhte galaw sa wa na lam hpe Sanbalat, Tobia hte Geshem mying ai Arab masha langai ni na jang, anhte hpe mani asawng let, “Hpa lam myit lu nna nanhte galaw nga myit ni? Hkawseng wa hpe nanhte gumlau nga myit ni?,” ngu nna tsun mi ai.

NEHEMIA 4:7

Anhte mung Yerusalem mare bunghku gaw ai lam hte waw malawng mat ai bunghku ni hpe bai pat shachyip ai lam hta gaw sharawt da lu saga ai hpe Sanbalat, Tobia yan hte Arab, Amon hte Ashdod masha ni na jang, shanhte masin grai pawt ma ai.

NEHEMIA 6:1

Sanbalat, Tobia, Geshem hte naw ngam nga ai anhte a gumlau hpyen ni gaw chyinghka lam ni hta chyinghka ni hpe anhte garai n shakap lu ti mung, anhte bunghku kum ngut sai lam hte dai ni hta n gaw hkrup ai sha shangam da ai lam hpa mung n nga sai shiga hpe na ma ai.

NEHEMIA 6:16

Ndai lam hpe grup yin amyu baw ni hkan nga ai anhte a gumlau hpyen ni na mu yang, Karai Kasang karum la ai a jaw e, bungli galaw la sai hpe masha shagu chye wa ma ai; shanhte myi man sum mat nga masai hpe dum chye wa ma ai.

ESHTA 10:3

Yuda masha Mordehkai gaw Hkawhkam Ahasuru a lawu hprut arawng aya hkam la lu ai wa rai nna shagrau sha-a hkrum ai hte shi a Yuda manaw manang ni shi hpe grai yu sharawng nga ma ai. Shi gaw shi a amyu masha ni a matu ngamu ngamai lam hte shanhte a amyu matu ni yawng a shim lam hpe galaw ya nga ai.

SHAKAWN KUNGDAWN 112:10

Tara n lang ai ni dai lam hpe mu nna, masin pawt nga ma ai; shanhte gaw wa utik ai hte myit daw hten mat nna; shanhte a myit mada ai lam ni mung htani htana hten mat na mara ai.

GA SHAGAWP 27:4

Pawt sindawng ai gaw matse ai hte jahten shabya nga ai, rai tim manawn masham ai a jahten sharun ai gaw shadawn n mai hkra grau sawng nga ai.

GA SHAGAWP 30:22

Hkawhkam tai wa ai mayam, hkru hkru kat kat sha lu ai angawk ai wa,

HPAJI NINGLI 10:7

Mayam ni gaw gumra jawn, du magam ni gaw mayam ni zawn lagaw hte hkawm nga ma ai hpe ngai mu nngai.

ESAIA 15:5

Nye a myit masin gaw Moba a matu hkrap nga a hka! Masha ni gaw Zoara hte Eglat Shelishiya kahtawng de hprawng mat wa masai. Nkau mi gaw hkrap let Luhit mare lam de lung wa ma ai; nkau mi gaw Horonaim de ja ja yawn ai hte hprawng mat wa ma ai.

YEREMIA 41:10

Dai hpang, shi gaw hkawhkam wa a shayi sha ni hte Gedalia a up hkang ai npu hta taw nga na matu hpyen du Nebuzaradan hkang da ai hte maren Mizpa mare hta naw ngam nga ai amyu masha ni mahkra hte hpe, woi wa shangun wu ai. Ishmaela gaw shanhte hpe bawng masha hku rim woi wa ai hte Amon mung maga de rawt sa mat wa nga ma ai.

YEREMIA 48:34

“Heshbon masha ni hte Eleale masha ni marawn jahtau ai shanhte a nsen hpe Yahaza du hkra na lu nga ai; dai nsen hpe Zoara mare hta nga ai masha ni mung na lu ma ai; Horonaim hte Eglat Shelishiya du hkra mung na lu nga ai; Nimrim hka shi pyi hkyet mat sai.

YEREMIA 48:5

Luhit mare de lung wa ai lam dingyang hta, shanhte a hkrap agru ai nsen hte Horonaim de yu wa ai hkrun lam hta myit ru myit yak ai a hkrap agru ai nsen hpe na lu nga ai.

KASA 4:2

Kasa yan gaw Yesu si ai kaw na bai hkrung rawt wa sai lam hkaw tsun nga ma ai majaw Saduke ni pawt bu nga ma ai. Hpa majaw nga yang Madu Yesu hkrung rawt wa ai lam gaw, si mat ai ni bai hkrung rawt wa na mara ai ngu ai lam teng nga ai hpe sakse madun nga ai.

KASA 5:24

Hkinjawng agyi ni hte htingnu sin ai du wa dai hpe na ma yang, kasa ni hta hpa byin ai rai wa sai kun? nga nna grai mau mat ma ai.