NEHEMIA 13:16 - Jinghpaw Common Language Bible 2009

¹⁶ Turu mare masha nkau mi gaw Yerusalem mare hta nga nga ma ai rai nna shanhte mung nga hte kaga arai amyu baw hkum sumhpa la sa ai hte Bansa Nhtoi e anhte a amyu masha ni hpe sa dut jaw ma ai.

Jinghpaw Hanson Version Bible

¹⁶ Dai hta kaga, Turu masha mung nga nga nna, shanhte gaw laban nhtoi hta e anga hte arai amyu myu jashawn nna, Yuda hte Yerusalem masha ni hpe dut jaw mu ai.

NEHEMIA 13:16 Iomraidhean Croise

NEHEMIA 13:15

Dai aten, Yuda mung hta Bansa Nhtoi e sabyi htumbyen kabye ai hpe mung, kaga ni mung nsi naisi, sabyi ntsin, sabyi si, maihpang si hte kaga arung arai ni hpe shanhte a lawze ni hta htaw let Yerusalem mare de yu wa nga ma ai hpe mung ngai mu nngai. Ngai gaw shanhte hpe Bansa Nhtoi hta arai hpa mung n dut na matu sadi jaw ni ai.

NEHEMIA 13:17

Ngai mung Yuda ningbaw ni hpe, “Nanhte galaw nga ai n hkru ai amu hpe yu yu mu! Nanhte gaw Bansa Nhtoi hpe n chyoi n pra shangun nga myit hka!

PRU MAT 20:10

rai ti mung, sanit ya nhtoi gaw nye a matu ap nawng da sai bansa ai shani rai nga ai. Dai shani e, nang mung, na a kashu kasha ni mung, na a mayam ni mung, na a yam nga ni mung, na a mung hta sa shanu nga ai maigan masha ni kadai mung magam bungli galaw lu na myit dai n rai.

PRU MAT 23:12

“Bat mi hta kru ya tup amu bungli galaw lu ti mung, sanit ya ngu na nhtoi hta chyawm gaw galaw lu na n rai; na a matu amu galaw ya nga ai na a mayam ni hte maigan masha ni sha n-ga, na a yam nga ni pyi ban sa la lu na mara ai.

TARA JAHPRANG 5:14

rai ti mung sanit ya nhtoi gaw nye a matu ap nawng da ai bansa ai shani rai nga ai; dai shani e, nang hte na a shayi shadang sha ni mung, nanhte a mayam ni mung, yam nga ni mung, nanhte a mung hta shanu nga ai maigan masha kadai mung magam bungli shachyen lu na n rai. Nanhte bansa la lu myit dai hte maren mayam ni mung ban sa la na ra nga ma ai.