NEHEMIA 11:3 - Jinghpaw Common Language Bible 2009

³ Kaga mare kahtawng hkan nga ai Israela amyu masha ni, hkinjawng ni, Lewi masha ni, Nawku Htingnu amu galaw ai ni, Shawlumon a shangun ma ni a amyu matu ni chyawm gaw shanhte a sut gan shanhte a mare ni hta nga nga ma ai. Ndai gaw Yuda mungdaw Yerusalem mare hta nga ai woi awn myit su ni a jahpan rai nga ai. Zehkaria a kashu, Uzia a kasha Ahtaia. Kaga shi a kaji kawa ni rai nga ai Amaria, Shehpatia, Mahalalela, hte Yuda a kasha Peret a amyu matu ni lawm ma ai.

Jinghpaw Hanson Version Bible

³ Da ndai gaw, Yerusalem mare hta de nga ai mungdaw du ni rai nga ma ai: Yuda mare ni hta chyawm gaw, Israela masha ni, hkinjawng ni, Lewi masha ni, Nehtinim masha ni hte Shawlumon a mayam ni a kashu kasha ni gaw, langai hte langai tinang a lamu ga dachyawk hta de nga ma ai.

NEHEMIA 11:3 Iomraidhean Croise

EZRA 2:1

Bawng dung ai masha law law hte gaw Babelon mungdaw hta na pru wa nhtawm Yerusalem mare hte Yuda mung de nhtang wa nna tinang nang a mare de wa shajang ma ai. Shanhte a dinghku ni gaw Hkawhkam Nebuhkadneza shanhte hpe bawng masha ni hpe zawn rim mat wa ai shani kaw nna, Babelon mung e bawng dung hkrum let nga nga sai ni rai ma ai.

EZRA 2:43

Bawng dung ai kaw nna nhtang wa ai Nawku Htingnu amu galaw masha ni a lakung lama ni: Ziha, Hasuhpa, Tabaot, Kero, Siaha, Padon, Lebana, Hagaba, Akub, Hagab, Shamlai, Hanan, Gidela, Gahara, Reaia, Rezin, Nekoda, Gazam, Uza, Pasea, Besai, Asna, Meunim, Nehpisim, Bakbuk, Hakuhpa, Harahura, Bazluhta, Mehida, Harsha, Barko, Sisera, Tema, Nezia hte Hatihpa ni rai nga ai.

EZRA 2:70

Hkinjawng ni, Lewi masha ni hte amyu masha nkau mi gaw Yerusalem mare hte grup yin hkan nga nga ma ai; mahkawn mangoi chye ai ni, Nawku Htingnu sin ai ni hte Nawku Htingnu amu galaw masha ni chyawm gaw mare kahtawng makau mayan hkan e nga ma ai; ngam ai Israela masha ni mahtang shanhte a kaji kawa ni nga ai mare ni hta nga nga ma ai.

NEHEMIA 11:20

Ngam nga ai Israela masha ni, hkinjawng ni hte Lewi masha ni gaw tinang a sut gan arung arai hte hpawn Yuda mung kaga mare kahtawng ni hkan nga nga ma ai.

NEHEMIA 7:39

Da ndai gaw bawng dung hkrum ai kaw nna nhtang wa ai hkinjawng amyu lakung ni a jahpan rai nga ai: Yedaia (Yeshua amyu matu ni) - 973 Imera - 1,052 Pashura - 1,247 Harim - 1,017

NEHEMIA 7:43

Bawng dung hkrum ai kaw nna nhtang wa ai Lewi lakung ni: Yeshua hte Kadmiela (Hodawia amyu matu ni) - 74 Nawku Htingnu mahkawn mangoi masha ni (Asap amyu matu ni) - 148 Nawku Htingnu sin ai ni (Shalum, Atera, Talamon, Akub, Hatita hte Shobai ni a amyu matu ni) - 138

NEHEMIA 7:46

Bawng dung hkrum ai kaw nna nhtang wa ai Nawku Htingnu amu galaw masha ni a lakung lama ni: Ziha, Hasuhpa, Tobaot, Kerosa, Sia, Padon, Lebana, Hagaba, Shalmai, Hanan, Gidela, Gahara, Reaia, Rezin, Nekoda, Gazam, Uza, Pasea, Besai, Meunim, Mehpushesim, Bakbuk, Hakuhpa, Harahura, Bazlihta, Mehida, Harsha, Barkosa, Sisera, Tema, Nezia, hte Hatihpa ni rai nga ai.

NEHEMIA 7:6

Bawng dung hkrum ai masha law law hte gaw Babelon mungdaw kaw nna pru wa nhtawm Yerusalem hte Yuda mung na tinang nang a mare de nhtang wa ma ai. Shanhte a dinghku ni gaw Hkawhkam Nebuhkadneza shanhte hpe bawng masha hku rim woi mat wa ai shani kaw nna Babelon mung e bawng dung hkrum let nga nga sai ni rai ma ai.

NEHEMIA 7:7

Shanhte a ningbaw ni gaw Zerubabela, Yawshu, Nehemia, Azaria, Ramia, Nahamani, Mordehkai, Bilshan, Misperet, Bigwai, Nehum hte Bana hte rai ma ai.

NEHEMIA 7:73

Hkinjawng ni, Lewi masha ni, Nawku Htingnu sin ai ni, mahkawn chye mahkawn ai ni, yu maya masha law law hte Nawku Htingnu amu galaw masha ni ngu na Israela amyu masha ni yawng Yuda mung na mare kahtawng ni hkan nga nga ma ai.